Мэталюрг Жлобін
| Мэталюрг | |
 | |
| Заснаваны | 2006 |
|---|---|
| Адкуль | Жлобін, Беларусь |
| Пляцоўка | Лядовы палац «Мэталюрг» Зьмяшчальнасьць: 2018 |
| Фарм-клюб | Белсталь |
| Дырэктар | Андрэй Паўловіч |
| Чэмпіянат | Экстраліга |
 Галерэя здымкаў у Вікісховішчы | |
| metallurg.zhlobin.by (рас.) | |
«Мэталю́рг» — беларускі хакейны клюб з Жлобіну, выступае ў Беларускай экстралізе. Трохразовы чэмпіён Беларусі.
Гісторыя[рэдагаваць | рэдагаваць крыніцу]
Першае зьяўленьне[рэдагаваць | рэдагаваць крыніцу]
Першая каманда была ўтвораная за савецкім часам ў 1985 годзе. Жлобінская дружына брала ўдзел у другім дывізіёне чэмпіянату БССР. Празь некаторы час каманда атрымала назва «Белсталь», а таксама прабілася ў найвышэйшы дывізіён чэмпіянату БССР. Па здабыцьці незалежнасьці Беларусі клюб спачатку гуляў на аматарскім узроўні, дзе здабыў перамогу, прасунуўшыся ў найвышэйшую лігу. Дэбют у айчынным першынстве адбыўся ў сэзоне 1994—1995 гадоў. «Белсталь» заняла чацьверты радок, апярэдзіўшы менскія «Тарпэда» і «Юнацтва». У наступны сэзон жлобінцы таксама былі чацьвертымі, але толькі чатыры каманды бралі ўдзел у чэмпіянаце. У той жа сэзон каманда досыць удала гуляла ў навастворанай Усходне-эўрапейскай хакейнай лізе, дзе паводле першага этапу спынілася на трэцім радку, але ў розыгрышы мэдалёў апусьцілася на чацьвертае месца, прапусьціўшы наперад рыскі «Юніярс». Пасьля сэзону каманда спыніла сваё існаваньне.
Перараджэньне[рэдагаваць | рэдагаваць крыніцу]
29 траўня 2006 году клюб быў утвораны нанова пад назовам «Мэталюрг». 5 жніўня 2006 году каманда правяла свой першы афіцыйны матч супраць «Віцебску» ў Кубку Беларусі. Сустрэча скончылася на карысьць жлобінцаў 2:3. Ачоліў калектыў трэнэр Яўген Лебедзеў. Амаль палову дэбютнага сэзону ў Экстралізе жлобінцы гулялі ў Гомлі, бо хатні лядовы палац яшчэ ня быў дабудаваны[1]. Першую гульню каманда з Гомельскай вобласьці згуляла дома 8 студзеня 2007 году супраць «Віцебску»[1]. «Мэталюрг» заняў восьмы радок у рэгулярных сэзоне, але саступіў «Кераміну» ў чвэрцьфінале плэй-оф. Сапраўднымі зоркамі таго сэзону сталі браты Павал і Аляксей Волчакі, якія ўдвох зарабілі 70 пунктаў. Улетку жлобінцы значна падмацаваліся адразу трыма латыскімі хакеістамі. Гэтак зь «Юнацтва» перайшоў Мікеліс Рэдліхс, з расейскага «Хіміку» далучыўся Аляксейс Шыракаўс, а славацкі «Попрад» зьмяніў на «Мэталюрг» Мартыньш Цыпуліс. Зь менскага «Дынама» ў Жлобін пераехаў абаронца Андрэй Башко. Падчас сэзону працоўную ўгоду з каманда склаў Аляксей Круцікаў. У выніку жлобінцы скончылі рэгулярны сэзон на пятым месцы, але ў чвэрцьфінале саступілі ў сэрыі «Віцебску». Пасьля сэзону лідэры сышлі з каманды, але застаўся Круцікаў. Зь менскага «Дынама» да каманды далучыўся Мікіта Восіпаў. Жлобінцы занялі трэці радок у рэгулярным сэзоне і, нарэшце, пераадолелі чвэрцьфінал плэй-оф пасьля перамогі ў «Кераміна». Паўфінал склаўся для клюбу няўдала, «Гомель» выгуляў у сэрыі зь лікам 3:0.
У 2010 годзе пачаўся залаты час «Мэталюргу». Каманда прасунулася ў фінал Кубка Беларусі 2010 году. Яшчэ тройчы запар жлобінцы траплялі ў фінал, здабыўшы тытул толькі аднойчы ў 2011 годзе. Гэтыя тры гады «мэталюргі» кожным разам зьяўляліся на п’едыстале. Спачатку здабыўшы срэбра, а праз год у 2012 годзе залатыя мэдалі. У рангу чэмпіёнаў «Мэталюрг» здабыў срэбра, прагуляўшы ў фінале «Нёману», які ў папярэдні сэзон быў срэбным прызэрам. У студзені 2013 году жлобінцы бралі ўдзел фінальным этапе Кантынэнтальнага кубку, дзе здабылі срэбра, прапусьціўшы наперад украінскі «Данбас» з КХЛ[2]. Аднымі з найлепшымі гульцамі таго часу былі брамнік Дзьмітры Мільчакоў, які пазьней далучыўся да менскага «Дынама» з КХЛ[3], расейскі абаронца Андрэй Сьпірыдонаў, беларускі нападнік Кірыл Брыкун. Галоўным трэнэрам калектыву быў бацька памянёнага абаронцы Васіль Сьпірыдонаў.
