Смыга

Смыга лац. Smyha
Населены пункт
Сьцяг Герб
Краіна	Украіна
Вобласьць	Ровенская
Раён	Дубенскі
Першыя згадкі	1861
Дата заснаваньня	1861
Геаграфія
Плошча	34,17 км²
Вышыня НУМ	224 ± 1 м
Часавы пас	UTC+2 UTC+3 (летні час)
Каардынаты	50°14′24″ пн. ш. 25°45′27″ у. д.
Насельніцтва
Колькасьць	2490 чал. (2024)
Лічбавыя ідэнтыфікатары
Тэлефонны код	+380-3656
Паштовы індэкс	35680
КОАТУУ	5621655900
Нумарны знак	BK і НК / 18
Сайт	gska2.rada.gov.ua/pls/z7…
Смыга на мапе Ўкраіны Смыга

Смыга (па-ўкраінску: Смига) — пасёлак гарадзкога тыпу ў Дубенскім раёне Ровенскай вобласьці Украіны, чыгуначная станцыя на лініі Крэменец — Камяніца-Валынская. Празь мястэчка праходзіць аўтадарога Дубна — Крэменец.

Гісторыя

Заснавана ў 1861 годзе пад назвай Кэнэбэрг. У 1890 годзе ўладальнік мясцовасьці граф Бэрг, які жыў у Студзінцы, запрашае з Прусіі і пасяляе тут дзесяць сем’яў немцаў спэцыялістаў-клянкараў. Яны з дуба выраблялі клянкі да бочак зь півам, віном і гарэлкай. Было пабудавана два вялікіх склады для гатовай прадукцыі. Паселішча немцаў спачатку ня мела назвы. У знак падзякі свайму гаспадару графу Бэргу паселішча назвалі Кэнэнбэрг, гэта значыць па прозьвішчы двух уладальнікаў, Кэнэ й Бэрга таму, што Бэрг прадаў немцу Кэнэ лес. І тут Кэнэ збудаваў тартак і пачаў расьпілоўваць драўніну. Для рабочых ён пабудаваў два баракі, а потым сюды перасяліліся і лесарубы. Паводле паданьня ў 1906 годзе Бэрг, а магчыма і Кэнэ, праклаў чыгунку, але празь пяць гадоў усё гэта прадаў барону Струвэ з Даніі. З часам Стувэ пашырыў магутнасьці тартака, збудаваў вузкакалейку, млын, наладзіў вытворчасьць гонты і іншы дрэваапрацоўчы промысел. Але перад Першай сусьветнай вайной амаль усе немцы вярнуліся ў Прусіі.