Габрыель Война
 Герб «Трубы» | |
| Асабістыя зьвесткі | |
|---|---|
| Памёр | 1 студзеня 1615 |
| Род | Грычыны-Войны |
| Бацькі | Война Грычына |
Габрыель Война (? — 1 студзеня 1615) — дзяржаўны і вайсковы дзяяч Вялікага Княства Літоўскага. Рэфэрэндар сьвецкі і пісар вялікі літоўскі (1585—1589), падканцлер вялікі літоўскі (з 1589)
Трымаў Мерацкае, Краснасельскае, Пянянскае і Опсаўскае староствы.
Біяграфія[рэдагаваць | рэдагаваць крыніцу]
Прадстаўнік шляхецкага роду Грычынаў-Войнаў гербу «Трубы», сын Войны Грычыны. Меў братоў Сямёна, Рыгора, Сокала і Бэнэдыкта.
Браў удзел у вайсковых выправах Стэфана Баторыя, вызначыўся пры вызваленьні Полацку (1579). Быў вялікім паслом караля і вялікага князя Жыгімонта Вазы ў Маскву ў 1590—1591.
Абіраўся паслом на соймы. Займаў пасаду каралеўскага сакратара[1].
Крыніцы[рэдагаваць | рэдагаваць крыніцу]
- ^ Пазднякоў В. Войны // ВКЛ. Энцыкл. — Мн.: 2005 Т. 1. С. 461.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
