Царква Сьвятога Духа (Кодань)

Зьвесткі зь Вікіпэдыі — вольнай энцыкляпэдыі
(Перанакіравана з «Царква Сьвятога Духа (Кодна)»)
Перайсьці да навігацыі Перайсьці да пошуку
Царква Сьвятога Духа (цяпер касьцёл)

Сьвятадухаўская царква ў Кодані (сучасная Польшча) — помнік позьняй гатычнай архітэктуры ВКЛ.

Гісторыя[рэдагаваць | рэдагаваць крыніцу]

Царква Сьвятога Духа ў 1513—1520 змуравана разам з замкам па фундацыі Івана Сапегі і яго сына Паўла. Зьяўлялася дворскай капліцай роду Сапегаў да XIX стагодзьдзя. На працягу многіх гадоў у гэтай царкве захоўваўся цудатворны абраз Маці Божай Коданьскай, які, паводле паданьня быў выкрадзены Мікалаем Сапегам у Рыме ў 1630 годзе.

У пачатку XVIІ ст. перайшла да ўніятаў.

У 1817 — зачынена з прычыны дрэннага тэхнічнага стану.

У міжваенны пэрыяд пасьля рамонту замкавая царква Сьвятога Духа часова служыла ў якасьці парафіяльнай сьвятыні адноўленай каталіцкай славяна-бізантыйскага абраду (уніяцкай) парафіі сьв. Міхала Арханёла.

Пасьля 1945 зьяўляецца філіяльным храмам рыма-каталіцкай парафіі сьв. Ганны ў Кодані.

У 1960-я гг. грунтоўна адрэстаўравана.

Архітэктура[рэдагаваць | рэдагаваць крыніцу]

Царква ў Кодані яшчэ болей нагадвае каталіцкі касьцёл (1-ы сьв. Станіслава ў Вільні), чым Барысаглебскі праваслаўны храм у Наваградку: да амаль роўнага квадрата асноўнага аб’ёму далучана выцягнутая апсыда з паўцыркулярным завяршэньнем. Па пэрымэтру храм умацаваны контрфорсамі па той жа схеме, што і касьцёл у Ішкальдзі. Высокі сьпічасты багата ўпрыгожаны атынкаванымі нішамі гатычны франтон зьяўляецца тыповай прыкметай позьнегатычнай праваслаўнай архітэктуры ў княстве (Мураванка, Сынковічы).