Зборная Італіі па футболе

Італія
Лягатып
Фэдэрацыя	Італьянская Футбольная Фэдэрацыя
Трэнэр	Рабэрта Данадоні (з 2006)
Найбольш гульняў	Паола Мальдзіні (126)
Найлепшы бамбардзір	Луіджы Рыва (забіў 35 галоў)
Першая гульня
Італія 6 - 2 Францыя (Мілян, Італія; 15 траўня 1910)
Самая буйная перамога
Італія 9 - 0 ЗША (Брэнтфард, Ангельшчына; 2 жніўня 1948)
Самая буйная параза
Вугоршчына 7 - 1 Італія (Будапешт, Вугоршчына; 6 красавіка 1924)
Асноўная форма Рэзэрвовая форма

Алімпійскія ўзнагароды
футбол
Золата	1936
Бронза	1928
Бронза	2004

Зборная Італіі па футболе — прадстаўляе Італію на міжнародных футбольных турнірах і ў таварыскіх матчах. Кіруецца Італьянскай Футбольнай Фэдэрацыяй. Дзейсны чэмпіён сьвету (2006). Мянушка: «Squadra Azzurra» — «Блакітная Эскадра».

Стыль гульні

Італьянскі футбол традыцыйна лічыцца абарончым. Каманда гуляе на контратаках, пры гэтым як правіла не забіваючы шмат галоў, але і не прапускаючы. Італьянцы, вядучы ў ліку, кантралююць матч, прымушаючы суперніка расчыняць пазыцыі. Вароты зборнай абараняюць майстры высокага кляса. Абарончая тактыка італьянцаў 1960-х гадоў, званая «Катэнача», зьяўлялася прыкладам для перайманьня для шматлікіх каманд. У цяперашні час яна ўжываецца рэдка, але калі зірнуць на малюнак гульні нацыянальнай каманды, можна ўбачыць карані гэтай сістэмы. Занадта вялікае захапленьне абаронай часта прыводзіла каманду да правалаў на буйных першынствах. Аднак, у спалучэньні з бліскучым нападам, гульня ад абароны занесла Італію ў сьпісы наймоцных каманд (другое месца пасьля Бразыліі па дасягненьнях на Чэмпіянатах сьвету).

Італьянцы лічацца дрэннымі выканаўцамі пэнальці. Пасьляматчавыя 11-мэтровыя каштавалі італьянцам паразы на Чэмпіянатах Сьвету 1990, 1994, 1998 гадоў. Аднак менавіта за лік упэўнена прабітых пэнальці зборная змагла выйграць у 2006 году ў фінале Чэмпіянату Сьвету ў Францыі, пасьля таго, як матч завяршыўся нічыйным вынікам 1:1

Кубак Сьвету

• 1930 — не брала ўдзелу
• 1934 — чэмпіён
• 1938 — чэмпіён
• 1950 — групавы этап
• 1954 — групавы этап
• 1958 — не прайшла кваліфікацыю
• 1962 — групавы этап
• 1966 — групавы этап
• 1970 — другое месца
• 1974 — групавы этап
• 1978 — чацьвёртае месца
• 1982 — чэмпіён
• 1986 — ⅛ фіналу
• 1990 — трэцяе месца
• 1994 — другое месца
• 1998 — чвэрцьфінал
• 2002 — ⅛ фіналу
• 2006 — чэмпіён

Чэмпіянат Эўропы

• 1960 — не брала ўдзелу
• 1964 — не прайшла кваліфікацыю
• 1968 — чэмпіён
• 1972 — не прайшла кваліфікацыю
• 1976 — не прайшла кваліфікацыю
• 1980 — чацьвёртае месца
• 1984 — не прайшла кваліфікацыю
• 1988 — паўфінал
• 1992 — не прайшла кваліфікацыю
• 1996 — групавы этап
• 2000 — другое месца
• 2004 — групавы этап
• 2008 — чвэрцьфінал

Вонкавыя спасылкі

• Афіцыйны сайт ІФФ  (італ.)