Пётар Пракаповіч

	Пётар Пятровіч Пракаповіч
Віцэ-прэм’ер Рэспублікі Беларусь
	18 студзеня 2013 — 27 сьнежня 2014
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Папярэднік:	Сяргей Румас
Наступнік:	Васіль Мацюшэўскі
4-ы старшыня праўленьня Нацыянальнага банку Рэспублікі Беларусь
	сакавік 1998 — 18 ліпеня 2011
Прэзыдэнт:	Аляксандар Лукашэнка
Прэм’ер-міністар:	Сяргей Лінг (да 18 лютага 2000), Уладзімер Ярмошын (да 1 лістапада 2001), Генадзь Навіцкі (да 10 ліпеня 2003), Сяргей Сідорскі (да 28 сьнежня 2010), Міхаіл Мясьніковіч
Папярэднік:	Генадзь Алейнікаў
Наступнік:	Надзея Ермакова
намесьнік кіраўніка Адміністрацыі прэзыдэнта Беларусі
	1996 — 1998
Прэзыдэнт:	Аляксандар Лукашэнка
Прэм’ер-міністар:	Сяргей Лінг
Асабістыя зьвесткі
Нарадзіўся:	3 лістапада 1942 (82 гады); ; вёска Казлы, Усходняя Прусія
Адукацыя:	Днепрапятроўскі інжынэрна-будаўнічы інстытут (1966)

Вікіпэдыя мае артыкулы пра іншых асобаў з прозьвішчам Пракаповіч.

Пё́тар Пятро́віч Пракапо́віч (3 лістапада 1942, вёска Роўна^[1]^[2] або Казлы^[3], Беластоцкая акруга, Усходняя Прусія, Трэці Райх^[4] (цяпер у Пружанскім раёне Берасьцейскай вобласьці) — беларускі дзяржаўны дзяяч, 4-ы старшыня праўленьня Нацыянальнага банку Рэспублікі Беларусь^[5] (1998—2011). Герой Беларусі.

Біяграфія

Нарадзіўся на акупаванай тэрыторыі цяперашняга Пружанскага раёну, пасьля сям’я пераехала ў Тамашоўку Берасьцейскага раёну. З 5-е клясы Пётар Пракаповіч вучыўся ў Камароўскай сярэдняй школе^[6], дзе сядзеў за адной партай зь Пятром Клімуком.

Пасьля сканчэньня школы спрабаваў паступіць у горнапрамысловую школу, аднак ня быў прыняты з-за стану здароўя^[7]. У 1960—1961 — муляр Даўжанскага шахтабудаўнічага ўпраўленьня Сьвярдлоўскай вобласьці.

У 1966 скончыў Днепрапятроўскі інжынэрна-будаўнічы інстытут(uk).

У 1966—1972 — майстар-будаўнік, прараб, галоўны інжынэр, начальнік будаўнічага ўпраўленьня № 3 трэсту «Цэлінаградпрамбуд» (Казахстан).

У 1972—1976 — намесьнік старшыні, старшыня праўленьня Кобрынскай міжкалгаснай будаўнічай арганізацыі.

У 1976—1996 — галоўны інжынэр Берасьцейскага аблміжкалгасбуду, генэральны дырэктар Берасьцейскага аблсельсбуду, «Берасьцеаблсельбуд».

У 1990—1995 — дэпутат Вярхоўнага Савета Беларусі 12 скліканьня, сябра Камісіі па пытаньнях архітэктуры, будаўніцтва, вытворчасьці будаўнічных матэрыялаў і жыльлёва-камунальнай гаспадаркі вёскі і гораду. Найбольш у той час вядомы сваёй жорсткай крытыкай тагачаснага старшыні Нацбанку Станіслава Багданкевіча^[7].

З 1996 — намесьнік кіраўніка Адміністрацыі прэзыдэнта Беларусі, першы намесьнік прэм’ер-міністра Беларусі. З 13 студзеня 1997 — чалец Савету Рэспублікі Нацыянальнага сходу 1-га скліканьня. Паўнамоцтвы датэрмінова спыненыя 15 траўня 1998 у сувязі зь пераходам на іншую пасаду^[8]^[9].

З сакавіка 1998 да ліпеня 2011 — старшыня праўленьня Нацыянальнага банку Рэспублікі Беларусь. 17 жніўня 2012 прызначаны памочнікам Лукашэнкі па эканоміцы замест Сяргея Ткачова.

