Літаратурная прэмія імя Янкі Юхнаўца

Літаратурная прэмія імя Янкі Юхнаўца — літаратурная прэмія, створаная ў сакавіку 2004 году. Фундацыяй Крачэўскага на мэце ўшанаваньня памяці вядомага беларускага пісьменьніка-эмігранта Янкі Юхнаўца ды спрыяньня разьвіцьця беларускай літаратуры. Мелася прысуждацца штогадова ў дзень народзінаў пісьменьніка 3 лістапада, але прысуджалася толькі аднойчы — ў 2004 годзе. У камітэт прысуджэньня прэміі ўваходзяць Андранік Антанян, Андрусь Жвір, Марат Клакоцкі, Сяржук Сокалаў-Воюш (старшыня камітэту) ды Лявон Юрэвіч. Ляўрэатам прэміі можа стаць кожны творца, чые творы ў любой форме (друкаванай, электроннай, ці іншай) даступныя сябрам Прэміяльнага камітэту. Прэміяльны камітэт самастойна выбірае творы для разгляду, а таксама прыймае да разгляду творы, дасланыя на ягоны адрас. Адной з важкіх умоваў удзелу зьяўляецца правапіс твору. Камітэт разглядае толькі творы, напісаныя тарашкевіцай. Вынікі прэміі друкуюцца на старонках газэты «Беларус».

Крытэрыі прысуджэньня прэміі

• твор — нацыянальная літаратурная зьява;
• твор — моўная зьява;
• твор — вольная зьява.

Ляўрэаты прэміі

• 2004: Макс Шчур, раман «Там, дзе нас няма»

Вонкавыя спасылкі

• Вынікі прэміі імя Янкі Юхнаўца за 2004 год
• Інфармацыя пра прэмію на старонцы газэты «Беларус»