Гайдэльбэрскі ўнівэрсытэт
| Гайдэльбэрскі ўнівэрсытэт імя Рупрэхта і Карла | |
| Ruprecht-Karls-Universität Heidelberg | |
 | |
 Лягатып | |
| Дэвіз | Semper Apertus Immer offen Кніга ведаў заўсёды адкрыта |
|---|---|
| Заснаваны | 1386 |
| Тып | Дзяржаўны |
| Рэктар | Бэрнгард Айтэль |
| Колькасьць студэнтаў | 27 602 (зіма 2008—2009) |
| Месцазнаходжаньне | |
| Геаграфічныя каардынаты | 49°24′37″ пн. ш. 8°42′23″ у. д. / 49.41028° пн. ш. 8.70639° у. д.Каардынаты: 49°24′37″ пн. ш. 8°42′23″ у. д. / 49.41028° пн. ш. 8.70639° у. д. |
| Горад | Гайдэльбэрг |
| Вобласьць | Бадэн-Вюртэмбэрг |
| Краіна | Нямеччына |
| Знаходзіцца ў складзе | Куімбрская група, Deutsches Forschungsnetz[d][1], German Rectors' Conference[d][2], German University Sports Federation[d][3], Асацыяцыя эўрапейскіх унівэрсытэтаў[4] і Informationsdienst Wissenschaft[d][5] |
| Вэб-сайт | www.uni-heidelberg.de |
| Гайдэльбэрскі ўнівэрсытэт імя Рупрэхта і Карла на мапе Нямеччыны   Гайдэльбэрскі ўнівэрсытэт імя Рупрэхта і Карла | |
Гайдэльбэрскі ўнівэрсытэт імя Рупрэхта і Карла (па-нямецку: Ruprecht-Karls-Universität Heidelberg) — найстарэйшы і адзін з найбольш прэстыжных унівэрсытэтаў на тэрыторыі сучаснай Нямеччыны. Заснаваны ў 1386 годзе.
Заснаваньне[рэдагаваць | рэдагаваць крыніцу]
Ён быў заснаваны курфюрстам Рупрэхтам I з дазваленьня рымскага папы Ўрбана VI у 1386 годзе, каб даць яго разрозьненым валадарствам, Пфальцу на Райне, цэнтру духоўнага жыцьця, прыцягнуць замежнікаў і выхоўваць царкоўных дзеячаў і дзяржаўных чыноўнікаў ва ўласнай краіне. Падаплёкай утварэньня ўнівэрсытэту стаў Вялікі заходні раскол каталіцкай царквы: выпускнікі Сарбоны, якія падпарадкоўваліся Авіньёнскаму папу Клімэнту VII, не маглі служыць у цэрквах Пфальцу, што кіраваліся папам рымскім, таму ўзьнікла патрэба ва ўласнай тэалягічнай адукацыі. Першыя прафэсары ў Гайдэльбэрг прыехалі з Парыжу і Прагі. Рэктарам-заснавальнікам унівэрсытэту стаў Марсыліюс Інгенскі, прыхільнік наміналізму; наміналізм доўгі час выкладаўся ва ўнівэрсытэце ў выключным парадку.
На момант заснаваньня ён стаў чацьвертым па старшынстве пасьля Балёнскага, Праскага і Венскага ўнівэрсытэтаў на тэрыторыі Сьвятой Рымскай імпэрыі і першым унівэрсытэтам на тэрыторыі сучаснай Нямеччыны.
Устаноўчыя граматы датаваныя 1 кастрычнікам 1386 г. 18 кастрычніка таго ж году адбылася царкоўная імша, якая адкрыла сьцены ўнівэрсытэту, а на наступны дзень пачаліся заняткі. У той жа дзень была атрыманая і срэбная ўнівэрсытэцкая пячатка, адбітак якой зьяўляецца лягатыпам унівэрсытэту.
Факультэты[рэдагаваць | рэдагаваць крыніцу]
- факультэт тэалёгіі (кірунак: тэалёгія эвангелізму),
- факультэт юрыспрудэнцыі,
- факультэт філязофіі,
- факультэт нэўрабіялёгіі,
- факультэт эканамічных і грамадзкіх навук,
- факультэт паводніцкіх навук і культуразнаўства,
- факультэт матэматыкі і інфарматыкі,
- факультэт фізыкі і астраноміі,
- факультэт хіміі і навук аб Зямлі,
- факультэт біялягічных навук
- факультэт мэдыцыны ў Гайдэльбэргу, а таксама
- унівэрсытэцкая клініка
- факультэт мэдыцыны ў Мангайме, а таксама
- унівэрсытэцкая клініка,
- Цэнтральны інстытут псыхічнага здароўя,
- Інстытут аховы здароўя, сацыяльнай і прафіляктычнай мэдыцыны.
Вонкавыя спасылкі[рэдагаваць | рэдагаваць крыніцу]
Гайдэльбэрскі ўнівэрсытэт — сховішча мультымэдыйных матэрыялаў
| |||||
