Цюрых (футбольны клюб)

Цюрых
Поўная назва	Fussball-Club Zürich
Заснаваны	1 жніўня 1896
Горад	Цюрых, Швайцарыя
Стадыён	Лецыґрунд Умяшчальнасьць: 25 000
Прэзыдэнт	Ансыльлё Канэпа[d]
Галоўны трэнэр	Дэніс Гэдыгер[d]
Чэмпіянат	Супэрліга
· 2024—2025	7 месца
Хатнія колеры Выязныя колеры
Галерэя здымкаў у Вікісховішчы fcz.ch

«Цю́рых» (па-нямецку: Fussballclub Zürich) ― швайцарскі футбольны клюб з гораду Цюрыху. Клюб быў заснаваны 1 жніўня 1896 году, празь дзесяць гадоў пасьля стварэньня свайго асноўнага канкурэнта клюбу «Ґрасгопэр», дэрбі зь якім вельмі папулярнае ў Швайцарыі.

Гісторыя

Пэрфоманс заўзятараў «Цюрыху» падчас гарадзкога дэрбі

Клюб быў заснаваны 1 жніўня 1896 году былымі чальцамі трох мясцовых клюбаў, «Турыкум», «Вікторыя» і «Эксэльсіёр». Адным з фундатараў клюбу быў Жаан Гампэр, які ў свой час прыкладаў намаганьні па стварэньні гішпанскай «Барсэлёны». У 1902 годзе клюб стаў чэмпіёнам Швайцарыі, аднак да 1924 году больш трафэяў не атрымоўваў. Да 1930-х гадоў у клюб уваходзілі каманды па весьлаваньні, боксе, лёгкай атлетыцы і гандболе, аднак пасьля мэнэджары «Цюрыху» вырашылі сканцэтравацца толькі на футболе.

Паміж 1925 і 1960 гадамі «Цюрых» быў пазбаўлены поьпеху. Клюб змагаўся за захаваньне месца ў найвышэйшым дывізіёне, аднак у 1934 годзе вылецеў з Супэрлігі, гуляючы ў Чэледж-лізе да 1941 году. У 1941 годзе каманда вярнуліся ў элітны дывізіён, дзе заставаліся да 1946 году. У 1948 годзе клюб вярнуўся ў Супэрлігу і заставаўся ў найвышэйшым дывізіёне, пакуль ня быў паніжаны яшчэ раз у 1957 годзе. У 1959 годзе клюб зноўку вярнуўся ў лігу вышэй.

З 1960 году ў «Цюрыху» пачаўся залаты пэрыяд. У гэты час клюбам кіраваў легендарны прэзыдэнт Эдвін Нэгелі, а сярод вядомых гульцоў тых часоў варта вылучыць Якаба Куна, Фрыца Кюнзьлі, Ільлю Каціча і Рэнэ Батэрона. «Цюрых» сем разоў станавіўся чэмпіёнам краіны ў 1963, 1966, 1968, 1974, 1975, 1976 і 1981 гады. Таксама на рахунку клюбу маюцца перамогі ў Кубках Швайцарыі ў той пэрыяд у 1966, 1970, 1972, 1973 і 1976 гадох. У розыгрышу Кубка чэмпіёнаў 1963—1964 гадоў «Цюрых» дайшоў да паўфіналу, дзе атрымаў паразу ад мадрыдзкага «Рэалу». У сэзоне 1976—1977 гадоў клюб паўтарыў сваё дасягненьне на эўрапейскай арэне, але на гэты раз клюб атрымаў паразу ад ангельскага «Лівэрпулу».

Дасягненьні

• Чэмпіён Швайцарыі: 13
  • 1902, 1924, 1963, 1966, 1968, 1974, 1975, 1976, 1981, 2006,
  • 2007, 2009, 2022

• Уладальнікі Кубка Швайцарыі: 10
  • 1966, 1970, 1972, 1973, 1976, 2000, 2005, 2014, 2016, 2018

• Уладальнікі Кубка лігі Швайцарыі: 1
  • 1981

Склад

Актуальны на 22 лютага 2026 году

№ Пазыцыя Імя Год нараджэньня 1 Бр Сыляс Губэр 2005 2 Аб Ліндрыт Камбэры  1999 3 Аб Лівана Камэнэнсія  2004 4 Аб Хорхэ Сэгура  1997 6 ПА Чэвэё Тсава  2006 7 ПА Бледыян Красьнікі  2001 8 Нап Іван Кавалейру  1993 9 Нап Хуан Хасэ Пэрэа  2000 10 Нап Матыяс Фаэтон  (ар. ЦСКА Сафія) 2000 11 Нап Умэ Эмануэл  2004 12 Бр Яўген Марозаў 2007 14 ПА Нэвіё Дзі Джуста  2005 15 ПА Нэльсан Палясіё  (ар. Рэал Солт-Лэйк) 2001 18 ПА Магамэд Бангура 2006

№ Пазыцыя Імя Год нараджэньня 19 Нап Філіп Кені  1999 22 Аб Крыс Каблян  1994 23 ПА Валён Бэрыша  1993 25 Бр Янік Брэхэр  (капітан) 1993 27 Аб Ілян Заўтэр  2001 29 Нап Дам’енус Рэвэрсан  2003 32 Аб Сэльмін Годжа  2003 34 ПА Козыма Фіярыні 2006 35 Аб Давід Вуевіч 2006 38 ПА Мігель Райхмут 2003 42 Аб Аляксандар Гак  1993 43 Аб Найль Фолькен 2007 46 ПА Іль Штыль 2008 48 Аб Даніель Ігэнду 2005

Вонкавыя спасылкі

• Афіцыйны сайт (ням.)
• Статыстыка клюбу