Яан Гуркюф
| Яан Гуркюф | ||
 | ||
| Пэрсанальная інфармацыя | ||
|---|---|---|
| Нарадзіўся | 11 ліпеня 1986[1][2][3][…] (39 гадоў) | |
| Рост | 185 см | |
| Вага | 79 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003—2006 | Рэн | 94 (6) |
| 2006—2009 | Мілян | 36 (2) |
| 2008—2009 | → Бардо | 37 (12) |
| 2009—2010 | Бардо | 32 (6) |
| 2010—2015 | Алімпік Ліён | 90 (14) |
| 2015—2018 | Рэн | 49 (7) |
| 2018—2019 | Дыжон | 8 (0) |
| Зборныя | ||
| 2008—2013 | Францыя | 31 (4) |
Яан Гуркюф (па-француску: Yoann Gourcuff; нар. 11 ліпеня 1986 году, Пляэмёр, Францыя) — былы францускі футбаліст брэтонскага паходжаньня, атакавалы паўабаронца. Выступаў за нацыянальную зборную Францыі. Яан зьяўляецца сынам былога футбаліста, які цяпер працуе футбольным трэнэрам, Крыстыяна Гуркюфа. Паводле словаў Давіда Жыналя, Гуркюф зьяўляўся найлепшым францускім гульцом свайго пакаленьня[4]. Яго стыль гульні й здольнасьці прыцягнулі параўнаньне яго з францускай футбольнай легендай Зынэдынам Зыданам.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Пачаўшы сваю кар’еру ў клюбе «Ляр’ен», галоўным трэнэрам якога быў ягоны бацька Крыстыян Гуркюф, у 2001 годзе Яан падпісаў кантракт з «Рэнам».
У сэзоне 2003—2004 гадоў ён адгуляў 9 матчаў. Наступныя сэзоны былі даволі пасьпяховымі. У сэзоне 2005—2006 гадоў Гуркюф забіў 6 галоў, а «Рэн» скончыў сэзон на 7-м месцы й атрымаў месца ў Кубку Інтэртота.
Улетку 2006 году вядучыя клюбы Эўропы, такія як «Валенсія», «Аякс» і «Арсэнал», былі зацікаўлены ў куплі гульца, але Гуркюф абраў італьянскі «Мілян», падпісаўшы кантракт да 2011 году. Сваю кар’еру ў гэтым клюбе Яан пачаў голам у браму грэцкага клюбу АЕК у матчы Лігі чэмпіёнаў. У чэрвені 2008 году «Мілян» аддаў Гуркюфа ў арэнду ў францускі «Бардо», у складзе якога ён стаў найлепшым гульцом чэмпіянату Францыі. Пазьней «Бардо» выкупіў трансфэр Яана за 15 млн эўра.
23 жніўня 2010 году ліёнскі «Алімпік» выкупіў у «Бардо» правы на гульца за 22 млн эўра[5]. 25 жніўня Гуркюф падпісаў зь ліёнцамі пяцігадовы кантракт[6].
Міжнародная
[рэдагаваць | рэдагаваць код]Гуркюф згуляў свой першы матч у форме зборнай Францыі 20 жніўня 2008 году ў таварыскай гульні супраць зборнай Швэцыі[7]. На пляцоўцы Яан зьявіўся на 92 хвіліне, калі Францыя ўжо атрымлівала перамогу зь лікам 3:2[8]. Свой першы гол за францускую каманду забіў 11 кастрычніка 2008 году ў матчы кваліфікацыі да чэмпіянату сьвету 2010 году супраць зборнай Румыніі.
Дасягненьні
[рэдагаваць | рэдагаваць код]Мілян:
- Пераможца Лігі чэмпіёнаў: 2007
- Уладальнік Супэркубка УЭФА: 2007
- Перможца клюбнага чэмпіянату сьвету: 2007
Бардо:
- Чэмпіён Францыі: 2009
- Уладальнік Кубка францускай лігі: 2009
- Уладальнік Супэркубка Францыі (2): 2008, 2009
Ліён:
- Уладальнік Кубка Францыі: 2012
- Уладальнік Супэркубка Францыі: 2012
Крыніцы
[рэдагаваць | рэдагаваць код]- ↑ Yoann Gourcuff // Transfermarkt (мн.) — 2000.
- ↑ Yoann Gourcuff // GeneaStar
- ↑ YOANN GOURCUFF // Argentine Soccer Database (гішп.)
- ↑ Gourcuff is probably the most talented player of his generation. Sport.co.uk
- ↑ Accord avec Bordeaux pour le transfert de Yoann Gourcuff. Olympique Lyonnais
- ↑ La conférence de presse de Yoann Gourcuff (extraits). Olympique Lyonnais
- ↑ Domenech goes for youth against Sweden. BLNZ.
- ↑ Suese 2–3 France. French Football Federation
Вонкавыя спасылкі
[рэдагаваць | рэдагаваць код]- Профіль на афіцыйным сайце ФК «Алімпік» Ліён
- Статыстыка на L'Equipe
- Статыстыка на LFP.fr
- Статыстыка на UEFA