Цяляцічы

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Цяляцічы
польск. Telatycze
Цяляцічы
Першыя згадкі: к. 15 ст.
Мясцовая назва: Tylatyčy
Краіна: Польшча
Ваяводзтва: Падляскае
Павет: Сямяціцкі
Гміна: Нурэц-Станцыя
Часавы пас: UTC+1
летні час: UTC+2
Тэлефонны код: (+48) 85
Паштовы індэкс: 17-330
Нумарны знак: BSI
Геаграфічныя каардынаты: 52°25′28″ пн. ш. 23°13′00″ у. д. / 52.42444° пн. ш. 23.216667° у. д. / 52.42444; 23.216667Каардынаты: 52°25′28″ пн. ш. 23°13′00″ у. д. / 52.42444° пн. ш. 23.216667° у. д. / 52.42444; 23.216667
Цяляцічы на мапе Польшчы
Цяляцічы
Цяляцічы
Цяляцічы

Цяля́цічы (па-польску: Telatycze, па-падляску: Tylátyčy[1]) — невялікая вёска (адміністрацыйна прысёлак вёскі Вэрпаль) у Сямяціцкім павеце Падляскага ваяводзтва Польшчы. Знаходзіцца ў гміне Нурэц-Станцыя.

Насельніцтва[рэдагаваць | рэдагаваць крыніцу]

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьвсьв. Кузьмы й Дзям’яна на месцы[2]). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя. Каталіцкая частка насельніцтва (парафія Ўзьнясеньня Крыжа Панскага ў Такарах[3]) па этнічных ідэнтыфікацыях — польская.

Гісторыя[рэдагаваць | рэдагаваць крыніцу]

Валоданьні Цяляцічы знаходзіліся ўва вялікакняскіх валоданьнях берасьцейскага павету і ўзгадваюцца ўжо напрыканцы 15 стагодзьдзя. Вядома, што яшчэ на пачату княжаньня Аляксандра Ягелончыка частка маёмасьці была занятая родам Букрабаў, апошняя частка пасьля літоўска-маскоўскай вайны і заняцьця Маскоўшчынай Севершчыны была адданая родам Ляўшоў і Быкоўскіх. Ляўшам было абяцанае, што іхняе валоданьне ў Цяляцічах будзе даўжыцца да моманту адваяваньня ранейшых маёмасьцяў на Севершчыне. Так, як ВКЛ прайграў вайну, Ляўшы засталіся ў Цяляцічах і цягам часу прынялі прозьвішча Цяляціцкіх (Тэлятыцкіх)[4]. З 16 ст. у Цяляцічах існавала царква (на сёньняшні момант тут знаходзіцца цэнтар прыхода, але сьвятыня, пабудаваная ў 1903 г., стаіць у межах суседняй вёскі Анусін[2]. Сям’я Цяляціцкіх пражывала тут ажно да 18 ст., апошнім ягоным прадстаўніком у маёнтку быў Ігнат Цяляціцкі. Пасьля гэтая сям’я была зьвязаная зь Бельскім паветам Гарадзенскай губэрніі[5]. У міжваенны пэрыяд Цяляцічы прыналежалі да гміны Палоўцы, а з 1928 г. да гміны Высокае Берасьцейскага павету Палескага ваяводзтва. Паводле польскага перапісу насельніцтва 1921 г. пражывала тут 43 жыхароў (10 каталікоў, 33 праваслаўных; палякамі было запісаных 11 жыхароў, беларусамі 22, украінцамі 6 і 4 іншымі)[6].

Крыніцы[рэдагаваць | рэдагаваць крыніцу]

  1. ^ Michał Kondratiuk, Nazwy miejscowe południowo-wschodniej Białostocczyzny, Wrocław, Warszawa, Kraków, Gdańsk: Zakład Narodowy im. Ossolińskich, Wydawnictwo Polskiej Akademii Nauk, 1974, s. 201
  2. ^ а б Parafia Prawosławna pw. Śww. Kosmy i Damiana w Telatyczach(пол.) Праверана 28 чэрвеня 2016 г.
  3. ^ TOKARY – Parafia Podwyższenia Krzyża Świętego(пол.). Diecezja drohiczyńska. Праверана 28 чэрвеня 2016 г.
  4. ^ Tomasz Jaszczołt Uwarunkowania historyczne osadnictwa obszaru powiatu siemiatyckiego do końca XV w.(пол.) Kwartalnik historyczny. Kurier Podlaski. Głos Siemiatycz. Праверана 28 чэрвеня 2016 г.
  5. ^ Jerzy Hawryluk Ród z Telatyckiego sioła(пол.). Над Бугом і Нарвою. Праверана 28 чэрвеня 2016 г.
  6. ^ Skorowidz miejscowości Rzeczypospolitej Polskiej opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 8, Województwo poleskie, с. 9(пол.) Праверана 28 чэрвеня 2016 г.

Вонкавыя спасылкі[рэдагаваць | рэдагаваць крыніцу]