Міхась Баразна

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міхась Баразна
Mikhail Borozna.jpg
Міхаіл Баразна пад час адкрыцьця выставы жывапісу Гаўрылы Вашчанкі ў Нацыянальным мастацкім музэі Беларусі 12 сьнежня 2013
Нарадзіўся 20 лістапада 1962(1962-11-20) (56 гадоў)
в. Ліхінічы Круглянскага раёну Магілёўскай вобласьці
Навуковая сфэра мастацтвазнаўства
Месца працы БДАМ
Альма-матэр БДАМ
Навуковая ступень кандыдат мастацтвазнаўства[d]
Вядомы як дасьледчык кніжнай графікі

Міхась Рыгоравіч Баразна́ (нарадзіўся 20 лістапада 1962 у в. Ліхінічы Круглянскага раёну Магілёўскай вобласьці; псеўданім Ігнат Ліхінец) — беларускі мастацтвазнаўца, фотамастак, публіцыст. Кандыдат мастацтвазнаўства. З 2010 г. рэктар Беларускай дзяржаўнай акадэміі мастацтваў. Ляўрэат спэцыяльнай прэміі Прэзыдэнта Рэспублікі Беларусь у галіне крытыкі і мастацтвазнаўства. Сябра Беларускай акадэміі выяўленчага мастацтва[1].

Біяграфія[рэдагаваць | рэдагаваць крыніцу]

Міхась Рыгоравіч Баразна нарадзіўся 20 лістапада 1962 году ў сям'і настаўнікаў[2].

Закончыў Круглянскую сярэднюю школу. У 1985 годзе скончыў мастацка-прамысловы факультэт Беларускай дзяржаўнай акадэміі мастацтваў[3].

З 1985 па 1992 гг. працаваў мастацкім рэдактарам выдавецтва «Беларусь». З 1992 г. пасьля заканчэньня асьпірантуры працуе ў Беларускай акадэміі мастацтваў, з 1996 г. да 1998 г. выконваў абавязкі загадчыка кафедры гісторыі і тэорыі мастацтва, ад 1999 г. — прарэктар па навукова-творчай рабоце. З 2010 г. — рэктар названай установы.

У 1994—1996 гг. быў куратарам-мастацтвазнаўцам галерэі сучаснага мастацтва ў Віцебску «У Пушкіна».[4] У 1996 годзе ўдзельнічаў у выставу «Belart» (Нямеччына)[5].

У 1999 годзе абараніў дысэртацыю на атрыманьне навуковай ступені кандыдата мастацтвазнаўства па тэме «Тэндэнцыі разьвіцьця беларускай кніжнай графікі 1960-сярэдзіны 1990 гг.: на матэрыялах мастацкай літаратуры» (у Беларускай акадэміі мастацтваў).

Аўтар кніг і шматлікіх артыкулаў па гісторыі беларускага мастацтва, у прыватнасьці кніжнай графікі.

Старшыня аргкамітэта па па падрыхтоўцы і ўдзеле Рэспублікі Беларусь у 54-й Вэнэцыянскай біенале і куратар павільёна[6].

Старшыня Рэспубліканскага мастацка-экспертнай рады па манумэнтальным і манумэнтальна-дэкаратыўным мастацтве пры Міністэрстве культуры Рэспублікі Беларусь[7]. Ганаровы член Расейскай акадэміі мастацтваў, член грамадзкага аб'яднаньня «Беларускі саюз мастакоў»[8].

Брат — Рыгор Рыгоравіч Баразна[9].

Бібліяграфія[рэдагаваць | рэдагаваць крыніцу]

  • Баразна М. Р. Мастацтва кнігі Беларусі XX стагоддзя. — Менск: Беларусь, 2007. — 239 с. — ISBN 978—985-01-0732-9
  • Баразна М. Р. Беларуская кніжная графіка 1960—1990-х гадоў. — Менск: Бел. Энцыкл., 2001. — 207 с. — 3000 ас. — ISBN 985-11-0201-6

Крыніцы[рэдагаваць | рэдагаваць крыніцу]

  1. ^ Выставку подготовили академики(рас.) // Газэта «Вечерний Минск», 16 сакавіка 2000 г.
  2. ^ Міхась Баразна: "Мастацтва - гэта дадатовая магчымасць задумацца пра лёс сваёй краіны" // Маладосць. — 2015. — № 2. — С. 12.
  3. ^ буклет выставы «Движение» 13 чэрвеня — 31 ліпеня 2008(рас.)
  4. ^ Алесь Пушкін. Аўтабіяграфія. Праверана 7 студзеня 2013 г. Архіўная копія
  5. ^ Belart. Zeitgenössische Kunst aus Belarus / Redaktion: Martin Rehkopp. — Rheine: Kulturforum Rheine, [б. г.].
  6. ^ Белорусы в Венеции: арт-прорыв или арт-фантом?(рас.)
  7. ^ Алесь Пушкін. (8 чэрвеня 2012) Аб візіце кіраўніцтва Беларускай дзяржаўнай акадэміі мастацтваў у Свярдлоўскую вобласць (Расія) Архіўная копія
  8. ^ Борозна Михаил Григорьевич Белорусская государственная академия искусств(рас.)
  9. ^ Iлона Iванова. Казацкi атаман Круглянскага раёна за год паставiў на ногi дарожна-будаўнiчае ўпраўленне // Газэта «Звязда». — 2001.