Сьцяг Швэцыі
Сьцяг Швэцыі ўяўляе сабой прастакутнае палотнішча сіняга колеру са скандынаўскім крыжом жоўтага колеру і суадносінамі бакоў 5:8.
Дакладная дата зьяўленьня швэдзкага сьцягу невядомая, аднак найболей раньнія малюнкі жоўтага крыжа на сінім фоне датуюцца 16 стагодзьдзем. Прапарцыйнасьць, магчыма, узятая з дацкага сьцягу, а блакітны і жоўты колеры верагодна дайшлі з гербу.
У адпаведнасьці з каралеўскім указам ад 1569 году жоўты крыж мусіў быў заўсёды адлюстроўвацца на швэдзкіх баявых штандарах і сьцягах, паколькі герб Швэцыі ўяўляў сабой сіні шчыт, падзелены на чатыры часткі залатым крыжом. Толькі ў 20-х гадах XVII стагодзьдзя зьяўляюцца надзейныя сьведчаньні таго, што сіні трохкутны сьцяг з жоўтым крыжом быў на швэдзкіх караблях. Цяпер трохкутны вымпэл выкарыстоўваецца толькі на суднах каралеўскай сям'і і на ваенных суднах. На вымпэле каралеўскай сям'і, акрамя таго, у цэнтры крыжа намаляваны Малы або Вялікі герб Швэцыі.
З 1916 году дзень 6 чэрвеня адзначаецца як Дзень Швэдзкага Сьцягу. У 1983 годзе гэты дзень быў таксама абвешчаны Нацыянальным Днём Швэцыі. Гэты дзень быў абраны паводле двух чыньніках: 6 чэрвеня 1523 году Густаў Ваcа быў абраны каралём Швэцыі, і гэта паклала пачатак Швэцыі як незалежнай дзяржавы, а ў той жа дзень у 1809 годзе Швэцыя прыняла новую канстытуцыю, якая ўсталёўвала правы грамадзян і надзяляла іх значнай воляй.
Вонкавыя спасылкі
[рэдагаваць | рэдагаваць крыніцу]
Сьцяг Швэцыі — сховішча мультымэдыйных матэрыялаў