З 18 студзеня 2013 — намесьнік прэм’ер-міністра Рэспублікі Беларусь замест Сяргея Румаса. 27 сьнежня 2014 году адпраўлены ў адстаўку разам са шматлікімі іншымі ўраднікамі Беларусі^[10].

27 сьнежня 2014 году прызначаны старшынём назіральнае рады БПС-Сбербанку^[11].

Пражывае ў менскім мікрараёне Дразды, дзе мае дзьве хаты^[12].

Дзейнасьць на пасадзе кіраўніка Нацбанку

За часамі кіраваньня Пятра Пракаповіча адбыліся дзьве разавыя дэвальвацыі беларускага рубля: у 2009 і 2011 гадох. Хоць яшчэ ў сакавіку 2011 року ён абвясьціў:

	Пакуль я ёсьць старшынём праўленьня Нацбанку, ніякай разавай аднамомантавай дэвальвацыі ніколі ня будзе. У нас дастаткова досьведу, які мы назапасілі за 15 гадоў, і гэты досьвед сьведчыць пра тое, што гэтае благое рашэньне для беларусаў. Паколькі благое рашэньне, мы яго выконваць ня будзем <…> Нават дэвальвацыі ў 5% у нас ніколі ня будзе.
—telegraf.by, Прокопович: даже девальвации в 5% в Беларуси никогда не будет (рас.)

Працуючы старшынём Нацбанку, актыўна дапамагаў землякам. За часы ягонага кіраваньня ў Пружанах было зладжанае рэспубліканскае сьвята «Дажынкі», пабудаваныя міні-ЦЭЦ на мясцовых відах паліва, лядовы (часткова на сродкі Нацбанку^[13]) і водны палацы. На базе калгаса «60 гадоў БССР», падшэфнага Нацбанку, быў створаны найбуйнейшы аграпрамысловы холдынг краіны — ААТ «Агракамбінат Мачулішчы», ад Пружанскага раёну ў які ўваходзіць ААТ «Айчына».

Узнагароды

Герой Беларусі (Указ № 135 ад 1 сакавіка 2006) «за значны ўнёсак у забесьпячэньне устойлівых тэмпаў эканамічнага росту і павышэньне на гэтай аснове ўзроўню жыцьця насельніцтва рэспублікі»^[7]
Ордэн Айчыны III ступені
Ордэн Працоўнага Чырвонага Сьцяга СССР
Ордэн «Знак Пашаны»
Заслужаны будаўнік БССР
Ганаровы грамадзянін Пружанскага раёну^[14]
Ганаровы доктар Палескага дзяржаўнага ўнівэрсытэта^[7]
Ганаровы грамадзянін гораду Берасьця^[15]

Крыніцы і заўвагі

^ Прокопович Петр Петрович (рас.) Хто ёсьць хто ў Рэспубліцы Беларусь Праверана 20 лютага 2012 г.
^ не захавалася.
^ Сьвятлана Яскевіч. Узлёт «Жураўлінага», або Аграгарадок новага фармату // Звязда. — 27 кастрычніка 2010. — № 210 (26818).
^ Адміністрацыйная адзінка, якая існавала дэ-факта. З пункту погляду міжнароднага права — у Палескім ваяводзтве Другой Рэчы Паспалітай, пад акупацыяй Трэцяга Райху. З пункту погляду ўладаў СССР — у Пружанскім раёне Берасьцейскай вобласьці Беларускай ССР, пад акупацыяй Трэцяга Райху.
^ Пракаповіч больш не старшыня Нацбанка. Хто ў адстаўку наступны?. Наша Ніва.
^ Владимир Статкевич. Два Петра и их товарищи (рас.) «Лица». «Рэспубліка». Праверана 24 чэрвеня 2011 г.
^ ^а ^б ^в ^г 10 фактаў з жыцця «прафесара» Пракаповіча Палітыка. Белорусский партизан (21 красавіка 2011). Праверана 14 студзеня 2012 г.
^ Первый созыв (13 января 1997г. — 19 декабря 2000г.) (рас.) Архив. Национальное собрание Республики Беларусь. Совет Республики. Праверана 14 студзеня 2012 г.
^ Постановление Совета Республики Национального собрания Республики Беларусь от 15 мая 1998 г. №323-СР/IV «О досрочном прекращении полномочий члена Совета Республики Национального собрания Республики Беларусь Прокоповича П.П.» (рас.) Право. Законодательство Республики Беларусь. Валеры Леванеўскі. Праверана 14 студзеня 2012 г.
^ Урад разагнаны. На месца Мясніковіча і Ермаковай прызначаныя Кабякоў і Калавур, на месца Кабякова — Косінец. Наша Ніва (27 сьнежня 2014). Праверана 28 сьнежня 2014 г.<
^ Мясниковичу, Ермаковой и Прокоповичу нашли новые места работы // TUT.BY
^ Ягор Марціновіч. Як Пятро Пракаповіч адзіны пабудаваў у Драздах адразу два дамы // Наша Ніва, 22 сьнежня 2013 г. Праверана 23 сьнежня 2013 г.
^ «Тэхнічная» адстаўка Пятра Пракаповіча // «Народная воля» : газэта. — 24 чэрвеня 2011. — № 93—94 (3430—3431).
^ Пружанцы отпраздновали День города Новости. «Раённыя будні» (19 ліпеня 2011). Праверана 21 ліпеня 2011 г.
^ Петру Прокоповичу присвоили звание Почётного гражданина Бреста (рас.). Виртуальный Брест (30 ліпеня 2011). Праверана 17 жніўня 2012 г.

