Ордэн сьвятога Станіслава

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ордэн сьвятога Станіслава

Ордэн сьвятога Станіслава — цывільны ордэн у Рэчы Паспалітай, уведзены Станіславам Аўгустам у 1765 годзе. Існаваў да 1795 году. Пасьля адрачэньня Станіслава Аўгуста пэўны час трактаваўся ім як ягоны прыватны. У 1815 годзе Аляксандар І захаваў ордэн у якасьці узнагароды для ураджэнцаў былой Рэчы Паспалітай.

У 1831 годзе ордэн быў уключаны ў Капітул расейскіх ордэнаў.

1765—1831[рэдагаваць | рэдагаваць крыніцу]

Ордэнскае сьвята адзначалася 8 траўня.

Стужка ордэна была чырвоная зь белымі палоскамі па краях. Сьвецкія асобы насілі крыж на стужцы цераз правае плячо з шытай зоркай на левым баку грудзей, духоўныя асобы — на шыі.

За пэрыяд з 1765 году па 1831 год ордэнам было узнагароджана 1762 (паводле іншых зьвестак — 1774) чалавекі.

Дэвіз ордэна «Узнагароджваючы, заахвочваю».

1831—1917[рэдагаваць | рэдагаваць крыніцу]

Уключаны у Капітулу расейскіх ордэнаў — стаў малодшым па старшынстве ў герархіі дзяржаўных узнагарод. У 1839 годзе быў падзелены на 3 ступені. Ордэнам узнагароджваліся цывільныя, вайсковыя, а таксама прыватныя (дабрачыннасьць) учынкі.

У 1917 годзе быў ліквідаваны дэкрэтам савецкага ўраду.

Літаратура[рэдагаваць | рэдагаваць крыніцу]

  • Вялікае княства Літоўскае: Энцыклапедыя. 2 т. Мінск, 2006. ISBN 985-11-0314-4
  • Norbert Wójtowicz: Praemiando Incitat. Order Świętego Stanisława, Warszawa 2007, ISBN 978-83-925702-0-2

Вонкавыя спасылкі[рэдагаваць | рэдагаваць крыніцу]

Commons-logo.svg Ордэн сьвятога Станіславасховішча мультымэдыйных матэрыялаў