Альхоўка (Астравецкі раён)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Альхоўка
трансьліт. Aĺchoŭka
Краіна: Беларусь
Вобласьць: Гарадзенская
Раён: Астравецкі
Сельсавет: Міхалішкаўскі
Насельніцтва: 606 чал. (2010)
Часавы пас: UTC+3
Тэлефонны код: +375 1591
Паштовы індэкс: 231223
Нумарны знак: 4
Геаграфічныя каардынаты: 54°48′26″ пн. ш. 26°14′8″ у. д. / 54.80722° пн. ш. 26.23556° у. д. / 54.80722; 26.23556Каардынаты: 54°48′26″ пн. ш. 26°14′8″ у. д. / 54.80722° пн. ш. 26.23556° у. д. / 54.80722; 26.23556
Альхоўка на мапе Беларусі ±
Альхоўка
Альхоўка
Альхоўка
Альхоўка
Альхоўка
Альхоўка

Альхо́ўка[1] — вёска ў Астравецкім раёне Гарадзенскай вобласьці. Альхоўка ўваходзіць у склад Міхалішкаўскага сельсавету. Знаходзіцца за 34 км на паўночны ўсход ад Астраўцу, 37 км ад чыг. ст. Гудагай на лініі Маладэчна — Вільня, 284 км ад Горадні, на р. Страча (прыток р. Вяльля).

Гісторыя[рэдагаваць | рэдагаваць крыніцу]

У 19 стагодзьдзі невялікая вёска ў Віленскім павеце Віленскай губэрні. У час вайны 1812 г. прыгонныя сяляне актыўна змагаліся супраць французаў. У 1886 г. засьценак, 11 рэвіскіх душ, у Варнянскай воласьці. У 1897 годзе ў вёсцы 1 двор, 11 жыхароў. У 1905 г. засьценак (16 жыхароў). З 1922 году ў складзе Польшчы. У 1938 г. засьценак (2 двары, 8 жыхароў) у Варнянскай гміне Віленска-Троцкага павету Віленскага ваяводзтва. Зь лістапада 1939 году ў складзе БССР. З 12 кастрычніка 1940 г. вёска ў Міхалішкаўскім с/с Астравецкага раёну Вялейскай вобласьці. У Вялікую Айчынную вайну з канца чэрвеня 1941 г. да пачатку ліпеня 1944 г. акупаваныя нямецка-фашыстоўскімі захопнікамі. З 20 верасьня 1944 году ў Маладэчанскай вобласьці. У 1951 г. на р. Страча пабудавана плаціна, створана Альхоўскае вадасховішча для водазабесьпячэньня кардоннай фабрыкі «Альхоўка». З 20 студзеня 1960 году ў Гарадзенскай вобласьці. З 26 сьнежня 1962 году ў Смаргонскім, з 6 студзеня 1965 году ў Астравецкім раёнах. У 1970 г. 29 жыхароў. У 2004 г. 246 гаспадарак, 759 жыхароў, у складзе СВК «Міхалішкі», кардонная фабрыка «Альхоўка», 2 крамы, Дом культуры, бібліятэка. У 2014 г. дзейнічалі філіял «Белкардон» (да 2013 г. кардонная фабрыка «Альхоўка») ААТ «Кіруючая кампанія холдынга „Беларускія абоі“», 2 крамы, сярэдняя школа, дзіцячы сад, фэльчарска-акушэрскі пункт, аддзяленьне сувязі. Дзейнічае Ільінская царква (2009)[2].

Насельніцтва[рэдагаваць | рэдагаваць крыніцу]

  • 2010 год — 606 чалавек
  • 1999 год — 766 чалавек

Крыніцы[рэдагаваць | рэдагаваць крыніцу]

  1. ^ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf) С. 72
  2. ^ Гарады і вёскі Беларусі: энцыклапедыя / рэдкал.: У. У. Андрыевіч (дырэктар) [і інш.]. — Мінск: Беларус. Энцыкл. імя П. Броўкі, 2015. — Т. 9. Гродзенская вобласць. Кн. 1. — С. 40. — ISBN 978-985-11-0839-4