Вонкавыя спасылкі

[1] Прокопович Петр Петрович (рас.) Хто ёсьць хто ў Рэспубліцы Беларусь Праверана 20 лютага 2012 г.

[2] не захавалася.

[3] Сьвятлана Яскевіч. Узлёт «Жураўлінага», або Аграгарадок новага фармату // Звязда. — 27 кастрычніка 2010. — № 210 (26818).

[4] Адміністрацыйная адзінка, якая існавала дэ-факта. З пункту погляду міжнароднага права — у Палескім ваяводзтве Другой Рэчы Паспалітай, пад акупацыяй Трэцяга Райху. З пункту погляду ўладаў СССР — у Пружанскім раёне Берасьцейскай вобласьці Беларускай ССР, пад акупацыяй Трэцяга Райху.

[5] Пракаповіч больш не старшыня Нацбанка. Хто ў адстаўку наступны?. Наша Ніва.

[resp-6] Владимир Статкевич. Два Петра и их товарищи (рас.) «Лица». «Рэспубліка». Праверана 24 чэрвеня 2011 г.

[bp82675-7] а ^б ^в ^г 10 фактаў з жыцця «прафесара» Пракаповіча Палітыка. Белорусский партизан (21 красавіка 2011). Праверана 14 студзеня 2012 г.

[8] Первый созыв (13 января 1997г. — 19 декабря 2000г.) (рас.) Архив. Национальное собрание Республики Беларусь. Совет Республики. Праверана 14 студзеня 2012 г.

[9] Постановление Совета Республики Национального собрания Республики Беларусь от 15 мая 1998 г. №323-СР/IV «О досрочном прекращении полномочий члена Совета Республики Национального собрания Республики Беларусь Прокоповича П.П.» (рас.) Право. Законодательство Республики Беларусь. Валеры Леванеўскі. Праверана 14 студзеня 2012 г.

[10] Урад разагнаны. На месца Мясніковіча і Ермаковай прызначаныя Кабякоў і Калавур, на месца Кабякова — Косінец. Наша Ніва (27 сьнежня 2014). Праверана 28 сьнежня 2014 г.<

[11] Мясниковичу, Ермаковой и Прокоповичу нашли новые места работы // TUT.BY

[12] Ягор Марціновіч. Як Пятро Пракаповіч адзіны пабудаваў у Драздах адразу два дамы // Наша Ніва, 22 сьнежня 2013 г. Праверана 23 сьнежня 2013 г.

[13] «Тэхнічная» адстаўка Пятра Пракаповіча // «Народная воля» : газэта. — 24 чэрвеня 2011. — № 93—94 (3430—3431).

[14] Пружанцы отпраздновали День города Новости. «Раённыя будні» (19 ліпеня 2011). Праверана 21 ліпеня 2011 г.

[15] Петру Прокоповичу присвоили звание Почётного гражданина Бреста (рас.). Виртуальный Брест (30 ліпеня 2011). Праверана 17 жніўня 2012 г.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]