Царква Покрыва Багародзіцы (Магілёў)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік сакральнай архітэктуры
Царква Покрыва Багародзіцы
Рэканструкцыя аўтэнтычнага выгляду помніка (БДТАПГіК)
Рэканструкцыя аўтэнтычнага выгляду помніка (БДТАПГіК)
Краіна Беларусь
Места Магілёў
Каардынаты 53°53′34.12″ пн. ш. 30°20′07.32″ у. д. / 53.8928111° пн. ш. 30.3353667° у. д. / 53.8928111; 30.3353667Каардынаты: 53°53′34.12″ пн. ш. 30°20′07.32″ у. д. / 53.8928111° пн. ш. 30.3353667° у. д. / 53.8928111; 30.3353667
Архітэктурны стыль магілёўскае барока
Царква Покрыва Багародзіцы на мапе Беларусі
Царква Покрыва Багародзіцы
Царква Покрыва Багародзіцы
Царква Покрыва Багародзіцы
Commons-logo.svg Царква Покрыва Багародзіцы на Вікісховішчы

Царква Покрыва Багародзіцы — помнік архітэктуры XVII ст. у Магілёве. Знаходзіцца на гістарычным Пакроўскім пасадзе (Школішчы). У 1948 годзе савецкія ўлады зруйнавалі царкву, да нашага часу захаваліся фрагмэнты падмуркаў. Твор архітэктуры магілёўскага барока.

Гісторыя[рэдагаваць | рэдагаваць крыніцу]

Царкву збудавалі ў канцы XVII ст. у традыцыях Магілёўскай школы дойлідзтва, у 1863—1866 гадох яе перабудавалі ў стылі клясыцызму.

Пацярпела ў часы Другай сусьветнай вайны. У 1948 годзе царкву зруйнавалі савецкія ўлады.

У 2016 годзе Беларускае добраахвотнае таварыства аховы помнікаў гісторыі і культуры распрацавала навукова абгрунтаваны праект аднаўленьня Пакроўскай царквы ў яе аўтэнтычным архітэктурным абліччы[1]. Таксама існуе праект аднаўленьня царквы ў выглядзе па перабудове 1863—1866 гадоў, вынікам якой стала зьнішчэньне арыгінальных рысаў магілёўскага барока[2].

Архітэктура[рэдагаваць | рэдагаваць крыніцу]

Помнік архітэктуры магілёўскага барока. Прастакутны ў пляне будынак мае крыжова-купальную кампазыцыю. Ува ўсходняй частцы ён завяршаўся трыма паўцыліндрычнымі апсыдамі, у заходняй — прытворам і дзьвюма рызьніцамі з бакоў асноўнага аб’ёму. Над сяродкрыжжам узвышаўся 8-гранны сьветлавы барабан з купалам-банькай. Тарцы асноўнага аб’ёму і крылы трансэптаў завяршаліся трыкутнымі франтонамі з паўцыркульнымі нішамі ў цэнтры. Куты аб’ёмаў і сьцены рызьніцаў падзяляліся пілястрамі, аконныя праёмы мелі паўцыркульную форму. Пэрымэтар будынку ўпрыгожваў тонкапрафіляваны карніз. У інтэр’еры чатыры масіўныя слупы пры дапамозе ветразяў падтрымлівалі барабан купала[3].

Асобна ад царквы стаяла 2-ярусная званіца, падмуркі якой захаваліся да нашага часу. У склад комплексу таксама ўваходзіла мураваная брама з агароджай.

Галерэя[рэдагаваць | рэдагаваць крыніцу]

Гістарычная графіка[рэдагаваць | рэдагаваць крыніцу]

Гістарычныя здымкі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Ці адродзяць праваслаўныя магілёўскае барока?, Радыё Свабода
  2. ^ Ці адродзіцца традыцыя магілёўскага барока?, Белорусский партизан
  3. ^ Чарняўская Т. Магілёўская Пакроўская царква // Архітэктура Беларусі. Энцыкл. — Менск, 1993.

Літаратура[рэдагаваць | рэдагаваць крыніцу]

  • Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.