Казімераў (Амсьціслаў)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Казімераў, Казімераўская Слабада — даўняе мястэчка гістарычнай Амсьціслаўшчыны, былое прадмесьце Амсьціслава, цяпер частка места.

Гісторыя[рэдагаваць | рэдагаваць крыніцу]

Сынагога ў Казімераўскай Слабадзе, да 1918 г.

Упершыню Казімераў упамінаецца ў 1719 годзе як уладаньне амсьціслаўскага падкаморага Крыштапа Валовіча. Згодна з памерамі падатку чопавага за 1719 год — 150 злотых — гэта было невялікае паселішча. У 1757 годзе Казімераў атрымаў прывілей караля і вялікага князя на правядзеньне штотыднёвых таргоў у пятніцы і нядзелі і 4 трохдзённых кірмашоў у год: на «сьвяты рускія» — Хрышчэньне, Сьвятога Ільлю, на 12-ю пятніцу па Вялікадні, Узьвіжаньні Сьвятога Крыжа. Мястэчка было невялікім, мела лінейную забудову і разьмяшчалася ўздоўж дарогі з Амсьціслава ў Крычаў. На яго паўночнай ускраіне, бліжэй да Амсьціслава, стаяла царква (Сьвяты Пасад), памянёная ў 1724 годзе[1]. Апроч таго, тут збудавалі драўляную сынагогу.

У выніку першага падзелу Рэчы Паспалітай (1772 год) Казімераў апынуўся ў складзе Расейскай імпэрыі. У сярэдзіне XIX ст. мястэчка ўвайшло ў склад Амсьціслава.

Крыніцы[рэдагаваць | рэдагаваць крыніцу]

  1. ^ Мяцельскі А. Казіміраў // ВКЛ. Энцыкл. Т. 3. — Менск, 2010. С. 252.

Літаратура[рэдагаваць | рэдагаваць крыніцу]