Вайскова-паветраныя сілы і войскі супрацьпаветранай абароны Беларусі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
ВПС і ВСПА Беларусі
Эмблема Воздушных сил Республики Беларусь.png
Эмблема ВПС і СПА РБ
Гады існаваньня з 2001 г.
Краіна Беларусь
Падпарадкаваньне Міністэрства абароны Рэспублікі Беларусь
Уваходзіць у Узброеныя сілы Рэспублікі Беларусь
Тып Вайскова-паветраныя сілы й Войскі супрацьпаветранай абароны
Функцыя Прыкрыцьцё гарадоў і войскаў ад удараў з паветра
Узбраеньне Верталёты, самалёты, зэнітна-ракетныя комплексы
Дзейны камандзір Алег Двігалёў

Вайскова-паветраныя сілы й войскі супрацьпаветранае абароны Беларусі — адзін зь відаў Узброеных сілаў Рэспублікі Беларусь, створаны 8 лістапада[1] 2001 году ў выніку аб’яднаньня Вайскова-паветраных сілаў Рэспублікі Беларусь з Войскамі супрацьпаветранае абароны. Прызначаны для прыкрыцьця адміністрацыйных, ваенных, эканамічных цэнтраў Рэспублікі Беларусь і груповак яе войскаў ад удараў суперніка з паветра, а таксама для паразы аб’ектаў і войскаў суперніка й забесьпячэньня баявых дзеяньняў Сухапутных войскаў.

Структура[рэдагаваць | рэдагаваць крыніцу]

Сьцяг ВПС і СПА Рэспублікі Беларусь

ВПС і войскі СПА Рэспублікі Беларусь маюць у сваім складзе наступныя роды войскаў:

Арґанізацыйна, ВПС і войскі СПА ўключаюць:

Пункты базаваньня[рэдагаваць | рэдагаваць крыніцу]

Баявы склад[рэдагаваць | рэдагаваць крыніцу]

На красавік 2012 г. войскі супрацьпаветранай абароны Беларусі налічвалі звыш 500 вайскоўцаў і асобаў цывільнага пэрсаналу. Асабовы склад штодня падчас баявога дзяжурства суправаджаў звыш 400 паветраных суднаў. На ўзбраеньні стаялі аўтаматызаваныя сыстэмы кіраваньня «Бор», «Паляна-РБ» і «Рыф-Р» беларускай распрацоўкі і вытворчасьці[3].

Пазначэньне фармаваньня ці часьці Узбраеньне й абсталяваньне Месца разьмяшчэньня
Нарукавный знак командования Военно-воздушных сил и войск ПВО.png Камандаваньне Ваенна-паветраных сілаў і войскаў СПА Менск
  PZATK VPS i SPA.jpgПаўночна-заходняе апэратыўна-тактычнае камандаваньне Мачулішчы
  ZATK.jpgЗаходняе апэратыўна-тактычнае камандаваньне Баранавічы
61-я зьнішчальная авіябаза Су-27

МІГ-29

Баранавічы
50 Baza VVS i PVO RB.jpg50-я зьмяшаная авіябаза Іл-76АД

Ан-12 Ан-26

Мачулішчы
116-я ґвардзейская Радомская Чырванасьцяжная штурмавая авіяцыйная база Су-25

Су-25УБ

Ліда
206-ы цэнтар падрыхтоўкі лётнага складу L-39 Ліда
483 baza.jpg483-я база аховы, абслугоўваньня й забесьпячэньня Менск
8 RTech Brigada.jpg8-я радыётэхнічная брыгада Баранавічы
49RT polk.jpg49-ы радыётэхнічны полк Валер'янава
56 polk.jpg56-ы Тыльзіцкі асобны полк сувязі Менск
83 polk.jpg83-ы асобны інжынэрна-аэрадромны полк Бабруйск
1-ы зэнітна-ракетны полк Гародня
15-я зэнітна-ракетная брыгада Фаніпаль
29-я зэнітна-ракетная брыгада Барысаў
56 ZR Br.jpg56-я зэнітна-ракетная брыгада Слуцак
115 ZR Br.jpg115-ы зэнітна-ракетны полк Берасьце
120 ZR Br.jpg120-я Яраслаўская зэнітна-ракетная брыгада Баранавічы
302 ZR Br.jpg302-я зэнітна-ракетная брыгада Даманава
377 ZR Polk.jpg377-ы зэнітна-ракетны полк Полацак
825-ы зэнітна-ракетны полк Полацак
927-ы цэнтар падрыхтоўкі й ужываньня бесьпілотных авіяцыйных комплексаў Бяроза

Тэхніка й ўзбраеньне[рэдагаваць | рэдагаваць крыніцу]

Крыніцы [4][5][6]

