Рыкі (Магілёўскі раён)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рыкі
трансьліт. Ryki
Першыя згадкі: 1643
Краіна: Беларусь
Вобласьць: Магілёўская
Раён: Магілёўскі
Сельсавет: Сухарэўскі
Вышыня: 174 м н. у. м.
Насельніцтва
колькасьць: Red Arrow Down.svg 45 чал. (2009)
нацыянальны склад: беларусы
колькасьць двароў: 30 (2007)
Часавы пас: UTC+3
Тэлефонны код: +375 222
Паштовы індэкс: 213116[1]
СААТА: 7244856041
Нумарны знак: 6
Геаграфічныя каардынаты: 53°56′34″ пн. ш. 30°45′2″ у. д. / 53.94278° пн. ш. 30.75056° у. д. / 53.94278; 30.75056Каардынаты: 53°56′34″ пн. ш. 30°45′2″ у. д. / 53.94278° пн. ш. 30.75056° у. д. / 53.94278; 30.75056
Рыкі на мапе Беларусі ±
Рыкі
Рыкі
Рыкі
Рыкі
Рыкі
Рыкі

Ры́кі[2]вёска на ўсходзе Магілёўскага раёну Магілёўскай вобласьці Беларусі. Уваходзіць у склад Сухарэўскага сельсавету.

Геаграфія[рэдагаваць | рэдагаваць крыніцу]

Месьціцца за 25 на ўсход ад Магілёва і чыгуначнай станцыі Лупалава на лініі Магілёў — Крычаў. Рэльеф раўнінны. На заходняй ускраіне цячэ ручай Падолы, які зьяўляецца прытокам ракі Расты. Мясцовая дарога злучаецца з шашой Магілёў — Амсьціслаў. Пляніровачна Рыкі складаюцца з прамалінейнай Зарэчнай вуліцы амаль мэрыдыянальнай скіраванасьці, на захад ад якой праходзіць крывалінейная Партызанская вуліца, скіраваная з паўднёвага захаду на паўночны ўсход. Шчыльная 2-баковая забудова вёскі складаецца пераважна з драўляных сядзібных дамоў. На поўдзень між вуліцамі месьціцца гаспадарчы сэктар[3].

Мінуўшчына[рэдагаваць | рэдагаваць крыніцу]

Ускраек вёскі Рыкі (2020 год).

У 1643 годзе вёска Рыкі ўпершыню згадваецца ў якасьці сяла ў Бардзілаўскім войтаўстве Магілёўскай аканоміі (Аршанскі павет, Вялікае Княства Літоўскае). Сяло Рыкі знаходзілася ў дзяржаўнай уласнасьці. У 1742 годзе ў Рыках працавала карчма. Па 1-м падзеле Рэчы Паспалітай у 1772 годзе ўвайшла ў склад Расейскай імпэрыі. У 1785 годзе была ў складзе памешчыцкага маёнтку Сухары Чавускага павету (Магілёўскае намесьніцтва). Паводле перапісу 1897 году Рыкі ўваходзілі ў склад Гладкаўскай воласьці Чавускага павету (Магілёўская губэрня). У 1912 годзе адчынілі земскую школу, якую разьмясьцілі ў наёмным памяшканьні[3].

25 сакавіка 1918 году згодна з Трэцяй Устаўной граматай Рыкі абвяшчаліся часткай Беларускай Народнай Рэспублікі. З 20 жніўня 1924 году ў Сухарэўскім сельсавеце Лупалаўскага раёну (Магілёўская акруга, Беларуская ССР). У 1925 годзе земскую школу пераўтварылі ў працоўную школу 1-й ступені, што налічвала 34 вучні. Настаўнікам у беларускамоўнай школе быў мясцовы вясковец Навум Папкоў. З 2 сакавіка 1931 году Рыкі знаходзіліся ў складзе Чавускага раёну. Цягам 1930-х гадоў вяскоўцы ўступілі ў калгас. З 20 лютага 1938 году Рыкі ў складзе Магілёўскай вобласьці. Падчас Нямецка-савецкай вайны знаходзілася пад нямецкай акупацыяй зь ліпеня 1944 году па 27 чэрвеня 1944 году. З 25 сьнежня 1964 году Рыкі ў складзе Магілёўскага раёну. У 1990 годзе Рыкі знаходзіліся ў складзе калгасу «Камуністычны маніфэст» з цэнтрам у вёсцы Сухары. У Рыках разьмяшчаліся сьвінафэрма і фэрма буйной рагатай жывёлы (кароўнікі), зернедрабільня[3].

Насельніцтва[рэдагаваць | рэдагаваць крыніцу]

  • XVIII стагодзьдзе: 1742 год — 17 двароў[3]; 1785 год — 291 жыхар і 40 двароў
  • XIX стагодзьдзе: 1834 год — 111 жыхароў; 1849 год — 168 жыхароў і 28 двароў; 1852 год — 181 жыхар і 31 двор; 1897 год — 299 жыхароў і 44 двары
  • XX стагодзьдзе: 1909 год — 238 жыхароў і 50 двароў; 1926 год — 357 жыхароў і 59 двароў; 1941 год — 320 жыхароў і 64 дамы; 1990 год — 113 жыхароў і 57 гаспадарак; 1999 год — 71 жыхар
  • XXI стагодзьдзе: 2007 год — 51 жыхар і 30 гаспадарак; 2009 год — 45 жыхароў

Крыніцы[рэдагаваць | рэдагаваць крыніцу]

  1. ^ г. Магілеў і Магілёўскі раён (Сухары) // УП «Белпошта», 2018 г. Праверана 23 траўня 2018 г.
  2. ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (djvu) С. 260
  3. ^ а б в г Магілёўскі раён (Рыкі) // Гарады і вёскі Беларусі / дыр. Тацяна Бялова, нав.рэд. Аляксандар Лакотка. — Менск: Беларуская энцыкляпэдыя імя Петруся Броўкі, 2009. — Т. 6. Кніга 2. Магілёўская вобласьць. — С. 558-559. — 592 с. — 2000 ас. — ISBN 978-985-11-0440-2