Беларуская дзяржаўная акадэмія мастацтваў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Запыт «БДАМ» перанакіроўваецца сюды. Пра акадэмію музыкі глядзіце артыкул «Беларуская дзяржаўная акадэмія музыкі».
Беларуская дзяржаўная акадэмія мастацтваў
Беларускі дзяржаўны тэатральны інстытут, Беларускі дзяржаўны тэатральна-мастацкі інстытут, Беларуская акадэмія мастацтваў, Белорусский театральный институт, Белорусский театрально-художественный институт, Беларускі дзяржаўны тэатральны інстытут, Беларускі дзяржаўны тэатральна-мастацкі інстытут, Беларуская акадэмія мастацтваў, Беларуская дзяржаўная акадэмія мастацтваў
Courtyard of Belarusian State Academy of Art.jpg
Лагатып БДАМ.svg
Лягатып
Заснаваны 1945
Тып урадавы
Рэктар Міхась Баразна
Факультэтаў 5
Месцазнаходжаньне
Геаграфічныя каардынаты 53°55′22″ пн. ш. 27°36′5″ у. д. / 53.92278° пн. ш. 27.60139° у. д. / 53.92278; 27.60139Каардынаты: 53°55′22″ пн. ш. 27°36′5″ у. д. / 53.92278° пн. ш. 27.60139° у. д. / 53.92278; 27.60139
Горад Менск
Краіна Беларусь
Былыя назвы Беларускі тэатральны інстытут (да 1953 г.), Беларускі дзяржаўны тэтральна-мастацкі інстытут (да 1991 г.), Беларуская акадэмія мастацтваў (да 2001 г.)
Знаходзіцца ў складзе Міністэрства культуры Рэспублікі Беларусь
Вэб-сайт bdam.by
Беларуская дзяржаўная акадэмія мастацтваў на мапе Беларусі ±
Беларуская дзяржаўная акадэмія мастацтваў
Беларуская дзяржаўная акадэмія мастацтваў
Беларуская дзяржаўная акадэмія мастацтваў
Беларуская дзяржаўная акадэмія мастацтваў
Беларуская дзяржаўная акадэмія мастацтваў
Беларуская дзяржаўная акадэмія мастацтваў

Белару́ская дзяржа́ўная акадэ́мія маста́цтваў — вышэйшая навучальная ўстанова ў г. Менску. Рыхтуе адмыслоўцаў у галіне тэатральнага, выяўленчага, дэкаратыўна-прыкладнога, кіна-, тэлемастацтва і іншых відаў экранных мастацтваў і дызайну.

Гісторыя[рэдагаваць | рэдагаваць крыніцу]

  • У 1945 г. заснаваны тэатральны інстытут. Першым дырэктарам інстытуту быў Міхаіл Гурскі (у 1945—1946)[1].
  • 1953 г. — тэатральны інстытут ператвораны ў Беларускі дзяржаўны тэатральна-мастацкі інстытут.
  • 1991 г. — тэатральна-мастацкі інстытут рэарганізаваны ў Беларускую акадэмію мастацтваў.
  • 2001 год — акадэміі прысвоеная назва «Беларуская дзяржаўная акадэмія мастацтваў».

2020–2021 гады[рэдагаваць | рэдагаваць крыніцу]

Пасьля масавых фальсыфікацыяў на прэзыдэнцкіх выбарах 2020 году, жорсткага разгону акцыяў пратэсту, зьбіцьця й катаваньняў затрыманых пратэстоўцаў, шматлікія студэнты акадэміі падтрымалі пратэсты. 26 кастрычніка па закліку Сьвятланы Ціханоўскай яны далучыліся да агульнанацыянальнай забастоўкі. 27 кастрычніка Аляксандар Лукашэнка запатрабаваў адлічваць усіх студэнтаў і звальняць выкладчыкаў, якія прымаюць удзел у несанкцыянаваных акцыях[2].

БДАМ стала першай ВНУ, дзе пачалі адлічваць бастуючых студэнтаў пасьля загаду Лукашэнкі. Увечары таго ж дня стала вядома пра адлічэньні студэнтаў акадэміі[3]. Кіраўніцтва факультэту дызайну адмовілася адлічваць сваіх студэнтаў, але загады былі аформлены ў абыход дэканату. Таксама прынцыпова адмовілася падпісвацца пад загадам аб адлічэньні студэнтаў прарэктарка па вучэбнай працы, мастацтвазнаўца Алена Бохан[4]. 30 кастрычніка стала вядома пра адкрыты ліст, у якім больш за 60 супрацоўнікаў Акадэміі мастацтваў запатрабавалі аднавіць адлічаных студэнтаў, не чыніць перашкод для мірных сходаў[5].

Дзеяньні кіраўніцтва ўнівэрсытэту былі асуджаныя на міжнародным узроўні[6][7].

21 чэрвеня 2021 году рэктар Міхась Баразна быў унесены ў Чорны сьпіс Эўразьвязу[8]. Паводле рашэньня ЭЗ, Баразна «нясе адказнасьць за рашэньне адміністрацыі ўнівэрсытэту адлічыць студэнтаў за ўдзел у мірных акцыях пратэсту», пастановы аб чым былі прыняты пасьля закліку Лукашэнкі 27 кастрычніка 2020 году адлічаць студэнтаў унівэрсытэтаў, якія ўдзельнічаюць у акцыях пратэсту й страйках – рэпрэсіі супраць грамадзянскае супольнасьці й падтрымку рэжыму Лукашэнкі[9].

Факультэты[рэдагаваць | рэдагаваць крыніцу]

Ад 2010 году ў акадэміі існуюць 5 факультэтаў[1]:

  • Тэатральны факультэт
  • Мастацкі факультэт
  • Факультэт дызайну і дэкаратыўна-прыкладнога мастацтва
  • Факультэт экранных мастацтваў
  • Факультэт павышэньня кваліфікацыі і перападрыхтоўкі кадраў

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Histvalue sign export.svg Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  1а1Е400511