Перайсьці да зьместу

Крыстыян Поўльсэн

Зьвесткі зь Вікіпэдыі — вольнай энцыкляпэдыі
Крыстыян Поўльсэн
Пэрсанальная інфармацыя
Нарадзіўся 28 лютага 1980(1980-02-28)[1][2][3][…] (46 гадоў)
Рост 182 см
Вага 76 кг
Пазыцыя паўабаронца
Клюбы
Гады Клюб Гульні (галы)¹
2000—2002 Капэнгаген 45 (10)
2002—2006 Шальке-04 111 (3)
2006—2008 Сэвільля 62 (4)
2008—2010 Ювэнтус 48 (1)
2010—2011 Лівэрпул 12 (0)
2011—2012 Эвіян Тано Гаяр 24 (0)
2012—2014 Аякс 54 (1)
2014—2015 Капэнгаген 16 (1)
Зборныя
1998—1999 Данія (да 19)[d] 4 (0)
2001 Данія (да 21)[d] 8 (0)
2001—2012 Данія 92 (6)

Крыстыян Б’ёрнсгёй Поўльсэн (па-дацку: Christian Bjørnshøj Poulsen; нар. 28 лютага 1980 году, Аснэс, Данія) — дацкі футбаліст, паўабаронца нацыянальнай зборнай Даніі, за якую афіцыйна скончыў свае выступы.

Сваю футбольную кар’еру распачаў у сваім родным горадзе Аснэс, зь якога транзытам праз футбольны клюб «Гольбэк» трапіў у склад «Капэнгагену», зь якім адразу падпісаў свой першы прафэсійны кантракт. Амаль адразу Крыстыян узяў на сабе лідэрскую ролю ў клюбе, пасьля таго як сваю кар’еру ў клюбе скончыў нарвэскі паўабаронца Столе Сольбакен.

Пасьля кубка сьвету 2002 году Поўльсэн перашоў у склад нямецкага клюбу «Шальке 04». Сума трансэфру склала 7 млн эўра, што было рэкордам продажу для дацкага клюбу[4]. Крыстыян бязь цяжкасьцяў прыжыўся ў клюбе, што ня ў малай ступені было зьвязаны з тым, што ягоны напарнік па зборнай Эбэ Сан таксама гуляў за нямецкі клюб.

У 2006 годзе Крыстыян пераехаў у Гішпанію, каб гуляць за клюб з поўдня гэтай краіны «Сэвільлю». Дэбютаваў за клюб у матчы за Супэркубак Эўропы, дзе сэвільскія футбалісты былі мацней за гульцоў «Барсэлёны».

Капітан зборнай Даніі ўлетку 2008 году быў набыты «Ювэнтусам» за 9,75 млн эўра. У адсутнасьць траўмаванага Крыстыяна Дзанэцьці, Поўльсэн стаў асноўным цэнтральным паўабаронцам клюбу.

12 жніўня 2010 году было абвешчана аб пераходзе Крыстыяна ў «Лівэрпул». Сума трансфэру склала 4,5 мільёну эўра[5].

31 жніўня 2011 году пачатковец францускай Лігі 1 клюб «Эвіян» абвесьціў, што заключыў з дацкім паўабаронцам кантракт[6].

22 жніўня 2012 году амстэрдамскі «Аякс» абвесьціў аб дамоўленасьці па пераходзе Поўльсэна ў склад чырвона-белых[7]. На наступны дзень Крыстыян падпісаў з клюбам двухгадовы кантракт, які разьлічаны на два сэзоны.

Міжнародная кар’ера

[рэдагаваць | рэдагаваць код]

За зборную Даніі правёў 92 матчы, забіў 6 мячоў. У жніўні 2012 году Крыстыян абвесьціў аб рашэньні спыніць выступы за зборную[8].

«Капэнгаген»

«Шальке 04»

«Сэвільля»

«Аякс»

Футбаліст году ў Даніі (2): 2005, 2006

  1. Christian Poulsen // Transfermarkt (мн.) — 2000.
  2. Christian Poulsen // FBref (анг.)
  3. CHRISTIAN POULSEN // Argentine Soccer Database (гішп.)
  4. Daniel Agger skifter til Liverpool. Danmarks Radio
  5. Poulsen ceduto al Liverpool. Juventus.com
  6. Кристиан Поульсен перейдет в «Эвиан». eurosport.ru
  7. Ajax akkoord met Christian Poulsen. ajax.nl
  8. Christian Poulsen stopper på landsholdet. dbu.dk

Вонкавыя спасылкі

[рэдагаваць | рэдагаваць код]