Заняпад[рэдагаваць | рэдагаваць крыніцу]
Усё скончылася тым, што ў «Мэталюргу» былі складанасьці зь фінансамі[4]. Рубам ставілася пытаньне наконт існаваньня каманды[5][6][7]. «Мэталюрг» выратаваўся і кіраўніцтва склала пагадненьне зь менскім «Дынама», стаўшы фарм-клюбам «зуброў». Тым ня менш вынікі пагоршыліся. Клюб усё ж такі быў сярод лідэраў Экстралігі, але вышэй за чвэрцьфінал не падымалася. Выключэньнем быў толькі першы сэзон па сыходзе лідэраў каманды. У лістападзе 2014 годзе галоўны трэнэр Павал Зуброў увайшоў у штаб расейскай «Сібіры»[8]. Новым трэнэрам быў прызначаны Аляксей Аляксееў[9]. У красавіку 2015 году ачоліў каманду Андрэй Калесьнікаў, які раней кіраваў фарм-клюбам «Мэталюрг-2»[10]. Беларускі трэнэр працаваў з «сталяварамі» да сакавіка 2018 году[11]. Але ягоны наступнік Аляксандар Палішчук не затрымаўся на пасадзе, а пасьля каманду падхапіў у верасьні 2018 году Аляксандар Гаўрылёнак. Праз год Гаўрылёнак быў пераведзены на працу ў другую каманду, а галоўную дружыну ачоліў Эдуард Валівулін. На Кубак Беларусі 2019 году «Мэталюрг» ня быў дапушчаны праз наяўнасьць неаплачанай запазычанасьці як хакеістам, гэтак і нацыянальнай фэдэрацыі[12]. Напрыканцы жніўня кіраўніцтва паведаміла пра ліквідацыю ўсіх даўгоў[13], дзякуючы чаму быў дапушчаны да ўдзелу ў Экстралізе.
Новыя посьпехі[рэдагаваць | рэдагаваць крыніцу]
Перад сэзонам 2020—2021 гадоў «Мэталюрг» зноў зьмяніў галоўнага трэнэра. Таксама да клюбу далучыліся дасьведчаныя гульцы, як то Сяргей Топаль, Аляксандар Яронаў і Аляксей Яфіменка. Вярнуўся і брамнік Мільчакоў, які некалі здабываў залатыя мэдалі з жлобінцамі[14]. Да шэрагу «воўкаў» перайшоў малады пэсрпэктыўны гулец Віталь Пінчук[15]. Нападнік клюбу Аляксей Міхноў прагназаваў клюбу месца ў тройцы найлепшых[16]. Клюб на доўгі час замацаваўся на чацьвертым месцы, але потым апусьціўся на шостую пазыцыі, фінішаваўшы ў выніку пятым у рэгулярным сэзоне. У плэй-оф «Мэталюрг» перагуляў «Дынама-Маладэчна», а потым у зацятай барацьбе зь лікам 4:3 у сэрыі прагуляла «Юнацтву» ў паўфінале. Па сэзоне жлобінцы зладзілі моцную трансфэрную кампанію, прыдбаўшы абаронцу «Лякаматыву» Алега Гарошка, аднаго з найлепшых нападнікаў Арцёма Кіслага, а таксама расейцаў з УХЛ Аляксандра Цімірова, Аляксандра Самойлава, Даніла Мокрушава ды з МХЛ Паўла Купчыхіна. Галоўным трэнэрам быў прызначаны дасьведчаны спэцыяліст Дзьмітры Краўчанка[17]. «Мэталюрг» хутка ўвайшоў у групу лідэраў і да сканчэньня першага этапу рэгулярнага сэзону рухаўся на лідуючых пазыцыях. Клюб скончыў рэгулярны сэзон на другім радку, а расейцы Міхноў і Ціміроў ачолілі сьпіс найлепшых бамбардзіраў лігі. «Мэталюрг» безь перашкодаў выбіў у чвэрцьфінале плэй-оф «Дынама-Маладэчна». У паўфінале ў зацятай барацьбе «воўкі» пераадолілі супраціў «Шахцёра», у апошнім сёмым матчы сэрыі выгуляўшы зь лікам 5:0[18]. У фінале ў такой жа зацятай барацьбе «Мэталюрг» перамог «Юнацтва» і ў другі раз у сваёй гісторыі стаў чэмпіёнам краіны. Улетку 2022 году з клюбу сышоў шэраг лідэраў, але засталіся Міхноў і Самойлаў. Да складу далучыліся беларусы Сяргей Касьціцын і Сяргей Багалейша, а таксама расейцы уладальнік Кубка Гагарына Міхаіл Анісін, Яраслаў Сергіеўскі і Ігар Вугольнікаў. Рэгулярны сэзон атрымаўся не такім пасьпяховы як папярэдні, але плэй-оф быў удалым. Перагуляўшы «Гомель» і «Шахцёр», «Мэталюрг» у фінале ў працяглай сэрыі выгуляў «Нёман».
