Людвік Пацей

Людвік Пацей
	Людвік Пацей. Мастак Ф. Паўліковіч
	; Герб «Вага»
Асабістыя зьвесткі
Нарадзіўся	каля 1726
Памёр	студзень 1771
Пахаваны	касьцёл Сьвятога Духа і кляштар дамініканаў;
Род	Пацеі
Бацькі	Аляксандар Пацей; Тэрэза з Войнаў-Ясянецкіх[d]

Гэта артыкул пра абознага і стражніка ВКЛ. Калі вам патрэбны артыкул пра гетмана ВКЛ, глядзіце артыкул Людвік Канстантын Пацей.

Людвік Пацей (каля 1726 — студзень 1771) — дзяржаўны дзяяч Вялікага Княства Літоўскага. Абозны (1744—1748) і стражнік вялікі літоўскі (з 1748).

Быў старостам рагачоўскім і алькеніцкім. Кавалер Ордэна Белага Арла (1757).

Біяграфія

Прадстаўнік шляхецкага роду Пацеяў гербу «Вага», сын Аляксандра, падчашага вялікага літоўскага, і Тэрэзы з Войнаў-Ясянецкіх, удавы кашталяна амсьціслаўскага Канстантына Бэнэдыкта Бжастоўскага. Меў малодшага брата Леанарда (каля 1730 — 1774), стражніка вялікага літоўскага.

У 1744 годзе атрымаў урад абознага, у 1748 годзе — стражніка вялікага літоўскага. Абіраўся паслом на соймы 1748 (ад Ковенскага павету), 1750, 1752 (ад Троцкага павету), 1754 (ад Рэчыцкага павету) і 1764 гадоў. На апошнім зь іх падтрымаў абраньне каралём і вялікім князем Станіслава Аўгуста Панятоўскага.

У 1767 годзе ўзяў удзел у канфэдэрацыі Вялікага Княства Літоўскага з прыхільнікаў расейскай імпэратрыцы Кацярыны II, да якой езьдзіў на чале дэлегацыі. У часы Барскай канфэдэрацыі займаў хісткую пазыцыю паміж канфэдэратамі і каралём^[5].

У шлюбе зь Вікторыяй, дачкой ваяводы пазнанскага Станіслава Патоцкага, у шлюбе зь якой нашчадкаў не пакінуў.

Крыніцы

^ Українська Вікіпедія (укр.) — 2004.
^ Ludwik Pociej h. Waga // Польскі біяграфічны інтэрнэт-слоўнік (пол.)
^ Ludwik Pociej // NUKAT — 2002.
^ Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 323.
^ Грыцкевіч А. Пацеі // ВКЛ. Энцыкл. — Мн.: 2005 Т. 2. С. 421.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

[_aab626786eac670c-1] Українська Вікіпедія (укр.) — 2004.

[_4571ae490c447f07-2] Ludwik Pociej h. Waga // Польскі біяграфічны інтэрнэт-слоўнік (пол.)

[_80988c2a877e64e9-3] Ludwik Pociej // NUKAT — 2002.

[_586b772c58542cdc-4] Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 323.

[5] Грыцкевіч А. Пацеі // ВКЛ. Энцыкл. — Мн.: 2005 Т. 2. С. 421.

[1]

[2]

[3]

[4]

[5]