Сарбона

Сарбона
Заснаваны	1257
Месцазнаходжаньне
Краіна	Францыя
Вэб-сайт	sorbonne.fr (фр.)​ (анг.)​ (італ.)
Сарбона ў Вікісховішчы

Сарбо́на (па-француску: Sorbonne) — шэраг унівэрсытэтаў у Францыі, адзін з самых вядомых унівэрсытэцкіх цэнтраў Эўропы. Знаходзяцца ў Парыжы і цэнтральным рэгіёне краіны — Іль-дэ-Франс.

Гісторыя Сарбоны пачынаецца з Парыскага ўнівэрсытэту, які быў утвораны ў 1215 годзе ў выніку аб’яднаньня некалькіх царкоўных школ. У 1257 годзе тэоляг Рабэр дэ Сарбон, духаўнік караля Людвіка IX Сьвятога, заснаваў у Парыжы багаслоўскі каледж для дзяцей зь бедных сем’яў, а таксама інтэрнат для выкладчыкаў і студэнтаў. У 1554 годзе каледж атрымаў назву Сарбона, паступова адбылося яго аб’яднаньне з тэалягічным факультэтам Парыскага ўнівэрсытэту. У XVII стагодзьдзі назва Сарбона распаўсюдзілася на ўвесь унівэрсытэт. У 1972 годзе ўнівэрсытэт быў рэарганізаваны ў шэраг ВНУ, якія традыцыйна называюць Сарбона.

Унівэрсытэты Сарбоны карыстаюцца аўтарытэтам ва ўсім сьвеце.

Выпускнікі

• Анарэ дэ Бальзак
• Бэнэдыкт XVI
• Жан-Люк Гадар
• Ігнацы Ляёля
• Жан Кальвін
• Раймон Кено
• Крыстыян Комбаз
• П’ер дэ Кубэртэн
• Марыя Кюры
• П’ер Кюры
• Міхаіл Астраградзкі
• Пол Пот
• Ібрагім Ругова
• Франсуаза Саган (ня скончыла)
• Жан-Поль Сартр
• Марына Цьвятаева
• Эразм Ратэрдамскі

Вонкавыя спасылкі

• Афіцыйны сайт (фр.)
• Бакалаўрам у Сарбоне ўпершыню стала студэнтка з Гомельшчыны // Мая зарплата. 2009. 14 ліпеня.

48°50′55″ пн. ш. 2°20′36″ з. д.