Галіна Лагунова
| Галіна Лагунова | |
| Дэпутатка Палаты прадстаўнікоў Беларусі 7-га скліканьня | |
|---|---|
| 4 сьнежня 2019 — цяперашні час | |
| Прэзыдэнт: | Аляксандар Лукашэнка |
| Прэм’ер-міністар: | Сяргей Румас, Раман Галоўчанка |
| Папярэднік: | Аксана Няхайчык |
| Дырэктарка Менскага гандлёвага каледжу | |
| 2016 — 4 сьнежня 2019 | |
| Асабістыя зьвесткі | |
| Нарадзілася: |
22 лістапада 1954 (70 гадоў) Прапойск, Магілёўская вобласьць, Беларуская ССР, Савецкі Саюз |
| Сужэнец: | замужам |
| Дзеці: | дачка |
| Адукацыя: | Менскі дзяржаўны пэдагагічны інстытут (1977) |
| Узнагароды: | мэдаль «Заслужаны міратворац», нагрудныя знакі «Выдатнік адукацыі», «Выдатнік спажывецкай каапэрацыі Беларусі» і «За прафсаюзныя заслугі», ганаровыя граматы Савету міністраў Беларусі, Белкаапсаюзу, Менскага гарвыканкаму і Менскага гарсавету дэпутатаў |
Галіна Мікалаеўна Лагунова (нар. 1954, Прапойск, Магілёўская вобласьць, цяпер Беларусь) — дзяржаўная дзяячка Беларусі.
Дэпутатка Палаты прадстаўнікоў Беларусі 7-га скліканьня (зь 2019 году) ад Шабаноўскай акругі № 91 у Менску. Заняла ў Палаце прадстаўнікоў пасаду намесьніцы старшыні Пастаяннай камісіі па эканамічнай палітыцы. Была дырэктаркай Менскага гандлёвага каледжу Белкаапсаюзу.
Жыцьцяпіс
[рэдагаваць | рэдагаваць крыніцу]У 1977 годзе скончыла Менскі дзяржаўны пэдагагічны інстытут па спэцыяльнасьці «Матэматыка». Працавала выхавальніцай прышкольнага інтэрнату і настаўніцай матэматыкі Маляціцкай сярэдняй школы ў Крычаўскім раёне (Магілёўская вобласьць). Пазьней стала намесьніцай дырэктара ў навучальнай працы Купіскай базавай школы ў Падрукшы (Браслаўскі раён). Затым перайшла на працу загадніцай Вайнюнскай пачатковай школы Браслаўскага раёну (Віцебская вобласьць). Урэшце, стала намесьніцай дырэктара ў адміністрацыйна-гаспадарчай працы Менскага гандлёвага каледжу Белкаапсаюзу, які пазьней ўзначаліла[1].
Дэпутатка Палаты прадстаўнікоў
[рэдагаваць | рэдагаваць крыніцу]17 лістапада 2019 году абраралася ў Палату прадстаўнікоў 7-га скліканьня ад Шабаноўскай акругі № 91 у Заводзкім раёне Менску[2]. 19 сьнежня 2019 году заняла пасаду намесьніцы старшыні Пастаяннай камісіі па эканамічнай палітыцы[3]. Стала сяброўкай 5 працоўных групаў Нацыянальнага сходу Беларусі па супрацы з замежнымі парлямэнтамі — Альжыру, Бразыліі, Сэрбіі, Таджыкістану і Турэччыны. Адказвала за 2 законапраекты, прынятыя на прапанову Савету міністраў Беларусі[1]:
- 11 чэрвеня 2020 году ў адным чытаньні «Аб ратыфікацыі Пратаколу аб унясеньні зьмяненьняў у Дамову аб Эўразійскім эканамічным зьвязе ад 29 траўня 2014 году»[4];
- 30 красавіка 2021 году ў 2-м чытаньні «Аб зьмяненьні Закону «Аб інвэстыцыях», паводле якога ўводзілася своечасовае і поўнае пакрыцьцё кошту маёмасьці ў выпадку нацыяналізацыі[5].
Крыніцы
[рэдагаваць | рэдагаваць крыніцу]- ^ а б Лагунова Галіна Мікалаеўна (сёмае скліканьне) // Палата прадстаўнікоў Беларусі, 2022 г. Праверана 19 сакавіка 2022 г.
- ^ ЦВК абнародавала прозьвішчы дэпутатаў Палаты прадстаўнікоў сёмага скліканьня // Беларускае тэлеграфнае агенцтва, 18 лістапада 2019 г. Праверана 19 сакавіка 2022 г.
- ^ Пастаянныя камісіі сфармаваныя ў Палаце прадстаўнікоў сёмага скліканьня // БелТА, 19 сьнежня 2019 г. Праверана 19 сакавіка 2022 г.
- ^ «Аб ратыфікацыі Пратаколу аб унясеньні зьмяненьняў у Дагавор аб Эўразійскім эканамічным саюзе ад 29 мая 2014 году» // Палата прадстаўнікоў Беларусі, 11 чэрвеня 2020 г. Праверана 19 сакавіка 2022 г.
- ^ «Аб зьмяненьні Закону Рэспублікі Беларусь «Аб інвэстыцыях» // Палата прадстаўнікоў Беларусі, 30 красавіка 2021 г. Праверана 19 сакавіка 2022 г.
Вонкавыя спасылкі
[рэдагаваць | рэдагаваць крыніцу]- Сяргей Ручанаў. «Сьвята 17 верасьня — сімвал гістарычнай справядлівасьці» // Зьвязда : газэта. — 17 верасьня 2021. — № 179 (29548). — С. 4. — ISSN 1990-763x.
 |
Гэта — накід артыкула пра асобу з Беларусі. Вы можаце дапамагчы Вікіпэдыі, пашырыўшы яго. |
- Нарадзіліся 22 лістапада
- Нарадзіліся ў 1954 годзе
- Нарадзіліся ў Прапойску
- Выпускнікі Беларускага дзяржаўнага пэдагагічнага ўнівэрсытэту
- Выкладчыкі беларускіх ВНУ
- Узнагароджаныя Ганаровай граматай Савету Міністраў Рэспублікі Беларусь
- Дэпутаты Палаты Прадстаўнікоў Нацыянальнага сходу Рэспублікі Беларусь 7-га скліканьня