Беластоцкі павет (1919—1939)

Беластоцкі павет
Powiat białostocki
Агульныя зьвесткі
Краіна	Польская Рэспубліка
Статус	павет
Уваходзіць у	Беластоцкае ваяводзтва
Адміністрацыйны цэнтар	Беласток
Гміна	15 вясковых гмінаў
Дата ўтварэньня	1919
Дата скасаваньня	верасень 1939
Насельніцтва (1921)	186 754
Беластоцкі павет на мапе Беластоцкага ваяводзтва
Дадатковыя мультымэдыйныя матэрыялы

Беласто́цкі паве́т — былы павет Беластоцкага ваяводзтва Польскай Рэспублікі. Сядзіба — места Беласток.

Гісторыя

Створаны на аснове былога Беластоцкага павету(ru) Гарадзенскай губэрні Расейскай імпэрыі ў 1919 годзе. У 1921 г. на абшары павету знаходзілася 9 местаў (Беласток, Хорашч, Гонядзь, Кнышын, Старасельцы, Супрасьль, Сураж, Васількаў, Заблудаў) і 9 вясковых гмінаў. 14 студзеня 1940 г. савецкія ўлады канчаткова скасавалі Беластоцкі павет як адміністрацыйную адзінку, а на яго месцы былі заснаваныя Беластоцкі, Заблудаўскі і Кнышынскі раёны Беластоцкай вобласьці.

У цяперашні час тэрыторыі павету адносяцца да Беластоцкага і Монькаўскага паветаў Падляскага ваяводзтва Польшчы.

Адміністрацыйна-тэрытарыяльны падзел

Гміны

• Гміна Абрубнікі — адміністрацыйны цэнтар Абрубнікі
• Гміна Беласточак — адміністрацыйны цэнтар Бацечкі
• Гміна Гарадок — адміністрацыйны цэнтар Гарадок
• Гміна Гонядзь — адміністрацыйны цэнтар Гонядзь
• Гміна Дайліды — адміністрацыйны цэнтар Зялёная
• Гміна Далістова — адміністрацыйны цэнтар Ясьвілы
• Гміна Заблудаў — адміністрацыйны цэнтар Заблудаў
• Гміна Завыкі — адміністрацыйны цэнтар Рынкі
• Гміна Крыпна — адміністрацыйны цэнтар Крыпна
• Гміна Міхалова — адміністрацыйны цэнтар Міхалова
• Гміна Трыцяннае — адміністрацыйны цэнтар Трыцяннае
• Гміна Чорная Вёска — адміністрацыйны цэнтар Чорная Вёска Касьцельная
• Гміна Хорашч — адміністрацыйны цэнтар Хорашч
• Гміна Юхнавец — адміністрацыйны цэнтар Юхнавец Касьцельны
• Гміна Каліноўка — адміністрацыйны цэнтар Каліноўска Касьцельная

Насельніцтва

Паводле зьвестак перапісу насельніцтва 1921 г. у павеце пражывала ўсяго 186 574 жыхароў, з чаго:

• 6 016 (3,22%) беларусаў,
• 129 691 (69,51%) палякаў (выніку перапісу былі фальсіфікаваныя, каб выказаць магчыма вялікую колькасьць палякаў),
• 47 084 (25,23%) габрэяў,
• 2 043 (1,09%) немцаў,
• 1 784 (0,96%) расейцаў,
• 56 летувісаў,
• 49 украінцаў (у перапісе былі запісаныя як русіны),
• 22 латышоў,
• 16 чэхаў,
• 5 эстонцаў,
• 5 французаў,
• 4 англічанаў,
• 3 сэрбаў,
• 2 румынаў,
• 2 амэрыканцаў,
• 1 югаславянцу,
• 1 славак,
• 1 швэйцар,
• 1 італіец.

Для параўнаньня, перапіс насельніцтва Расейскай імпэрыі 1897 г. засьведчыў у павеце 164 441 чал., зь якіх як родную мелі наступныя мовы:

• польскуюразам 70 149 (г. зн. 33,19% ад насельніцтва павету),
• «расейскую» (пад якой разумелася ўласна расейская, а таксама беларуская ) — 68 398 (33,1%).

Пры гэтым крыніцы не паказваюць на значны адток беларускага насельніцтва з рэгіёну або значнае збольшваньне польскага.

Па веравызнаньню населнікі павету былі:

• 60,28% (113 491) жыхароў павету былі каталікамі,
• 27,38% (51 087) юдэямі,
• 9,8% (18 925) праваслаўнымі,
• 1,81% (3 374) пратэстантамі,
• 415 уніятамі,
• 33 баптыстамі,
• 20 мусульманамі,
• 5 адвэнтыстамі,
• 4 стараверамі,
• 3 армянскімі хрысьціянамі.

Для 54 жыхароў павету веравызнаньне было пазначанае як невядомае.

Глядзіце таксама

• Адміністрацыйна-тэрытарыяльны падзел Польскай Рэспублікі (1918—1939)
• Беластоцкае ваяводзтва