Ляр’ен

Ляр’ен
франц. Lorient
Герб Ляр’ену Сьцяг Ляр’ену
Дата заснаваньня:	чэрвень 1666
Краіна:	Францыя
Рэгіён:	Брэтань
Дэпартамэнт:	Марбіян
Кіраўнік:	Нарбэр Метэры[d]
Плошча:	17,48 км²
Вышыня:	0 м н. у. м.
Насельніцтва:	▲58 202 чал. (1 студзеня 2022)
Паштовы індэкс:	56100
Геаграфічныя каардынаты:	47°44′45″ пн. ш. 3°21′59″ з. д.
Ляр’ен на мапе Францыі Ляр’ен
Галерэя здымкаў у Вікісховішчы
https://www.lorient.bzh/, https://www.lorient.bzh/bzh, https://demat.lorient.bzh

Ляр’е́н (па-француску: Lorient, па-брэтонску: An Oriant) — партовы горад на паўночным захадзе Францыі, месьціцца ў дэпартамэнце Марбіян рэгіёну Брэтань. Насельніцтва 57 961 чалавек (2013).

Гісторыя

Горад Ляр’ен узьнік у першай палове XVII стагодзьдзя ў вусьці ракі Блявэ падчас росквіту гандлю зь Індыяй. Першапачаткова склады для марскога гандлю разьмяшчаліся ў Порт-Люі, а ў 1628 годзе на ўсход ад Порт-Люі былі пабудаваны дадатковыя склады, якія сталі вядомыя як усходнія (франц. Orient — усход). Пасьля 1664 году ў Ляр’ене была пабудавана суднавэрф францускай Ост-Індзкай кампаніі, што спрыяла далейшаму росту горада.

Падчас Другой сусьветнай вайны ў горадзе знаходзілася база нямецкіх падводных лодак. Горад падвяргаўся масіраваным авіяналётам хаўрусьнікаў і быў практычна цалкам разбураны, асабліва моцныя бамбаваньні праводзіліся ў студзені—лютым 1943 году. У сучасным Ляр’ене пераважае архітэктура 1950-х гадоў.

Эканоміка

Асноўнае значэньне ў эканоміцы Ляр’ену мае порт, галоўнымі галінамі ў эканоміцы ёсьць гандаль, рыбалоўства, пасажырскія перавозкі.

Культура

Для прыцягненьня турыстаў праводзяцца спартовыя спаборніцтвы на вадзе й штогадовы з 1971 году, агульна-кельцкі фэстываль этнічнай музыкі.

Вонкавыя спасылкі

• Сайт гораду.