Палескі дзяржаўны ўнівэрсытэт

Палескі ўнівэрсытэт
Лягатып
Заснаваны	5 красавіка 2006 (18 гадоў таму)
Тып	урадавы
Рэктар	Канстанцін Шабека
Факультэтаў	5
Колькасьць студэнтаў	3718 (2013)
Месцазнаходжаньне
Геаграфічныя каардынаты	52°6′49″ пн. ш. 26°6′46″ у. д.
Горад	Пінск
Вобласьць	Берасьцейская
Краіна	Беларусь
Кампус	гарадзкі
Знаходзіцца ў складзе	Міністэрства адукацыі Рэспублікі Беларусь
Вэб-сайт	polessu.by
Палескі ўнівэрсытэт у Вікісховішчы
Палескі ўнівэрсытэт на мапе Беларусі Палескі ўнівэрсытэт

Пале́скі дзяржа́ўны ўнівэрсытэ́т (ПалесДУ) — вышэйшая навучальная ўстанова Пінску (Берасьцейская вобласьць, Беларусь), заснаваная ў красавіку 2006 году на аснове Пінскага дзяржаўнага вышэйшага банкаўскага каледжу і мясцовага філіялу Беларускага дзяржаўнага эканамічнага ўнівэрсытэту (Менск).

Да 2 красавіка 2013 году падпарадкоўваўся Нацыянальнаму банку Рэспублікі Беларусь. На 2015 г. ажыцьцяўляў дзённае і завочнае навучаньне, у тым ліку магістрантаў і асьпірантаў. На 2013 г. у ВНУ навучаліся 3718 студэнтаў, у тым ліку 2546 (69%) на дзённай форме. Мае 3 навучальныя корпусы і 5 студэнцкіх гуртажыткаў.

Факультэты

На 2015 г. унівэрсытэт меў 5 факультэтаў, у тым ліку даўнівэрсытэцкай падрыхтоўкі.

• Арганізацыі здаровага ладу жыцьця. Заснаваны 7 траўня 2007 году. Месьціцца ў корпусе № 3 (вул. Пушкіна, д. 4). Выпускае спартовых трэнэраў. Мае 3 катэдры: 1) агульнай і клінічнай мэдыцыны, 2) аздараўленчай і адаптыўнай фізычнай культуры, 3) фізычнай культуры і спорту.
• Банкаўскай справы. Месьціцца на вул. Кірава, д. 24. Рыхтуе аўдытараў, банкаўскіх службоўцаў, рахункаводаў і сыстэміных адміністратараў. Улучае 5 катэдраў: 1) банкаўскай справы; 2) бухгальтарскага ўліку, аналізу і аўдыту; 3) вышэйшай матэматыкі і інфармацыйных тэхналёгіяў; 4) замежных моваў; 5) фінансаў.
• Біятэхналягічны. Месьціцца ў корпусе № 3. Рыхтуе жывёлаводаў, расьлінаводаў і рыбаводаў. Мае 4 катэдры: 1) біялёгіі, 2) біятэхналёгіі, 3) ляндшафтнага праектаваньня, 4) прамысловага рыбаводзтва і рыбаперапрацоўкі.
• Эканамічны. Месьціцца на вул. Кулікава, д. 27. Выпускае маркетолягаў, мэнэджараў, турыстычных гідаў і эканамістаў. Мае 6 катэдраў: 1) гуманітарных навук, філязофіі і права; 2) мэнэджмэнту і маркетынгу; 3) турызму і гасьціннасьці; 4) эканамічнай тэорыі; 5) эканомікі і арганізацыі вытворчасьці ў аграпрамысловым комплексе; 6) эканомікі і арганізацыі прамысловай вытворчасьці.

Рэктары

• Канстанцін Шабека (2006 — 11 сакавіка 2021)
• Валеры Дунай (з 11 сакавіка 2021 году)

Выпускнікі

• Аляксандар Зімоўскі — беларускі журналіст

Вонкавыя спасылкі

• Каталёг бібліятэкі(недаступная спасылка) (рас.)