Ян Мікалай Хадкевіч

Ян Мікалай Хадкевіч
	Ян Мікалай Хадкевіч
	; Герб «Касьцеша»
Асабістыя зьвесткі
Нарадзіўся	14 сьнежня 1738; Гданьск, Паморскае ваяводзтва[d], Велікапольская правінцыя[d], Карона Каралеўства Польскага, Рэч Паспалітая;
Памёр	2 лютага 1781 (42 гады) або 26 лютага 1781 (42 гады); Чарнобыль, Кіеўскі павет[d], Кіеўскае ваяводзтва, Малапольская правінцыя[d], Карона Каралеўства Польскага, Рэч Паспалітая;
Пахаваны	Супрасьлеўскі манастыр;
Род	Хадкевічы
Бацькі	Адам Тадэвуш; Эва з Чапскіх
Жонка	Людвіка Марыя з Жавускіх
Дзеці	Вацлаў, Юзэф, Ксавэры, Аляксандар Францішак, Ганна, Разалія, Альжбета
Дзейнасьць	вайсковец

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ян Хадкевіч.

Ян Мікалай Хадкевіч (4 сьнежня 1738}}, Гданьск — 2 лютага 1781, Чарнобыль) — дзяржаўны і вайсковы дзяяч Вялікага Княства Літоўскага. Генэрал-ад’ютант (з 1764), адначасна староста генэральны жамойцкі, генэрал-лейтэнант расейскай арміі (1778).

Быў старостам вялёнскім. Граф на Шклове і Новай Мышы. Кавалер ордэнаў Сьвятога Станіслава (1764) і Белага арла (9.05.1774).

Біяграфія

З магнацкага роду Хадкевічаў гербу «Касьцеша», сын Адама Тадэвуша (1711—1745), ваяводы берасьцейскага і Эвы з Чапскіх (памерла ў 1769)^[3]. Успадкаваў ад бацькі тытул графа на Шклове і Мышы.

У 1757 годзе скончыў Віленскі ўнівэрсытэт. Пэўны час жыў у мястэчку Турцы на Наваградчыне^[3]. У 1758—1759 гадох удзельнічаў у Сямігадовай вайне на баку Францыі.

У 1764 годзе абіраўся паслом на канвакацыйны сойм. Падтрымаў абраньне Станіслава Аўгуста Панятоўскага. Атрымаў ад новага гаспадара званьне генэрал-ад’ютанта і ўрад старосты генэральнага жамойцкага.

У часе Барскай канфэдэрацыі заняў неадназначную пазыцыю. Афіцыйна шкадаваў пра стан краіны, што аднак не перашкаджала яму падтрымліваць камандзіраў расейскага і прускага войскаў, якія баранілі ягоную ўласнасьць. У 1778 атрымаў званьне генэрал-лейтэнанта арміі Расейскай імпэрыі.

1 студзеня 1766 году ажаніўся зь Людвікай Марыяй (1744—1816), дачкой ваяводы кракаўскага і гетмана польнага кароннага Вацлава Жавускага (1705—1779) і Ганны Любамірскай (1714—1763). У шлюбе нарадзіліся дзеці:

Вацлаў (каля 1767—1784)
Юзэф (памёр у дзяцінстве)
Ксавэры (памёр у дзяцінстве)
Аляксандар Францішак (1776—1838), брыгадны генэрал, сэнатар-кашталян Царства Польскага
Ганна (памерла ў дзяцінстве)
Разалія (1768—1793), жонка з 1780 году кашталяна кіеўскага князя Аляксандра Любамірскага (1749—1808)
Альжбета (1769—1821), жонка з 1787 году кашталяна віленскага князя Мацея Радзівіла (1749—1800)

Спачыў у Супрасьльскім манастыры.

Заўвагі

^ Партрэт пэндзля невядомага мастака, напісаны каля 1780 году. Паходзіць з збораў князёў Сангушкаў у Гумнішках

Крыніцы

^ Urzędnicy Wielkiego Księstwa Litewskiego. Spisy, t. III, Księstwo Żmudzkie XV‒XVIII wiek (пол.) / пад рэд. A. Rachuba — Warszawa: Wydawnictwo DiG, 2015. — С. 167. — 370 с. — ISBN 978-83-7181-312-2
^ Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 95.
^ ^а ^б Лаўрэш Л. Круцікаў У. Вялікае i Малое Мажэйкава // «Спадчына» № 1—2, 2001.

Вонкавыя спасылкі

Jan Mikołaj Chodkiewicz (пол.). Genealogia dynastyczna. Праверана 18 студзеня 2011 г.

[1] Партрэт пэндзля невядомага мастака, напісаны каля 1780 году. Паходзіць з збораў князёў Сангушкаў у Гумнішках

[_344cac56b35c616d-2] Urzędnicy Wielkiego Księstwa Litewskiego. Spisy, t. III, Księstwo Żmudzkie XV‒XVIII wiek (пол.) / пад рэд. A. Rachuba — Warszawa: Wydawnictwo DiG, 2015. — С. 167. — 370 с. — ISBN 978-83-7181-312-2

[_b2a03e5f0189aab0-3] Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 95.

[l-4] а ^б Лаўрэш Л. Круцікаў У. Вялікае i Малое Мажэйкава // «Спадчына» № 1—2, 2001.

[a]

[1]

[2]

[3]