Астравы Кука
Выспы Кука Kūki 'Āirani Cook Islands | |||
| |||
Дзяржаўны гімн: «Te Atua Mou E» | |||
Афіцыйная мова | ангельская, маарыйская | ||
Сталіца | Аваруа | ||
Найбуйнейшы горад | Аваруа | ||
Форма кіраваньня | канстытуцыйная манархія Элізабэта ІІ Джым Марураі | ||
Плошча • агульная |
206-е месца ў сьвеце 240 км² | ||
Насельніцтва • агульнае (2006) • шчыльнасьць |
218-е месца ў сьвеце 19 569 76/км² | ||
СУП • агульны (2005) • на душу насельніцтва |
Сьпіс краінаў паводле СУП $183,2 млн $9100 | ||
Валюта | Навазэляндзкі даляр (NZD) | ||
Дамэн верхняга ўзроўню | .ck | ||
Тэлефонны код | +682 | ||
Выспы Кука (па-маарыйску: Kūki 'Āirani, па-ангельску: Cook Islands) — залежная тэрыторыя Новай Зэляндыі ў паўднёвай частцы Ціхага акіяна ў Палінэзіі, знаходзіцца на выспах архіпэлягу з такой жа назвай.
Гісторыя
Выспы былі адкрытыя ў 1595 годзе гішпанскім вандроўцам Альвара дэ Мэнданья. Наступным эўрапейцам які высадзіўся на выспах у 1773 годзе быў Джэймс Кук які назваў іх Hervey Islands. У 1824 годзе ўпершыню была выкарыстана назва «выспы Кука» на мапе Ёгана фон Крузэнштэрна.
З 1888 году выспы былі пад брытанскім пратэктаратам пад назвай «Cook Islands Federation». У 1901 годзе выспы былі перададзеныя Новай Зэляндыі, а ў 1903 годзе зь іх была вылучана Ніуе як асобная тэрыторыя. З 1965 году выспы маюць унутраную аўтаномію.
З пачатку ХХ стагодзьдзя на чатыры выспы ў паўночнай частцы выспаў Кука (Маніхікі, Пэнрхайн, Пукапука і Ракаханга) прэтэндавалі Злучаныя Штаты Амэрыкі. У 1980 годзе была падпісаная дамова паміж ЗША і Новай Зэляндыяй, згодна зь якой ЗША адмаўляліся ад выспаў.
Палітыка
Выспы Кука зьяўляюцца парлямэнцкай манархіяй, якая знаходзіцца ў вольнай асацыяцыі з Новай Зэляндыяй. Кіраўніком краіны зьяўляецца каралева Элізабэта ІІ, ад імя якой кіруе прадстаўнік каралевы Фрэдэрык Гудвін. Заканадаўчая ўлада належыць парлямэнту, які складаецца з 24 дэпутатаў, якія выбіраюцца на 5 гадовы тэрмін на ўсеагульных выбарах.
Урад выспаў мае поўную ўладу над унутранымі справамі і частковую над зьнешнімі. Новая Зэляндыя адказвае за абарону выспаў Кука і часткова за зьнешнюю палітыку (павінна кансультавацца з урадам выспаў Кука). Выспы Кука маюць права да налады дыпляматычных стасункаў зь іншымі краінамі і міжнароднымі арганізацыямі (яны зьяўляюцца ўдзельнікамі ЮНЭСКА і іншых рэгіянальных арганізацыяў, але не ўваходзяць у ААН і маюць дыпляматычныя стасункі з 18 краінамі).
Геаграфія
У склад выспаў Кука ўваходзяць 15 атолаў і выспаў, якія дзеляцца на дзьве групы:
Плошча выспаў складае 236,7 км², а плошча эканамічных інтарэсаў выспаў складае 1 800 000 км². Насельніцтва выспаў налічвае каля 19 тыс. чалавек.
Клімат выспаў трапічны, сэзон дажджоў цягнецца зь лістапада да красавіка, сухі сэзон з траўня да кастрычніка. Сярэднегадавая колькасьць ападкаў складае каля 2000 мм, зь якіх 2/3 выпадае ў пэрыяд дажджоў. Выспы знаходзяцца ў зоне ўзьдзеяньня Эль Нінья.
Эканоміка
Эканоміка выспаў няразьвітая. Асноўнымі галінамі эканомікі выспаў зьяўляюцца: сельская гаспадарка, турызм і фінансавы сэктар. Сфэра абслугоўваньня зьяўляецца самай хуткаразьвіваючымся сэктарам эканомікі. Турызм зьяўляецца асноўнай крыніцай атрыманьня іншаземнай валюты. Выспы кука залежаць ад міжнароднай дапамогі, Новая Зэляндыя зьяўляецца асноўным донарам.
З 6600 чалавек працаздольнага насельніцтва 52% працаўладкаваныя ў сфэры паслугаў, 29% у сельскай гаспадарцы і 15% у прамысловасьці.
Дэмаграфія
Насельніцтва выспаў складаецца з палінэзійцаў, якія належаць да некалькіх этнічных групаў. Яны карыстаюцца некалькімі палінэзійскімі мовамі і дыялектамі. У апошнія дзесяцігодзьдзі назіраецца паступовае аб’яднаньне асобных групаў у адну нацыю. Па веравызнаньні насельніцтва выспаў Кука дзеліцца наступным чынам: пратэстанты — 85%, каталікі — 12%, іншыя — 3%.
Культура
Вонкавыя спасылкі
Астравы Кука — сховішча мультымэдыйных матэрыялаў