Оржаў
| Оржаў лац. Oržaŭ | |||||
| Населены пункт | |||||
,_смт.Оржів,_2.jpg) | |||||
| |||||
| Краіна | Украіна | ||||
|---|---|---|---|---|---|
| Вобласьць | Ровенская | ||||
| Раён | Ровенскі | ||||
| Першыя згадкі | XVI ст. | ||||
| Геаграфія | |||||
| Плошча | 8,95 км² | ||||
| Вышыня НУМ | 176 ± 1 м | ||||
| Часавы пас | |||||
| Каардынаты | 50°45′04″ пн. ш. 26°07′07″ у. д.HGЯO | ||||
| Насельніцтва | |||||
| Колькасьць | 3800 чал. (2025) | ||||
| Лічбавыя ідэнтыфікатары | |||||
| Тэлефонны код | +380-362 | ||||
| Паштовы індэкс | 35313 | ||||
| КОАТУУ | 5624655700 | ||||
| Сайт | gska2.rada.gov.ua/pls/z7… | ||||
| Оржаў на мапе Ўкраіны   Оржаў | |||||
О́ржыў[1] (па-ўкраінску: Оржів) — пасёлак гарадзкога тыпу ў Ровенскім раёне Ровенскай вобласьці Ўкраіны на рацэ Гарынь, уваходзіць у склад Клеваньскай аб’яднанай тэрытарыяльнай грамады.
Гісторыя
[рэдагаваць | рэдагаваць код]Народнае паданьне выводзіць назву населенага пункта ад слова «моржыў», гэта значыць «мор жыхароў». Быў час, калі ў паселішчы распаўсюджвалася страшная хвароба — чума. Вельмі шмат людзей загінула ад гэтай хваробы, якая марыла жыхароў мястэчка.
Паводле іншага народнага паданьня раней паселішча складаўся з трох урочышчаў: Оржыў, Мшакіў і Дубына. Назва першага паселішча паходзіць ад словаў «Гора жыць». Урочышча знаходзілася на шляху набегаў татараў на Валынь і Літву, таму і «гора жыць» у такой мясцовасьці. Пасьля паселішча назвалі Горжыў, затым Оржыў. Шмат разоў паселішча зьнішчалася татарамі. Урочышчы Мшакіў і Дубына аддзяляліся ад вёскі невялікай ракой Гаць, якая ўпадае ў раку Ўсьцю і невялікім дубовым лесам, адсюль і назва Дубына. З часам колькасьць насельніцтва павялічвалася, высякаўся лес — урочышчы Оржыў, Дубына і Мшакіў аб’ядналіся ў адно сяло. Ручай Гаць і цяпер працякае па цэнтры мястэчка.
Да 1959 году Оржыў адміністрацыйна лічыўся вёскай.
Рэлігійнае жыцьцё
[рэдагаваць | рэдагаваць код]У мястэчку знаходзяцца наступныя цэрквы:
- Сьвята-Прэабражэнскі храм ПЦУ
- Кірыла-Мітадыеўскі храм УПЦ МП
- царква эвангельскіх хрысьціян-баптыстаў
- царква хрысьціян веры эвангельскай (пяцідзясятнікаў)
Сьвята-Прэабражэнскі храм быў пабудаваны яшчэ ў XVIII ст. — у 1770 годзе. Да 1996 году храм належаў парафіі УПЦ МП. У 1996 г. храм належыць УПЦ КП. Пазьней парафіяне УПЦ МП пабудавалі ўласны храм. У 2014 годзе ў цэнтры мястэчка была пабудавана ратонда Божай Маці.
За часы незалежнасьці ў мястэчку таксама былі пабудаваныя малітоўныя дамы хрысьціян-пяцідзясятнікаў і хрысьціян-баптыстаў.
Крыніцы
[рэдагаваць | рэдагаваць код]- ↑ Напісаньне ў адпаведнасьці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
