Адрынкі

Адрынкі
польск. *Odrynki*
	Адрынкі; польск. Odrynki
	Населены пункт
	Пачатак вёскі
	Мясцовая назва: Adrynki;
Краіна	Польшча
Ваяводзтва	Падляскае
Павет	Гайнаўскі
Гміна	Нараў
Першыя згадкі	17 ст.
Часавы пас	UTC+1; UTC+2 (летні час);
Каардынаты	52°56′22,90″ пн. ш. 23°36′19,30″ у. д.HGЯO
Насельніцтва
Колькасьць	100 чал.
Лічбавыя ідэнтыфікатары
Тэлефонны код	(+48) 85
Паштовы індэкс	17-210
Нумарны знак	BHA
	Адрынкі на мапе Польшчы Адрынкі

Адры́нкі (па-польску: Odrynki, на мясцовай беларускай гаворцы: Adrynki) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараў.

Насельніцтва

Жыхары вёскі ў большасьці этнічныя беларусы, праваслаўныя (прыход Нараў). У каталіцкай часткі насельніцтва польская нацыянальная сьведамасьць.

Гісторыя

Вёска заснаваная была толькі ў 17 ст. на мяшчанскіх зямлях места Нараў^[1]. Паблізу зь вёскай існаваў з 16 ст. нараўскі праваслаўны манастыр, заснаваны праўдападобна князям Хвёдарам Масальскім. Манастыр быў падначалены Сьвятадухаўскаму манастыру ў Вільні. Манастыр быў ліквідаваны царскімі ўладамі ў 1824 годзе^[2]. Пасьля ліквідацыі манастыру парафіяне пабудавалі ўва ўрочышчы Крыночка (іншая назва Жураўлік) каплічку, а ў 1866 годзе на вясковых могілках капліцу сьв. Яна Багаслова. 15 верасьня 2009 году мітрапаліт варшаўскі і ўсёй Польшчы Сава высьвяціў паблізу з Адрынкамі, ўва ўрочышчы Кудак праваслаўны скіт сьв. Антонія ды Феадосія Пячэрскіх. Архімандрытам скіту стаў а. Гаўрыіл (Гіба), быўшы архімандрыт Супраскага манастыру.