Комі АССР
| Комі АССР Комі Аўтаномная Савецкая Сацыялістычная Рэспубліка | |||||
| |||||
| Сталіца | Сыктыўкар | ||||
| Плошча • агульная |
415 900 км² | ||||
| Насельніцтва • агульнае (1989) |
1 250 847 | ||||
Комі Аўтаномная Савецкая Сацыялістычная Рэспубліка (па-расейску: Коми Автономная Советская Социалистическая Республика, на комі Коми Автономнӧй Сӧветскӧй Социалистическӧй Республика) — аўтаномная рэспубліка на паўночным захадзе РСФСР, утвораная 22 жніўня 1921 году пад назвай Аўтаномная вобласьць Комі (Зыран), у 1936 годзе пераўтвораная ў аўтаномную рэспубліку.
Сталіцай Комі АССР быў горад Сыктыўкар.
Гісторыя[рэдагаваць | рэдагаваць крыніцу]
22 жніўня 1921 году з усходніх частак Архангельскай і Паўночна-Дзьвінскай губэрній РСФСР была ўтворана аўтаномная вобласьць Комі (Зыран). 5 сьнежня 1936 году па новай канстытуцыі СССР АВ Комі (Зыран) была пераўтворана ў Комі АССР. 29 жніўня 1990 году Вярхоўны Савет аўтаномнай рэспублікі абвясьціў яе сувэрэнітэт у якасьці Комі ССР; 24 траўня 1991 году Зьезд Народных дэпутатаў РСФСР унёс новую назву ў арт. 71 канстытуцыі РСФСР. 26 траўня 1992 году Вярхоўны Савет Комі прыняў закон пра зьмену назвы Комі ССР у Рэспубліку Комі. 9 сьнежня 1992 году новая назва была ўнесеная Зьездам народных дэпутатаў у канстытуцыю Расейскай Фэдэрацыі. Гэтая папраўка ўступіла ў сілу з 12 студзеня 1993 году.
Адміністрацыйны падзел[рэдагаваць | рэдагаваць крыніцу]
У склад Комі АССР уваходзілі:
- Іжэмскі раён
- Лецкі раён
- Прылускі раён
- Старажэўскі раён
- Сыктыўкарскі раён
- Саснагорскі раён
- Троіцка-Пячорскі раён
- Удорскі раён
- Вусць-Вусінскі раён
- Вусць-Вымскі раён
- Вусць-Куламскі раён
- Вусць-Цілемскі раён
Дэмаграфія[рэдагаваць | рэдагаваць крыніцу]
Згодна зь перапісам 1939 году 72,5% насельніцтва рэспублікі складалі комі. У 1989 годзе гэтая лічба скарацілася да 23,3%. У 1989 годзе беларусы складалі 2,1% насельніцтва (ці 26 730 чалавек).
| |||||
| |||||
| |||||
| |||||
|
|
|
|---|
