Люцэрн (футбольны клюб)
| Люцэрн | |||||
 | |||||
| Поўная назва | Fussball Club Luzern | ||||
|---|---|---|---|---|---|
| Заснаваны | 1901 | ||||
| Горад | Люцэрн, Швайцарыя | ||||
| Стадыён |
Сьвіспорарэна Умяшчальнасьць: 17 000 | ||||
| Галоўны трэнэр | |||||
| Чэмпіянат | Супэрліга | ||||
| · 2023—2024 | 7 месца | ||||
| |||||
 Галерэя здымкаў у Вікісховішчыfcl.ch (ням.) fcl-verein.ch | |||||
«Люцэ́рн» (па-нямецку: FC Luzern, па-француску: FC Lucerne) ― швайцарскі футбольны клюб з гораду Люцэрну, гуляе ў швайцарскай Супэрлізе. Клюб мае бела-сінія колеры, якія былі запазычаны з колераў гербу кантону Люцэрн і гораду.
Гісторыя
[рэдагаваць | рэдагаваць крыніцу]Першая вядомая спроба закласьці футбольны клюб у Люцэрне ўзыходзіць да 6 траўня 1897 году, калі ў мясцовай газэце была апублікаваная зацемка наконт сустрэчы дзеля заснаваньня футбольнага клюбу.
У 1901 годзе другая спроба была ініцыяваная сябрамі Адольфам Куленам, Эрнстам Гаагам і Гансам Вальтэрам. Яны сустрэліся 8 ліпеня 1901 году зь іншымі аматарамі футболу ў рэстарацыі ля чыгуначнага вакзала з мэтай стварыць «Люцэрна». Ужо праз чатыры дні 12 ліпеня 1901 году была зладжаная першае трэнаваньне каманды ў паўднёвай частцы гораду. Дата заснаваньня клюбу лічыцца 12 жніўня 1901 году[2]. Першы матч, які скончыўся паразай зь лікам 1:2, наваствораная каманда згуляла з клюбам «Цофінген». У верасьні 1903 году «Люцэрн» далучыўся да Швайцарскай футбольнай асацыяцыі. На той час клюбы маглі самі абіраць у якой лізе яны хочуць спаборнічаць. «Люцэрн» абраў ніжэйшыя дывізіёны, але ў 1909 годзе вырашыў далучыцца да розыгрышу Сэрыі А. Канкурэнцыя апынулася завялікай для люцэрнцаў, у выніку чаго яны скончылі сэзон на апошнім месцы[3]. З новым кіраўніцтвам справы палепшыліся. Клюб правёў шэраг міжнародных матчаў, але ў айчынным першынстве ўсё яшчэ вялікіх посьпехаў клюбу бракавала. У 1913 годзе клюб страціў месца ў Сэрыі А[4].
Пасьля пяці гадоў у другім дывізіёне «Люцэрн» вярнуўся ў найвышэйшы дывізіён у 1918 годзе пасьля перамогі над «Бадэнам». Дыяніс Шэнэкер, які далучыўся да клюбу зь венскага «Рапіду», стаў першым прафэсійным трэнэрам клюбу ў 1921 годзе. Ягонае прызначэньне мела імгненны плён, бо «Люцэрн» здолеў здабыць перамогу ў сваёй зоне Сэрыі А, атрымаўшы права згуляць у фінальным турніры. Дружына здабыла перамогу над цюрыскім клюбам «Блю Старз» зь лікам 2:1, што азначала, што матч, які меў адбыцца 25 чэрвеня 1922 году ў Базэлі, фактычна стаў матчам за тытул чэмпіёна краіны. Супернікам люцэрнцаў у тым матчы стаў жэнэўскі «Сэрвэт». Жэнэўцы як больш дасьведчаныя гульцы здабылі перамогу зь лікам 2:0. Цікава, што сам матч ня быў згуляны да заканчэньня, бо заўзятары «Сэрвэту» ўварваліся на гульнявую пляцоўку, лічачы, што судзьдзя ўжо даў сыгнал аб заканчэньні сустрэчы. Спробы вывесьці ўсіх заўзятараў з поля ня меў посьпеху, таму гульцы «Люцэрну» пагадзіліся скончыць матч, каб унікнуць інцыдэнтаў.
Дасягненьні
[рэдагаваць | рэдагаваць крыніцу]- Чэмпіён Швайцарыі: 1989
- Уладальнік Кубка Швайцарыі: 1960, 1992
Крыніцы
[рэдагаваць | рэдагаваць крыніцу]- ^ https://www.transfermarkt.com/fc-luzern/mitarbeiterhistorie/verein/434
- ^ Stocker, Diego; et al. (2009). «Stadion Allmend. Trutzburg, Hexenkessel, Lotterbude». Textosteron Verlag. — С. 57—59. — ISBN 978-3-033-02226-3.
- ^ Szvircsev, Miklos (1986). «85 Jahre FCL». Keller, Luzern. — С. 15—19. — ISBN 3-85766-021-X.
- ^ Garin, Erik. «Switzerland — List of final tables 1898–1930». The RSSSF Archive
Вонкавыя спасылкі
[рэдагаваць | рэдагаваць крыніцу]- Афіцыйны сайт (ням.)
- Фан-сайт клюбу