Прэмія Цёткі
| Прэмія Цёткі | |
| Арганізатар | Беларускі ПЭН-цэнтар |
|---|---|
| Правядзеньне | Менск |
| Краіна | Беларусь |
| Першае прысуджэньне | 3 траўня 2016 (9 гадоў таму) |
| Афіцыйны сайт | ciotka.by |
Прэ́мія Цё́ткі — беларуская прэмія за найлепшую кнігу для дзяцей і падлеткаў, заснаваная ў кастрычніку 2015 году.
5 кастрычніка 2015 году Рада Беларускага ПЭН-цэнтру зацьвердзіла «Палажэньне аб прэміі Цёткі за найлепшую кнігу для дзяцей і падлеткаў». Яе заснавальнікамі сталі: Дабрачынны фонд «Вяртаньне», Беларускі ПЭН-цэнтар і Саюз беларускіх пісьменьнікаў. Прэмія прысуджаецца за адпаведную кнігу на беларускай мове і найлепшае мастацкае афармленьне такой кнігі. Да конкурсу прымаюць выдадзеныя ў год яго абвяшчэньня папяровыя і электронныя кнігі[1]. Кожны пераможца атрымлівае па 2000 даляраў ЗША па курсе Нацыянальнага банку Беларусі. Уручэньне праводзіцца ўвесну наступнага году за папярэдні год. У 2016—2018 гадах ладзілася ў сталічнай прасторы «Корпус» па праспэкце Машэрава, д. 9. У 2019-м уручалі 6 красавіка ў прасторы «ОК» на Кастрычніцкай вуліцы, д. 16.
Конкурс
[рэдагаваць | рэдагаваць код]Паводле Палажэньня, спаборніцтва складаецца з 4-х ступеняў: 1) абвяшчэньне прэміі ў сьнежні арганізатарамі; 2) прыём кніг да 31 студзеня аргкамітэтам; 3) абвяшчэньне аргкамітэтам поўнага сьпісу прынятых кніг; 4) вызначэньне пераможцы па 2 намінацыях з боку журы. Згодна з пунктам 2.3 Палажэньня «заяўляць кнігі на конкурс упаўнаважаныя: а) выдавецтвы; б) аргкамітэт прэміі; в) сябры журы; г) сам аўтар або мастак». Паводле пункту 3.1 «журы конкурсу фармуецца аргкамітэтам і ўзгадняецца з Радай ПЭН-цэнтру». У пункце 5.1 прадугледжвалася, што «аргкамітэт прэміі вызначаецца і зацьвярджаецца Радай Беларускага ПЭН-цэнтру»[1].
Пераможцы
[рэдагаваць | рэдагаваць код]Крыніцы
[рэдагаваць | рэдагаваць код]- 1 2 Палажэньне // Прэмія Цёткі, 5 кастрычніка 2015 г. Праверана 14 лютага 2021 г.
- 1 2 Сталі вядомыя пераможцы прэміі Цёткі за 2023 і 2024 гады, 2024-02-17, Беларускі ПЭН
- ↑ Абвешчаны пераможцы Прэміі Цёткі за 2022 год. Беларускі ПЭН (2024-02-17). Архіўная копія ад 2024-02-17 г.
- ↑ Абвешчаны пераможцы Прэміі Цёткі ў дзвюх намінацыях. Суполка беларускіх пісьменнікаў (2021-10-14). Архіўная копія ад 2022-05-17 г.
- ↑ 2020 // Прэмія Цёткі, 2021 г. Праверана 14 лютага 2021 г.
- ↑ 2019 // Прэмія Цёткі, 2021 г. Праверана 14 лютага 2021 г.
- ↑ 2018 // Прэмія Цёткі, 2021 г. Праверана 14 лютага 2021 г.
- ↑ 2017 // Прэмія Цёткі, 2021 г. Праверана 14 лютага 2021 г.
- ↑ 2016 // Прэмія Цёткі, 2021 г. Праверана 14 лютага 2021 г.
| Гэта — накід артыкула. Вы можаце дапамагчы Вікіпэдыі, пашырыўшы яго. |