Сьцяг Славеніі
.svg)
Нацыянальны сьцяг Славеніі ўяўляе сабой прастакутнае палотнішча з трох роўных палос: верхняй — белага, сярэдняй — сіняга і ніжняй — чырвонага колеру з гербам Славеніі, зьмешчаным у верхняй часцы сьцягу бліжэй да тронка. На гербе намаляваны сылуэт найвысокай гары Славеніі — Трыглава, а таксама сымбалічна намалявана Адрыятычнае мора і рэкі Славеніі.
Колеры сьцягу панславянскія, яны выкарыстоўваліся на больш старажытных гербах і лічыліся нацыянальнымі яшчэ да прыняцьця сьцягу славенскімі патрыётамі ў 1848 годзе. На такі выбар колераў іх падапхнулі колеры сьцягу Расеі.
Сьцяг асацыяваўся са Славеніяй і падчас яе знаходжаньня ў складзе Югаславіі. У 1945 на сьцяг была зьмешчаная чырвоная зорка. Пасьля здабыцьця незалежнасьці зорка са сьцяга была прыбраная. Новы сьцяг быў афіцыйна прыняты 27 чэрвеня 1991 году.
Вонкавыя спасылкі
[рэдагаваць | рэдагаваць крыніцу]
Сьцяг Славеніі — сховішча мультымэдыйных матэрыялаў