Віктар Чайчыц

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікіпэдыя мае артыкулы пра іншых асобаў з прозьвішчам Чайчыц.


Віктар Іванавіч Чайчыц
Член Савета Рэспублікі Нацыянальнага сходу Рэспублікі Беларусь VI і VII скліканьняў
12 кастрычніка 2016 — цяперашні час
Прэзыдэнт: Аляксандр Лукашэнка
Асабістыя зьвесткі
Нарадзіўся: 24 жніўня 1960
Зьдзітава (Спораўскі сельсавет)
Адукацыя: Беларускі дзяржаўны ўнівэрсытэт
Узнагароды: Падзяка Прэзыдэнта Рэспублікі Беларусь
Ганаровыя граматы Нацыянальнага сходу Рэспублікі Беларусь
Узнагароды Міністэрства юстыцыі Беларусі

Віктар Іванавіч Чайчыц (нар. 24 жніўня 1960, в. Зьдзітава, Бярозаўскі раён, Берасьцейская вобласьць) — беларускі адвакат і дзяржаўны дзеяч.

Біяграфія[рэдагаваць | рэдагаваць крыніцу]

Скончыў Беларускі дзяржаўны ўнівэрсытэт, служыў у Савецкай Арміі. Працаваў электрамантажнікам у Берасьці, электрыкам у Белаазёрску.

Пазьней быў стажорам народнага судзьдзі Баранавіцкага раённага суда, судзьдзём народнага суда Менскага раёна і г. Заслаўя, загадчыкам аддзела агульнатэарэтычных праблем арганізацыі работы ўстаноў юстыцыі Навукова-дасьледчага інстытуту праблем крыміналёгіі, крыміналістыкі і судовай экспэртызы Міністэрства юстыцыі Рэспублікі Беларусь, адвакатам, старшынём Менскай абласной калегіі адвакатаў. З 2002 па 2013 гг. узначальваў Менскую абласную калегію адвакатаў[1], а з 2013 года зьяўляецца старшынём Рэспубліканскай калегіі адвакатаў Беларусі[2].

У 2016 г. стаў чальцом Савета Рэспублікі Нацыянальнага сходу Рэспублікі Беларусь шостага склікання ад Берасьцейскай вобласьці. У 2019 г. стаў чальцом Савета Рэспублікі VII скліканьня.

Узнагароды[рэдагаваць | рэдагаваць крыніцу]

Мае Падзяку Прэзыдэнта Рэспублікі Беларусь А. Лукашэнкі (2019) «за шматгадовую плённую працу, заслугі ў разьвіцьці заканадаўства, вялікі ўнёсак у забесьпячэньне правоў і свабод грамадзян»[3], ганаровыя граматы Нацыянальнага сходу Рэспублікі Беларусь, узнагароды Міністэрства юстыцыі Беларусі[1].

Крытыка[рэдагаваць | рэдагаваць крыніцу]

У 2012 годзе ў прэсе зьявіўся ліст за подпісам Віктара Чайчыца як старшыні Рэспубліканскай калегіі адвакатаў, у якім беларускім адвакатам рэкамэндавалася ўзгадняць свае інтэрвію ў СМІ з загадчыкамі юрыдычных кансультацыяў, старшынямі калегій адвакатаў і іх намесьнікамі. Крытыкамі ініцыятыва была расцэненая ў кантэксьце шматлікіх палітычных судовых працэсаў пасьля прэзыдэнцкіх выбараў 2010 г. як спроба абмежаваць свабоду дзеяньняў адвакатаў і стварыць перашкоду для іх удзелу ў абароне абвінавачаных па палітычных справах[4].

4 сакавіка 2021 года ў сваім выступленьні на справаздачна-выбарчай канферэнцыі Менскай гарадзкой калегіі адвакатаў ухваліў катаваньні ў дачыненьні да ўдзельнікаў пратэстаў пасьля прэзідэнцкіх выбараў 2020 года. Заклікаў адвакатаў замоўчваць факты парушэньняў судзьдзямі правоў чалавека. Ухваліў ціск на адвакатаў знутры калегій за выказваньне імі сваіх палітычных поглядаў[5][6].

Зноскі[рэдагаваць | рэдагаваць крыніцу]

  1. ^ а б Чайчыц Віктар Іванавіч — Знаменитые выпускники школы, ГУО Здитовская средняя школа Берёзовского района [Зьдзітаўская сярэдняя школа Бярозаўскага раёна], афіцыйны сайт
  2. ^ Белорусская республиканская коллегия адвокатов [Беларуская рэспубліканская калегія адвакатаў], афіцыйны сайт
  3. ^ Лукашэнка ўзнагародзіў Марзалюка ордэнам Пашаны
  4. ^ Адвакаты самі сабе затыкаюць ратыПраваабарончы цэнтар «Вясна» — афіцыйны сайт, 02.03.2012
  5. ^ Старшыня Беларускай рэспубліканскай калегіі адвакатаў Чайчыц: ёсць час, каб даказаць, што мы не палезем у палітыку - Белсат - 16.03.2021
  6. ^ Сенатар Чайчыц навучыць адвакатаў пакоры? - Праваабарончы цэнтр "Вясна" - 15.03.2021

Вонкавыя спасылкі[рэдагаваць | рэдагаваць крыніцу]