Аўгустоўскі павет (1919—1939)

Аўгустоўскі павет
Powiat augustowski
Агульныя зьвесткі
Краіна	Польская Рэспубліка
Статус	павет
Уваходзіць у	Беластоцкае ваяводзтва
Адміністрацыйны цэнтар	Аўгустоў
Гміна	12 вясковых гмінаў
Дата ўтварэньня	1919
Дата скасаваньня	верасень 1939
Насельніцтва (1921)	62 384
Аўгустоўскі павет на мапе Беластоцкага ваяводзтва
Дадатковыя мультымэдыйныя матэрыялы

Аўгусто́ўскі паве́т — былы павет Беластоцкага ваяводзтва Польскай Рэспублікі. Сядзіба — места Аўгустоў.

Аўгустоўскі рынак у 1915 г.

Мінуўшчына

Створаны на аснове былога Аўгустоўскага павету Сувальскай губэрні Польскага царства пасьля польска-летувіскіх змаганьняў за Сувалкію. З самога пачатку ўваходзіў у склад Беластоцкага ваяводзтва. У 1940 г. на яго аснове быў створаны Аўгустоўскі раён БССР.

У цяперашні час тэрыторыі павету адносяцца да Аўгустоўскага павету Падляскага ваяводзтва Польшчы. Толькі самая ўсходняя частка павету прыналежыць да Гарадзенскага раёну (Сапоцкіншчына).

Адміністрацыйна-тэрытарыяльны падзел

Гміны

• Вялікая Баля — адміністрацыйны цэнтар Лойкі
• Барглаў — адміністрацыйны цэнтар Барглаў Касьцельны
• Валавічоўцы — адміністрацыйны цэнтар Сапоцкін
• Галынка — адміністрацыйны цэнтар Галынка
• Дэмбова — адміністрацыйны цэнтар Язева
• Кальніца — адміністрацыйны цэнтар Белабжэгі
• Кур'янка — адміністрацыйны цэнтар Скеблева
• Лабна — адміністрацыйны цэнтар Падлабеньне
• Ліпск — адміністрацыйны цэнтар Ліпск
• Штабін — адміністрацыйны цэнтар Штабін
• Шчэбра-Альшанка — адміністрацыйны цэнтар Навінка

Мястэчкі

• Аўгустоў

Насельніцтва

Паводле зьвестак перапісу насельніцтва 1921 г. у павеце пражывала ўсяго 62 384 жыхар, з чаго 58 896 (94,41%) палякаў , 2 789 (4,47%) габрэяў, 531 (0,85%) расейцаў, 92 (0,14%) 92 беларусаў, 42 немцаў, 11 летувісаў, 4 украінцаў ды па адным чэху ды эстонцу. Для 17 чалавек нацыянальнасьць была не пазначаная. 90,4% (56 400) жыхароў павету былі каталікамі, 6,4% (4 036) юдаістамі, 1,5% (932) стараверамі, 1,1%% (683) праваслаўнымі, 0,5% (289) пратэстантамі, 23 уніятамі, 4 атэістамі, для 17 веравызнанье невызначанае.

Глядзіце таксама

• Адміністрацыйна-тэрытарыяльны падзел Польскай Рэспублікі (1918—1939)
• Беластоцкае ваяводзтва