Скарыніч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Скарыніч
Краіна Расея
Заснавальнік Аляксей Каўка
Выдавец Аляксей Каўка
Галоўны рэдактар Аляксей Каўка, Віктар Чайчыц
Дата заснаваньня 1991
Мова беларуская, маскальская

«Скары́ніч» — літаратурна-навуковы альманах, заснаваны кіраўніцтвам Маскоўскага таварыства беларускай культуры імя Францішка Скарыны. Мэтай выданьня зьяўляецца пашырэньне ў сьвеце духоўнай спадчыны Беларусі, творчых набыткаў беларускай дыяспары ў Маскве[1].

Мінуўшчына[рэдагаваць | рэдагаваць крыніцу]

Выдаецца з 1991 року ў Менску, Маскве і Смаленску на беларускай і маскальскай мовах[1]. Выходзіў нерэгулярна, два першыя выпускі выйшлі ў дзяржаўным выдавецтве «Мастацкая літаратура»[2]. На 2011 рок выйшлі 10 нумароў[3].

Укладальнік альманаха — Аляксей Каўка.

Асноўная тэма выпускаў — спадчына Францішка Скарыны і праблемы яе вывучэньня, а таксама асэнсаваньне творчасьці літаратурнага згуртаваньня 1920-х гадоў «Узвышша». У выпусках зьмешчаныя невядомыя раней архіўныя дакумэнты, рукапісныя матэрыялы дзеячоў беларускай навукі і культуры Міколы Ўлашчыка, Язэпа Лёсіка, Аркадзя Смоліча, Івана Луцкевіча, Адама Бабарэкі, Язэпа Варонкі, Язэпа Дылы і інш., рэдкія фатаздымкі, хроніка дзейнасьці Таварыства беларускай культуры імя Францішка Скарыны ў Маскве[4]. Напрыклад, большасьць матэрыялаў у чацьвертым выпуску зборніку — дакументальныя[5]. Акрамя аўтараў зь Беларусі і Расеі на старонках часопісу выступаюць навукоўцы і дзеячы культуры Баўгарыі, Польшчы, Нямеччыны, Вялікабрытаніі[1].

Крыніцы[рэдагаваць | рэдагаваць крыніцу]

  1. ^ а б в К. Атрашэўскі. «Скарыніч» // ЭГБ. Т. 6. Кн. 1. — Менск, 2001. — С. 320.
  2. ^ Скобла, Міхась (3 траўня 2012) Аляксей Каўка: Галоўнае — наша здольнасьць да супраціву Вольная студы. Радыё „Свабода“Праверана 13 чэрвеня 2021 г.
  3. ^ АЧ. (19 сьнежня 2011) У Маскве выйшаў дзясяты нумар альманаха «Скарыніч» Культура. Рознае. Наша НіваПраверана 13 чэрвеня 2021 г.
  4. ^ Г. Г. Сяргеева. «Скарыніч» // БЭ. Т. 14. — Менск, 2002. — С. 448.
  5. ^ Ю. У. Несцяровіч. Большасць аб’ёму — археаграфічныя публікацыі // Беларускі археаграфічны штогоднік : часопіс. — 2000. — № 1. — С. 233—234.

Літаратура[рэдагаваць | рэдагаваць крыніцу]

Вонкавыя пасылкі[рэдагаваць | рэдагаваць крыніцу]