Бобрык 1-ы

Рака
	Бобрык 1-ы; лац. Bobryk 1-y
Агульныя зьвесткі
Выток	каля в. Сукачу
Вусьце	Прыпяць
Краіны басэйну	Беларусь
Вобласьці	Берасьцейская вобласьць
Даўжыня	109 км
Сярэднегадавы сьцёк	7,6 м³/с
Плошча басэйну	1902 км²
Нахіл воднай паверхні	0,3 ‰

Бо́брык 1-ы, Бобрык Першы — рака ў Беларусі, левы прыток Прыпяці. Цячэ ў Берасьцейскай вобласьці. Даўжыня 109 км. Плошча вадазбору 1902 км². Выдатак вады ў вусьці 7,6 м³/с. Сярэдні нахіл воднай паверхні 0,3 ‰.

Асноўныя прытокі

Правыя: Вісьліца
Левыя (каналы): Хатыніцкі, Прысьць, Багданаўка

На рацэ

Вадасховішча: Пагост

Агульныя зьвесткі

Пачынаецца зь ляснога балота за 2,5 км на паўночны захад ад вёскі Сукачу Ганцавіцкага раёну, цячэ ў Пінскім і Лунінецкім раёнах Прыпяцкай нізінай. Упадае ў Прыпяць за 2 км на паўночны захад ад чыгуначнай станцыі Прыпяць.

Даліна невыразная. Абалона двухбаковая, шырыня ў сярэдняй плыні 0,5—1 км, у ніжняй плыні зьліваецца з абалонай Прыпяці. Рэчышча каналізаванае на працягу 102 км, пракладзенае за 0,5—3 км ад старога. Шырыня яго ад 3—3,5 м у вытоку да 35—40 м у вусьці. У абалоне ракі ў Пінскім раёне сажалкі рыбнай гаспадаркі «Палесьсе», 2 невялікія сажалкі (11 га і 2,6 га) каля вёскі Парахонску^[1].

Крыніцы

^ Блакітная кніга Беларусі. Энцыкл. — Мн.: 1994. С. 69.

Літаратура

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 69.
Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.
Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971

[1] Блакітная кніга Беларусі. Энцыкл. — Мн.: 1994. С. 69.

[1]