Шлюб
Шлюб — грамадзкае становішча, саюз паміж мужчынам і жанчынаю з мэтаю сумеснага жыцьця й выхаваньня дзяцей. У залежнасьці ад краіны, шлюб можа рэгулявацца дзяржаваю, рэлігійнымі інстытутамі альбо мясцовымі звычаямі. Мужчына ў шлюбе завецца мужам, а жанчына — жонкаю.
Погляды філёзафаў на шчасьце ў шлюбе
[рэдагаваць | рэдагаваць крыніцу]На думку брытанскага філёзафа, матэматыка й пацыфіста Бэртрана Расэла цывілізаваныя мужчына й жанчына могуць быць шчасьлівыя ў шлюбе, аднак дзеля гэтага яны павінны прытрымлівацца наступных умоваў:
- павінна быць адчуваньне поўнай роўнасьці з абодвух бакоў;
- не павінна быць ніякага ўмяшаньня ў свабоду адзін аднаго;
- павінна быць самая цесная фізычная й духоўная блізкасьць;
- павінна быць вызначаная блізкасьць у адносінах каштоўнасных стандартаў[1].
1 верасьня 1999 году набыў моц Кодэкс Рэспублікі Беларусь аб шлюбе і сям’і, які замяніў сабой Кодэкс Беларускай ССР аб шлюбе і сям’і ад 13 чэрвеня 1969 году. На 4 студзеня 2007 году ў Беларусі чвэрць шлюбных параў былі бясплоднымі празь перанесеныя раней плоцевыя інфэкцыі[2]. Паводле перапісу насельніцтва Беларусі 2009 г., сярод 3 699 982 мужчынаў ва ўзросьце звыш 15 гадоў налічылі 2 281 602 жанатых (61,7%). Абсалютную большасьць сярод аднагодкаў жанатыя мужчыны складалі з 26-гадовага ўзросту. Сярод 4 403 047 жанчынаў ва ўзросьце звыш 15 гадоў налічылі 2 305 364 замужніх (52,4%). Абсалютную большасьць сярод аднагодак замужнія жанчыны складалі з 24-гадовага па 64-гадовы ўзрост[3]. Перавышэньне ліку замужніх жанчынаў над жанатымі мужчынамі на 23 762 асобы (1% замужніх жанчынаў) сьведчыла аб шматжэнстве. У 2011 г. дзяржаўныя ўстановы Беларусі для запісу актаў грамадзянскага стану ўлічылі 352 тыс. шлюбаў, абсалютную меншасьць (каля 45%) якіх паставілі на ўлік урачыста[4].
Крыніцы
[рэдагаваць | рэдагаваць крыніцу]- ^ Бэртран Расэл Філязофскі слоўнік розуму, матэрыі й маралі = Философский словарь разума, материи и морали. — Кіеў: Port-Royal, 1996. — 368 с. — ISBN 966-7068-00-5
- ^ Алеся Шабан, «Менск-Навіны». Памылкі маладосьці // Зьвязда : газэта. — 4 студзеня 2007. — № 1 (25866). — ISSN 1990-763x.
- ^ Мужчыны і жанчыны паводле стану ў шлюбе і ўзросту (Перапіс насельніцтва Рэспублікі Беларусь 2009 году) (рас.) // Нацыянальны статыстычны камітэт Рэспублікі Беларусь, 4 жніўня 2010 г. Праверана 1 лютага 2016 г.
- ^ Надзея Дрыла. Больш за ўсё шлюбаў летась было зарэгістравана ў сталіцы // Зьвязда : газэта. — 20 студзеня 2012. — № 12 (27127). — С. 1-2. — ISSN 1990-763x.
| Гэта — накід артыкула. Вы можаце дапамагчы Вікіпэдыі, пашырыўшы яго. |