Склад[рэдагаваць | рэдагаваць крыніцу]
Паводле стану на 4 лютага 2024 году
| Брамнікі | |||||||
|---|---|---|---|---|---|---|---|
| 30 | 
|
Сяргей Бальшакоў | 02.06.1996 | 33 | .svg){kind=small}
|
Раман Бабарыка | 14.10.1993 |
| Абаронцы | |||||||
| 6 |
|
Ягор Старкоў | 04.10.2001 | 21 |
|
Аляксей Кірылаў | 18.06.1993 |
| 23 |
|
Уладзімер Ермянкоў | 04.03.2000 | 46 |
|
Раман Дастанка | 03.05.1994 |
| 49 |
|
Кірыл Страмавухаў | 13.09.2005 | 61 |
|
Уладзіслаў Навумаў | 10.05.2004 |
| 98 |
|
Уладзіслаў Сакалоўскі | 09.11.1998 | ||||
| Нападнікі | |||||||
| 10 |
|
Захар Палішчук | 14.05.1999 | 11 |
|
Міхаіл Стэфановіч | 27.11.1989 |
| 13 |
|
Аляксандар Хаванаў | 12.04.2000 | 15 |
|
Айрат Вільданаў | 15.03.1999 |
| 17 |
|
Аляксандар Падкарытаў | 03.02.1998 | 18 |
|
Расьціслаў Бадзілоўскі | 05.09.2006 |
| 34 |
|
Канстанцін Лукін | 26.03.2001 | 35 |
|
Аляксандар Пухлоўскі | 08.02.1993 |
| 47 |
|
Ільля Спат | 25.01.2002 | 52 |
|
Антон Лазарэнка | 24.04.2003 |
| 53 |
|
Георгі Крышталь | 23.08.2001 | 63 |
|
Ягор Воранаў | 04.02.1994 |
| 74 |
|
Сяргей Касьціцын | 20.03.1987 | 79 |
|
Ільля Шурынаў | 21.01.2003 |
| 81 |
|
Максім Лемяшэўскі | 13.05.2002 | 87 |
|
Уладзімер Караблёў | 11.09.2002 |
| 88 | 
|
Арцём Анціпаў | 24.05.1994 | ||||
Крыніцы[рэдагаваць | рэдагаваць крыніцу]
- ^ а б 15 лет назад в ледовом дворце «Металлург» прошел первый официальный матч: «волки» обыграли «Витебск». Беларусі хакей.
- ^ Василий Спиридонов: Мы получили неоценимый опыт на КК. Беларускі хакей.
- ^ История. БФХ.
- ^ Дмитрий Цыкунов: Смысла удерживать легионеров в Жлобине нет. Беларускі хакей.
- ^ Дмитрий Цыкунов: «Металлург» не должен прекратить существование, он важен для Жлобина. Беларускі хакей
- ^ ОЧБ: На помощь «Металлургу» должны прийти два предприятия. Беларускі хакей.
- ^ Дмитрий Цыкунов: Непонятно, будет ли вообще финансирование на будущий сезон. Беларускі хакей.
- ^ КХЛ: Наставник жлобинского «Металлурга» официально вошел в тренерский штаб «Сибири». Беларускі хакей.
- ^ Алексей Алексеев: Полного осознания, что я стал главным тренером, пока не пришло. Беларускі хакей.
- ^ ЧБ: «Металлург» возглавит белорусский тренер. Беларусі хакей.
- ^ ЧБ: Главный тренер «Металлурга» покидает свой пост. Беларускі хакей.
- ^ Жлобинский «Металлург» не допущен к старту в Кубке Салея-2019. БФХ.
- ^ Жлобинский «Металлург» погасил долги перед игроками. Беларусі хакей.
- ^ Вратарь сборной Беларуси перешёл в «Металлург». Беларусі хакей.
- ^ Два талантливых белорусских форварда подписали контракты с «Металлургом». Беларусі хакей.
- ^ Алексей Михнов: «Металлург» должен быть в тройке. Беларускі хакей.
- ^ Дмитрий Кравченко о назначении в «Металлург» и изменениях состава. Беларускі хакей.
- ^ «Металлург» в седьмом матче разгромил «Шахтер» и вышел в финал плей-офф Экстралиги. Беларускі хакей.
Вонкавыя спасылкі[рэдагаваць | рэдагаваць крыніцу]
| ||||||||||||||