Мюнхэнскі ўнівэрсытэт Людвіга-Максіміляна

Мюнхэнскі ўнівэрсытэт Людвіга-Максіміляна
Ludwig-Maximilians-Universität München
Лягатып
па-лацінску: Universitas Ludovico-Maximilianea Monacensis
Заснаваны	1472
Тып	грамадзкі
Рэктар	Бэрнд Губер
Колькасьць пэрсаналу	13 602
Колькасьць студэнтаў	45 539
Месцазнаходжаньне
Горад	Мюнхэн
Штат	Баварыя
Краіна	Нямеччына
Колеры	зялёны і белы
Знаходзіцца ў складзе	Ініцыятыва дасканаласьці нямецкіх унівэрсытэтаў Ліга эўрапейскіх дасьледніцкіх унівэрсытэтаў
Вэб-сайт	www.lmu.de
Мюнхэнскі ўнівэрсытэт Людвіга-Максіміляна ў Вікісховішчы

Мю́нхэнскі ўнівэрсытэ́т Людвіга-Максіміляна (па-нямецку: Ludwig-Maximilians-Universität München (LMU)) — вышэйшая навучальная ўстанова ў Мюнхэне, Нямеччына. Заснаваны герцагам Людвігам IX у 1472 годзе і названы ў памяць пра яго і пра курфюрста Максыміляна Ёзэфа I.

Мінуўшчына

Унівэрсытэт быў заснаваны ў 1472 року ў месьце Інгальштаце герцагам Людвігам Багатым. Кіраваўся езуітамі і некалькі стагодзьдзяў быў цэнтрам антырэфармацыйнага руху.

У 1800 р. курфюрст Максімілян Ёзэф IV (пазьней кароль Максімілян Ёзэф I) перанёс унівэрсытэт у места Ляндсгут. Толькі ў 1826 р. унівэрсытэт пераведзены ў сталіцу Баварыі на загад караля Людвіга І.

Падчас Другой сусьветнай вайны ва ўнівэрсытэце базаваўся антыфашысцкі рух супраціву «Белая ружа» на чале з Сафі і Гансам Шолямі.

Сучаснасьць

Ва ўнівэрсытэце навучаюцца 45 539 студэнтаў (2009—2010). У склад унівэрсытэту ўваходзяць 18 факультэтаў, на якіх выкладаюць больш за 700 прафэсараў. Гадавы бюджэт унівэрсытэту складае прыкладна адзін мільярд эўра, траціна гэтых сродкаў даводзіцца на долю ўнівэрсытэцкай клінікі.

У Мюнхэнскім унівэрсытэце студэнты могуць атрымаць адукацыю па адной са 160 спэцыяльнасьцяў.

Факультэты

• Каталіцкага багаслоўя
• Эвангельскага багаслоўя
• Юрыспрудэнцыі
• Эканомікі і арганізацыі вытворчасьці
• Эканомікі народнай гаспадаркі
• Мэдыцыны
• Вэтэрынарны
• Гісторыі і мастацтвазнаўства
• Філязофіі, тэорыі навукі, рэлігіязнаўства
• Псыхалёгіі і пэдагогікі
• Культуралёгі
• Мова- і літаратуразнаўства
• Грамадазнаўства
• Матэматыкі, інфарматыкі, статыстыкі
• Фізыкі
• Хіміі і фармацэўтыкі
• Біялёгіі
• Прыродазнаўчы

Вонкавыя спасылкі

• Афіцыйная бачына (ням.)