Базэль (футбольны клюб)

Базэль
Поўная назва	Footballclub Basel 1893
Заснаваны	15 лістапада 1893
Горад	Базэль, Швайцарыя
Стадыён	Санкт-Якаб Парк Умяшчальнасьць: 38 512
Галоўны трэнэр	Фабіё Чэлестыні[d]
Чэмпіянат	Супэрліга
· 2023—2024	8 месца
Хатнія колеры Выязныя колеры
Галерэя здымкаў у Вікісховішчы fcb.ch (ням.)​ (анг.)

«Ба́зэль» (па-нямецку: Footballclub Basel 1893) ― швайцарскі футбольны клюб з аднайменнага гораду, гуляе ў швайцарскай Супэрлізе. Адзін з самых тытулаваных футбольных клюбаў краіны.

Гісторыя

Клюбны постэр 1910 году.

«Базэль» зьяўляўся лідэрам швайцарскага футболу з канца 1960-х па канец 1970-х гадоў, за гэты час клюб атрымаў 7 чэмпіёнскіх тытулаў, і ў гэтыя гады лідэрам каманды быў атакавалы паўабаронца зборнай Швайцарыі Карл Одэрмат, зь якім каманда выйграла 5 чэмпіянатаў. У сэзоне 1973—1974 гадоў «Базэлю» атрымалася дайсьці да чвэрцьфіналу Кубка эўрапейскіх чэмпіёнаў, дзе швайцарцы саступілі шатляндзкаму «Сэлтыку» зь лікам 5:6 па выніках двух матчаў.

З пачатку 1980-х клюб на 20 гадоў «сышоў у цень» — на працягу больш чым 20 гадоў «чырвона-сінія» не былі здольнымі выйграць ані чэмпіянат (з 1981 па 2000 гады клюб нават ніводнага разу не атрымліваў мэдалі), ані кубак краіны, некалькі сэзонаў запар «Базэль» гуляў у другім швайцарскім дывізіёне. Новы ўздым пачаўся ў 2000-х гадох, калі ў 2002 годзе клюб зрабіў «залаты дубль», пасьля чаго ў 2000-х атрымаў перамогу яшчэ у 4 чэмпіянатах і заваяваўшы 4 кубкі. У 2008 і 2010 гадох «чырвона-сінія» зноўку дамагліся «залатога дублю».

У сэзоне 2005—2006 гадоў «Базэль» дабраўся да чвэрцьфіналу Кубка УЭФА, перайграўшы ў 1/16 і 1/8 фіналу два францускія клюбы — «Манака» й «Страсбург». У чвэрцьфінале швайцарцы сустрэліся з ангельскім «Мідлзбра». У першым матчы, які праходзіў у Швайцарыі, «Базэль» атрымаў перамогу зь лікам 2:0, і ў матчы ў адказ адкрыў лік на 23-й хвіліне. Аднак «Мідлзбра» да перапынку зраўняў лік, а затым у другім тайме забіў яшчэ двойчы. Да 90-й хвіліне лік паводле сумы двух матчаў быў 3:3, і па правілах гасьцявога голу далей праходзіў «Базэль», але ўжо ў кампэнсаваны расейскім арбітрам Юрыем Баскакавым час Масыма Макаронэ забіў 4-ы мяч у браму «Базэлю» і вывеў ангельцаў у паўфінал. У далейшым «Мідлзбра» дабраўся да фіналу, дзе быў разгромлены «Сэвільляй».

Дасягненьні

• Чэмпіён Швайцарыі: 20
  • 1953, 1967, 1969, 1970, 1972, 1973, 1977, 1980, 2002, 2004
  • 2005, 2008, 2010, 2011, 2012, 2013, 2014, 2015, 2016, 2017

• Уладальнік Кубка Швайцарыі: 13
  • 1933, 1947, 1963, 1967, 1975, 2002, 2003, 2007, 2008, 2010
  • 2012, 2017, 2019

• Уладальнік Кубка лігі Швайцарыі: 1
  • 1972

Склад

Актуальны на 15 лютага 2025 году

№ Пазыцыя Імя Год нараджэньня 1 Бр Марвін Гіц 1987 3 Аб Нікаля Вуёз 2001 5 ПА Мэтыньню (ар. Труа) 2003 7 Нап Філіп Атэле (ар. Аль-Вагда) 1999 8 ПА Рамарыю Бару (ар. Порту) 2000 9 Нап Кевін Карляс 2001 10 ПА Джэрдан Шакіры (капітан) 1991 11 Нап Бэні Траарэ 2002 13 Бр Мірка Сальві 1994 14 Нап Брэдлі Фінк 2003 17 Аб Юсафат Мэндэс (ар. Брага) 2002 19 Нап Марын Шотычак 2004 21 ПА Габрыель Сыгуа 2005 22 ПА Лео Леруа 2000

№ Пазыцыя Імя Год нараджэньня 23 Нап Альбіян Аеці 1997 25 Аб Фін ван Брээмэн 2003 26 Аб Адрыян-Леон Барышыч 2001 27 Аб Кевін Руг 1998 28 Аб Юго Важэль 2004 29 Аб Муса Сысэ 2003 30 Нап Антон Кадэ 2004 31 Аб Домінік Шмід 1998 32 Аб Джонас Аджэтэй 2003 34 ПА Таўлянт Джака 1991 37 ПА Леон Аўдулягу 2004 39 Нап Жуніёр Зэ 2006 47 Бр Тым Пфайфэр 2005 — Бр Тым Шпыхэр 2004

Вонкавыя спасылкі

• Афіцыйны сайт (ням.)
• Сайт фан-клюбу (ням.)