Перайсьці да зьместу

Аёсэ Пэрэс

Зьвесткі зь Вікіпэдыі — вольнай энцыкляпэдыі
Аёсэ Пэрэс
Пэрсанальная інфармацыя
Нарадзіўся 29 ліпеня 1993(1993-07-29)[1][2] (32 гады)
Рост 179 см
Вага 68 кг
Пазыцыя нападнік
Клюбная інфармацыя
Клюб Вільярэал
Нумар 22
Клюбы
Гады Клюб Гульні (галы)¹
2011—2013 Тэнэрыфэ Б[d] 35 (11)
2012—2014 Тэнэрыфэ 50 (17)
2014—2019 Ньюкасл Юнайтэд 179 (42)
2019—2023 Лэстэр Сіці 80 (12)
2023 → Рэал Бэтыс 19 (3)
2023—2024 Рэал Бэтыс 31 (9)
2024—4 Вільярэал 35 (20)
Зборныя
2014 Гішпанія (да 21)[d] 2 (0)
2024—4 Гішпанія 5 (2)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
8 лістапада 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
20 сакавіка 2025.

Аёсэ Пэрэс (па-гішпанску: Ayoze Pérez; нар. 29 ліпеня 1993 году) — гішпанскі футбаліст, атакуючы паўабаронца і левы нападнік клюбу «Вільярэал» і нацыянальнай зборнай Гішпаніі.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Пэрэс пачаў сваю кар’еру ў родным клюбе «Тэнэрыфэ», дзе ён атрымаў некалькі асабістых узнагарод за свае выступы ў сэзоне 2013—2014 гадоў у Сэгундзе. Сваімі выступамі прыцягнуў увагу ангельскага «Ньюкасл Юнайтэд», які у чэрвені 2014 году выклаў за гульца 3 мільёны эўра[3][4][5]. Запачаткаваў выступы ў Ангельшчыне 17 жніўня, замяніўшы другога дэбютанта Эманюэля Рывіера на 83-й хвіліне хатняга матчу супраць дзейнага чэмпіёна «Манчэстэр Сіці»[6]. Першым голам адзначыўся 26 кастрычніка ў выязным матчы супраць «Тотэнгэм Готспур», дзякуючы чаму каманда футбаліста здабыла перамогу зь лікам 2:1[7]. Гішпанец хутка замацаваўся ў складзе клюбу. Асабліва пасьпяховым стаў сэзон 2018—2019 гадоў, калі Пэрэс 20 красавіка 2019 году адзначыўся сваім першым хет-трыкам за клюб у матчы супраць «Саўтгэмптану»[8]. У тым розыгрышы Прэм’ер-лігі нападнік забіў 12 галоў.

4 ліпеня 2019 году гулец склаў чатырохгадовы кантракт з «Лэстэр Сіці» за 30 мільёнаў фунтаў[9][10], аднак за чатыры сэзоны ў камандзе з кожным годам гуляў усё менш. 31 студзеня 2023 году Пэрэс вярнуўся ў Гішпанію, стаў на правах арэнды да сканчэньня сэзону гульцом «Бэтысу»[11][12]. Па заканчэньні сэзону гулец застаўся ў гішпанскім клюбе як вольны агент, а «Лэстэр Сіці» тым часам страціў месца ў элітным дывізіёне. 13 жніўня 2024 году футбаліст далучыўся да «Вільярэалу» паводле чатырохгадовай угоды з клюбам[13].

Міжнародная

[рэдагаваць | рэдагаваць код]

27 траўня 2024 году Пэрэс быў выкліканы ў склад нацыянальнай зборнай на чэмпіянат Эўропы 2024 году[14]. Празь некалькі дзён, то бок 5 чэрвеня, ён забіў свой першы гол і зарабіў галявую перадачу ў сваім дэбюце ў таварыскай гульні супраць зборнай Андоры[15].

Дасягненьні

[рэдагаваць | рэдагаваць код]

«Лэстэр Сіці»:

Гішпанія:

Крыніцы

[рэдагаваць | рэдагаваць код]
  1. ↑ Soccerway (мн.)
  2. 1 2 Ayoze Pérez // Transfermarkt (мн.) — 2000.
  3. ↑ Starforth, Miles (27.10.2014). «Ayoze Pérez snubbed Barcelona AND Real Madrid to sign for Newcastle». Shields Gazette.
  4. ↑ «Newcastle contrata Ayoze Pérez». Record.
  5. ↑ «Ayoze Pérez, al Newcastle». Marca
  6. ↑ Chowdhury, Saj (17.08.2014). «Newcastle 0–2 Man City». BBC Sport.
  7. ↑ «Premier League: Newcastle come from behind to beat Tottenham 2–1 at White Hart Lane». Sky Sports.
  8. ↑ Bradshaw, Joe (20.04.2019). «Newcastle United 3–1 Southampton: Ayoze Perez hat-trick gives Newcastle victory». BBC Sport.
  9. ↑ «Ayoze Perez: Leicester City sign Newcastle striker for £30m». BBC Sport.
  10. ↑ «Ayoze Perez: Leicester agree £30m fee for Newcastle striker». BBC Sport.
  11. ↑ «Pérez Departs On Loan To Real Betis». Leicester City F.C.
  12. ↑ «Real Betis sign Ayoze Pérez». Real Betis.
  13. ↑ «European champion Ayoze Pérez joins Villarreal CF». Villarreal CF.
  14. ↑ «Euro 2024 provisional squad». RFEF.
  15. ↑ «Ayoze Pérez debuta con España». elDiario.es

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Аёсэ_Пэрэс&oldid=2624588»