Герб Швэцыі
Герб Швэцыі афіцыйна існуе ў двух варыянтах — вялікі (stora riksvapnet) і малы (lilla riksvapnet).
Шчыт
[рэдагаваць | рэдагаваць крыніцу]Шчыт падзелены на чатыры полі. У першым і чацьвертым (верхнім левым і ніжнім правым) палях разьмешчана па тры швэдзкія каралеўскія кароны. У другім і трэцім (верхнім правым і ніжнім левым) палях намаляваны традыцыйны леў дынастыі Фалькунгаў. Малы шчыт у сярэдзіне — герб дынастыі Бэрнадодтаў.
Шчытатрымальнікі
[рэдагаваць | рэдагаваць крыніцу]Шчыт падтрымліваюць два львы з раздвоенымі хвастамі, на іх галавах швэдзкая каралеўская карона. Пысы львоў адкручаныя ад шчыта. Леў на працягу стагодзьдзяў быў важным элемэнтам швэдзкай геральдыкі і асабліва дзяржаўнага гербу.
Каралеўскія ордэны
[рэдагаваць | рэдагаваць крыніцу]Шчыт можа быць упрыгожаны каралеўскімі ордэнамі. Вялікі герб заўсёды ўпрыгожваецца ордэнам Сэрафімаў — найвышэйшай дзяржаўнай узнагародай Швэцыі.
У адрозьненьне ад малога гербу, які можа быць акружаны толькі ордэнам Сэрафімаў, вялікі герб можа быць акружаны ўсімі або любым з чатырох каралеўскіх ордэнаў. Часьцей выкарыстоўваюцца ўсе — Паўночнай Зоркі, Вазы і Мяча. Ордэн Карла XIII можа таксама атачаць шчыт.
Ордэны разьмяшчаюцца ў наступным парадку (меней ганаровы перад больш ганаровым): Карла XIII, Ваза, Палярнай Зоркі, Сворд, Сэрафіма.
Малы герб
[рэдагаваць | рэдагаваць крыніцу]
Малы герб уяўляе сабой сіні шчыт, увянчаны каралеўскай каронай, на якім намаляваныя тры кароны (дзьве над адной). Шчыт можа быць акружаны стужкай ордэна Сэрафіма.
Малы герб звычайна выкарыстоўваецца ўрадам Швэцыі і яго службамі. Да гербу з ухвалы геральдычнай калегіі можа быць далучаны знак, які азначае дзейнасьць службы. Герб вышыты на ўсіх паліцэйскіх мундзірах.
Рэгуляваньне выкарыстаньня
[рэдагаваць | рэдагаваць крыніцу]Любое ўжываньне выявы дзьвюх карон над адной, як на малым гербе, рэгулюецца законам Швэцыі (act 1970:498). Забароненае выкарыстоўваць герб у камэрцыйных мэтах.