Тып Вытворчасьць Выява Колькасьць Нататкі
Самалёты
Баявыя самалёты
Су-27

Су-27УБ

СССР СССР/ Дзяржаўны сьцяг Беларусі Беларусь Su-27UBM Radom 2009 c.JPG 20

3

Беларуская мадэрнізацыя й рамонт
МІГ-29 / МІГ-29БМ

МІГ-29УБ

СССР СССР/ Дзяржаўны сьцяг Беларусі Беларусь HuAF MIG29UB.jpg 40

1

Беларуская мадэрнізацыя й рамонт з 2002 году
Су-25

Су-25УБ

СССР СССР Sukhoi Su-25.JPGRussian Air Force Sukhoi Su-25 Lipetsk Ryabtsev.jpg 70

6

Транспартныя самалёты
Іл-76М СССР СССР Belarusian Il-76 Candid at Radom AS 2009.JPG 4
Ан-26 СССР СССР Antonov.an26.fairford.arp.jpg 6
Навучальныя самалёты
L-39 Сьцяг Чэхіі ЧССР Aero L-39 Albatros-001.jpg 10
Верталёты
Транспартныя верталёты
Мі-8 СССР СССР Mi-8, Belarus.jpg 125
Мі-6 СССР СССР Mi-6, technical museum, Togliatti-3.JPG 29
Мі-26 СССР СССР Rostvertol Mil Mi-26T2 Naumenko.jpg 14
Ударныя верталёты
Мі-24В СССР СССР Mil Mi-24B @ Central Air Force Museum.jpg 50
Выведвальныя верталёты
Мі-24К СССР СССР Mi-24 flown by ATEC at Roving Sands 2000.jpg 8
Мі-24Р СССР СССР Mi-24P NTW 3 92.jpg 8
СПА
С-300ПС СССР СССР MoscowParade2009 7.jpg 2 дывізіёна Пастаўлены ў 2005—2006 гадах са складу УС РФ, аплата па бартары васьміосьнымі шасі МЗКТ-79221 для ракетных комплексаў РС-12М1 «Таполя-М»
С-125 СССР СССР/ Дзяржаўны сьцяг Беларусі Беларусь SA-3 system.jpg Печора-2Т/2ТМ, беларуская мадэрнізацыя
Бук СССР СССР ZRK BUK M1 2005 G1.jpg 12 батарэяў
С-200 СССР СССР 4 дывізіёны
ЗРК «Тор-М2» Расея Расея Tor M2E maks2009.jpg 3 батарэі Са сьнежня 2011 г. у 120-й зэнітна-ракетнай брыгадзе (Баранавічы), у тым ліку на колавым шасі Менскага заводу колавых цягачоў[7].

Аварыйнасьць[рэдагаваць | рэдагаваць крыніцу]

Су-27УБМ за пятнаццаць хвілінаў да катастрофы на авіяшоў ў Польшчы

Паводле афіцыйных дадзеных, апублікаваных у сьнежні 2007 году, з траўня 1997 году ў ВПС і ВСПА Беларусі не было ніводнага авіяцыйнага здарэньня[8]. Катастрофа зьнішчальніка Су-27 у 2009 годзе стала, верагодна, першаю стратаю за 12 гадоў. Інфармацыя пра колькасьць лётных здарэньняў у 1990-я гады адсутнічае, вядомыя толькі некаторыя выпадкі.

  • 23 траўня 1996 году падчас трэніравальнага палёту разьбіўся Су-27. Пілёт Уладзімер Карват адвёў падальную машыну ад населенага пункту й быў пасьмяротна ганараваны званьнем Героя Беларусі.
  • 24 траўня 1997 году падчас трэніравальнага палёту разьбіўся Су-17, пілот Сяргей Пагрэбан загінуў[9].
  • 30 жніўня 2009 году падчас выступу на авіяцыйным шоў у Польшчы разьбіўся Су-27УБМ. Загінулі абодва чальца экіпажа — палкоўнікі Аляксандар Марфіцкі й Аляксандар Жураўлевіч[10].
  • 21 красавіка 2010 году падчас трэніравальнага палёту ва ўмовах абмежаванае бачнасьці адбылося сутыкненьне ў паветры двух самалётаў МІГ-29. Пілот аднаго з самалётаў катапультаваўся. Іншы самалёт пасьпяхова прызямліўся на базавым аэрадроме.[11]
  • 29 лістапада 2011 году поруч Пружанаў разьбіўся верталёт Мі-24, загінулі тры чалавекі[12].
  • 12 чэрвеня 2012 году ы паблізу вёскі Навіны Наваградзкага раёну разьбіўся Су-25 116-й штурмавой авіяцыйнай базы; пілёт Мікалай Грыднеў загінуў[13].

