Герб Даніі
| Герб Даніі | |
.svg) | |
| Апісаньне | |
|---|---|
| Зацьверджаны | 1959 |
Герб Да́ніі (па-дацку: Danmarks rigsvåben) — дзяржаўны сымбаль Даніі. Малы герб Даніі ўяўляе сабой залаты шчыт, на якім намаляваныя тры каранаваныя блакітныя львы і дзевяць чырвоных сэрцаў. Гэта гістарычны герб дынастыі Эстрыдсэнаў, якія былі каралямі ў 1047—1412 роках. Самая старая зь вядомых выяваў гербу — пячатка, якая выкарыстоўвалася каралём Кнудам VI (каля 1194).
З 1819 адрозьніваюцца дзяржаўны (rigsvåben) і каралеўскі (kongevåben) гербы, уведзеныя Фрэдэрыкам VI. Апошнія зьмены ў герб зрабіў кароль Фрэдэрык X у 2024 року. Каралеўскі герб больш складаны, у ім шчыт падзелены срэбным крыжам на чатыры часткі. У левай верхняй частцы выяўлены сымбаль Даніі — тры каранаваныя львы і дзевяць чырвоных сэрцаў (як на дзяржаўным гербу). Другая чвэрць — срэбны баран на сінім фоне — сымбалізуе Фарэрскія астравы. Трэцяя чвэрць — срэбны белы мядзьведзь — сымбаль Грэнляндыі; урэшце, ніжняя правая частка з двума ільвамі сымбалізуе Паўднёвую Ютляндыю.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу]- Дзяржаўныя сымбалі Даніі (рас.)