Белгарад-Днястроўскі
| Белгарад-Днястроўскі лац. Biełharad-Dniastroŭski | |||||
| Населены пункт | |||||
 Фартэцыя | |||||
| |||||
| Гімн | Anthem of Bilhorod-Dnistrovskyi[d] | ||||
|---|---|---|---|---|---|
| Краіна | Украіна | ||||
| Вобласьць | Адэская | ||||
| Раён | Белгарад-Днястроўскі | ||||
| Першыя згадкі | 498 да н. э. | ||||
| Геаграфія | |||||
| Плошча | 31 км² | ||||
| Вышыня НУМ | 28 ± 1 м | ||||
| Часавы пас | |||||
| Каардынаты | 46°11′32″ пн. ш. 30°20′00″ у. д.HGЯO | ||||
| Насельніцтва | |||||
| Колькасьць | 51 000 чал. (2005) | ||||
| Лічбавыя ідэнтыфікатары | |||||
| Тэлефонны код | +380 4849 | ||||
| Паштовыя індэксы | 67700–67719 | ||||
| КОАТУУ | 5110300000 | ||||
| Сайт | Афіцыйны сайт | ||||
| Белгарад-Днястроўскі на мапе Ўкраіны   Белгарад-Днястроўскі | |||||
.svg)
Белгарад-Днястроўскі (па-ўкраінску: Білгород-Дністровський) — места ў Адэскай вобласьці Ўкраіны, на Днястроўскім лімане. Адміністрацыйны цэнтар Белгарад-Днястроўскага раёну. Знаходзіцца за 18 км ад Чорнага мора, за 100 км ад Адэсы. Чыгуначная станцыя. Порт.
ЮНЭСКО занесла Белгарад у сьпіс найстарэйшых местаў Эўропы, што мелі бесьперапыннае існаваньне — побач з Рымам, Атэнамі і Ерусалімам.
Гісторыя
[рэдагаваць | рэдагаваць код]Век Белгараду-Днястроўскага складае каля 2500 гадоў. Места шмат разоў зьмяняла назву (Ціра, Альба, Аспракастрон, Акчакерман, Чатаця-Албэ, Манкастра, Акерман), апошняе перайменаваньне адбылося пасьля далучэньня паўднёвай Бесарабіі да СССР (1940).
У IX ст. плямёны ўлічаў і тывэрцаў стварылі тут эканамічны, палітычны і гандлёвы цэнтар — Белгарад. З XIII ст. уваходзіў у склад Галіцка-Валынскага княства. У XIV ст. яго захапілі генуэзцы і перайменавалі ў Манкастра (Маўракастра).
У выніку бітвы на Сініх Водах (1362) перайшоў да пляменьніка Альгерда князя Юрыя Карыятавіча, які вёў актыўную барацьбу супраць татарскіх уладароў.
У XV ст. вядомы пад назвай Чататаальба (Белая фартэцыя) перайшоў да Малдаўскага княства. У 1484 годзе места захапіла Турэччына, перайменаваўшы яго ў 1503 годзе ў Акерман (Белы камень). У XVI—XVIII стагодзьдзях быў сталіцай Белгарадзкай Арды. Паводле Бухарэсцкай мірнай дамовы 1812 году, якой скончылася расейска-турэцкая вайна, Акерман увайшоў у склад Расейскай імпэрыі.
З 1991 году ў складзе незалежнай Украіны.
Чорны Горад
[рэдагаваць | рэдагаваць код]У 1421 годзе[1] на месцы цяперашняга прадмесьця Белгараду-Днястроўскага (на супрацьлеглым ад цэнтру места беразе Днястра) вялікі князь літоўскі Вітаўт заснаваў умацаванае места, якое атрымала назву Чорны Горад.[2]
Фартэцыя згадваецца ў сьпісе замкаў, складзеным па яго сьмерці ў 1430 годзе.[3]
Турыстычная інфармацыя
[рэдагаваць | рэдагаваць код]Белгарад-Днястроўскі мае шэраг цікавых турыстычных аб’ектаў:
- Акерманская фартэцыя (XV ст.)
- Армянская царква (XІV ст.)
- Баўгарская царква (1840)
- Грэцкая царква (XIII ст.)
- Падземная царква Іаана Сучаўскага (XIV—XIX ст.)
- Раскопкі старадаўняга места Ціра (V ст. да н. э.)
- Сьвята-Ўшэсьценскі сабор (1815—1820)
- Сьвята-Мікалаеўская царква (1867)
- Скіфская магіла
- Сармацкі склеп (III ст. н. э.)
Крыніцы
[рэдагаваць | рэдагаваць код]- ↑ Віктар Цемушаў. Белгарад // ВКЛ. Энцыкл. — Мн.: 2010 Т. 3. С. 63
- ↑ Додаток В: Оригінальні тексти та їх давні і сучасні переклади (до розділу 2) // Вирський Д. Річпосполитська історіографія України (ХVI — середина ХVII ст.) — К.: Інститут історії України НАН України, 2008. — У 2-х ч. — Ч.2 (Додатки). С. 99
- ↑ Р. Ю. Кочкуров. История символов Николаевщины // «Гербоведъ» №57, С. 39—44.
Вонкавыя спасылкі
[рэдагаваць | рэдагаваць код]
Белгарад-Днястроўскі — сховішча мультымэдыйных матэрыялаў