Здарэньні[рэдагаваць | рэдагаваць крыніцу]

  • 12 верасьня 1995 году, тры паветраныя шары, якія змагаліся за кубак Гордана Бэнэта ўляцелі ў беларускую паветраную прастору. Нягледзячы на той факт, што арґанізатары паведамілі беларускаму ўраду пра гонку яшчэ ў траўні й што пляны палётаў былі таксама прадстаўлены, беларускія вайскова-паветраныя сілы й войскі супрацьпаветранае абароны зьбілі адзін паветраны шар. Загінулі двое амэрыканскіх грамадзянаў. З двух астатніх паветраных шароў, адзін быў змушаны адразу экстрана прызямліцца, а іншы прызямліўся празь дзьве гадзіны пасьля здарэньня з прычыны пагаршэньня надвор’я. Экіпажы двух паветраных шароў былі аштрафаваны за ўезд у Беларусь бязь візы, а затым вызвалены[14][15].
  • 4 ліпеня 2012 году швэдзкі самалёт выляцеў з аэрадрому ў Пацюнах (Летува, Ковенскі раён), перасёк мяжу беларускае паветранае прасторы ў раёне Дзевянішак (побач з Салечнікамі ды Іўем), праляцеў над Івянцом[16] і, па некаторых меркаваньнях, лятаў нават над Менскам[17]. Паводле сьцьверджаньняў імаверных удзельнікаў інцыдэнту, лётчыкі скідвалі з самалёта пакеты з парашутамі, на якія былі прывязаныя цацкі ў выглядзе мядзьведзяў з улёткамі, што заклікалі да абароны свабоды слова ў Рэспубліцы Беларусь. Пілёты заўляюць, што ў выпадку затрыманьня беларускімі ўладамі яны плянавалі знайсьці прытулак у амбасадзе Швэцыі і што акцыя плянавалася цэлы год, таксама ў раёне Менску іх выклікалі дыспэтчары менскага аэрапорту. У мэтах пілётаў спачатку быў намер скінуць цацкі на рэзыдэнцыю прэзыдэнта Беларусі, але потым пілёты пабаяліся гэта рабіць[18].

Спачатку кіраўніцтва Беларусі адмаўляла факт парушэньня мяжы, але потым прызнала яго[19]. 31 ліпеня 2012 г. Аляксандар Лукашэнка адправіў у адстаўку старшыню Дзяржаўнага памежнага камітэту Беларусі ґенэрал-маёра Ігара Рачкоўскага і камандуючага войскамі СПА Беларусі ґенэрал-маёра Дзьмітрыя Пахмелкіна[20]. Да таго ж, Прэзыдэнт пазбавіў пасады й віцэ-прэм’ера Сяргея Румаса[21]

Апазнавальныя знакі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Алена Дзядзюля. Паветраная варта // Плацдарм. — 30 сакавіка 2011. — № 2 (2). — С. 6.
  2. ^ Вераніка Канюта. Баромэтр ваеннай мэтэаралёгіі // Плацдарм. — 3 красавіка 2012. — № 2 (10). — С. 4.
  3. ^ Вераніка Канюта. Мірнае неба — іх заслуга // Зьвязда : газэта. — 7 красавіка 2012. — № 68 (27183). — С. 2. — ISSN 1990-763x.
  4. ^ Military Balance 2010
  5. ^ Міністэрства абароны РБ — Фотаальбом
  6. ^ TUT.BY | НАВІНЫ — Бамбавікі «Су-24» выведзены са складу ВС Беларусі — Грамадства — 21.02.2012, 13:51
  7. ^ Сымон Сьвістуновіч. 120-ая пераўзбройваецца // Зьвязда : газэта. — 29 сьнежня 2011. — № 249 (27113). — С. 2. — ISSN 1990-763x.
  8. ^ У ВПС Беларусі ўжо 10 гадоў адсутнічаюць авіяцыйныя здарэньні(рас.)
  9. ^ Войска, № 3, 1997
  10. ^ Вячаслаў Будкевіч (30 жніўня 2009) Папярэдняя вэрсія катастрофы беларускага Су-27 — пападаньне птушкі ў паветразаборнік рухавіка зьнішчальніка Грамадзтва. БелаПАНПраверана 25 красавіка 2012 г.
  11. ^ У Беларусі разьбіўся МІГ-29, лётчык катапультаваўся
  12. ^ У Пружанскім раёне разьбіўся ваенны верталёт, Камсамольская праўда (29 лістапада 2011)(рас.)
  13. ^ Пад Навагрудкам разбіўся вайсковы самалёт. Пілот загінуў // nn.by
  14. ^ state.gov
  15. ^ balloonlife.com
  16. ^ Жыхары Івянца: Мы бачылі і самалёт, і мядзьведзяў // Радыё Свабода
  17. ^ Новае відэа дэсанту мядзьведзікаў: самалёт над Менскам // Наша Ніва
  18. ^ Швэд-«медзьведзіроўшчык»: Перасяклі мяжу ў раёне выступу, у Менску аэрапорт нас выклікаў // Наша Ніва
  19. ^ Палітыка Лукашэнка прызнаў факт палёту шведаў. «Вінаватыя панясуць адказнасць»
  20. ^ Мікола Бугай. Рачкоўскі і Пахмелкін у адстаўцы за плюшавы дэсант // Наша Ніва, 31 ліпеня 2012 г. Праверана 24 кастрычніка 2014 г.
  21. ^ Сяргей Румас больш не віцэ-прэм’ер

Вонкавыя спасылкі[рэдагаваць | рэдагаваць крыніцу]