Ян Юры Радзівіл

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ян Юры Радзівіл
Ян Юры Радзівіл. З альбома «Выявы роду Радзівілаў». Нясьвіж, 1758
Ян Юры Радзівіл. З альбома «Выявы роду Радзівілаў». Нясьвіж, 1758
POL COA Radziwiłł.svg
Герб «Трубы»
Асабістыя зьвесткі
Нарадзіўся 8 студзеня 1588
Чарнаўчыцы, Берасьцейскі павет, Берасьцейскае ваяводзтва, Вялікае Княства Літоўскае, Рэч Паспалітая
Памёр 18 сьнежня 1625 (37 гадоў)
Кобрынь, Берасьцейскі павет, Берасьцейскае ваяводзтва, Вялікае Княства Літоўскае, Рэч Паспалітая
Пахаваны Нясьвіж
Род Радзівілы
Бацькі Мікалай Радзівіл «Сіротка»
Альжбета зь Вішнявецкіх
Жонка Элеанора з Астроскіх
Дзейнасьць палітык

Ян Юры Радзівіл (8 студзеня 1588, мястэчка Чарнаўчыцы Берасьцейскага павету — 18 сьнежня 1625, места Кобрынь) — дзяржаўны дзяяч Вялікага Княства Літоўскага, кашталян троцкі1613)

Валодаў маёнткамі ва Ўкраіне; II ардынат на Нясьвіжы (1616).

Біяграфія[рэдагаваць | рэдагаваць крыніцу]

Зь нясьвіскай лініі роду Радзівілаў гербу «Трубы», сын Мікалая Крыштапа «Сіроткі», ваяводы віленскага, і Альжбеты Яўхіміі зь Вішнявецкіх. Меў братоў Жыгімонта Караля, Альбрэхта Ўладзіслава і Аляксандра Людвіка.

Навучаўся ў езуіцкіх калегіюмах Нясьвіжу, Бранева, Аўгсбургу, падарожнічаў па Нямеччыне, Італіі.

Абіраўся паслом на сойм (1611), маршалак Галоўнага Трыбуналу ў 1616. Падтрымліваў палітыку Жыгімонта Вазы, неаднаразова быў сэнатарам-рэзыдэнтам пры каралю.

У 1619 выехаў у вялікае замежнае падарожжа, наведаў Нямеччыну, Бэльгію, Анегльшчыну, Францыю, Гішпанію, Італію. У 1621 запісаўся ва ўнівэрсытэт у Падуі, а ў 1625 — у Балёньні.

У шлюбе з Элеанорай Астроскай дзяцей ня меў, па ягонай сьмерці Нясьвіская ардынацыя перайшла да брата Альбрэхта Ўладзіслава[1].

У апошні год жыцьця Я. Ю. Радзівіла на тэрыторыі сучаснай Беларусі прайшла чума («моравае паветра»), ад якой ён, імаверна, і памёр.

Крыніцы[рэдагаваць | рэдагаваць крыніцу]

  1. ^ Радзівіл Ян Юры // ВКЛ. Энцыкл. Т. 2. — Менск, 2005. С. 500.

Літаратура[рэдагаваць | рэдагаваць крыніцу]