Магілёў (хакейны клюб)

	Магілёў
Заснаваны	2000
Адкуль	Магілёў, Беларусь
Пляцоўка	Магілёў; Зьмяшчальнасьць: 3048
Фарм-клюб	Ільвы
Дырэктар	Ігар Генісеў
Чэмпіянат	Экстраліга
	Галерэя здымкаў у Вікісховішчы;

«Магілёў» — беларускі хакейны клюб з аднайменнага гораду, які выступае ў беларускай Экстралізе.

Гісторыя

Заснаваньне

Хакейны клюб «Магілёў» быў створаны ў 2000 годзе па будаўніцтве лядовага палацу спорту ў горадзе. Першым трэнэрам каманды быў прызначаны колішні брамнік зборнай Беларусі Аляксандар Шумідуб. Асноўны склад першай дружыны склалі выхаванцы-юнакі менскага і гарадзенскага хакею, якія былі кандыдатамі ў моладзевую зборную краіны. Клюб узяў удзел у чэмпіянаце Беларусі 2000—2001 гадоў, падчас якога ў студзені 2001 году зьмяніў назву на «Хімвалакно». Гэта было зьвязанае з тым, што ААТ Магілёўхімвалакно ўвайшло ў лік устаноўцаў клюбу.

Моцны пачатак

Першы сэзон быў няўдалым, але наступны з новым трэнэрам Уладзімерам Сініцынам быў пасьпяховым. Клюб быў апошнім у сваёй падгрупе, але ў плэй-оф магілёўцы перакрочылі «Віцебск» і «Гомель», трапіўшы ў фінал. У фінальнай сэрыі перамогу здабыў «Керамін». Асноўны склад каманды, якая здабыла срэбра, складалася пераважна з расейскіх легіянэраў. У тым жа сэзоне «Хімвалакно» брало ўдзел у групе Б УЭХЛ, дзе найлепшым абаронцам быў празнаны гулец магілёўскага клюбу Яўген Летаў. Перад пачаткам сэзону 2002—2003 гадоў зноўку зьмяніўся трэнэр, то бок новым кіраўніком стаў Уладзімер Баяранцаў, які хутка быў заменены на Аляксандра Зачосава. У выніку «Хімвалакно» прабілася ў паўфіналу чэмпіянату, але саступіла «Кераміну», фінішаваўшы з бронзавымі мэдалямі. Пасьля сэзону магілёўцы зьмянілі шэраг трэнэраў, але толькі Аляксандар Ваўчкоў замацаваўся на пасадзе галоўнага трэнэра. Клюб скончыў новы сэзон у чвэрцьфінале, ня здолеўшы выгуляць менскае «Юнацтва». Ва УЭХЛ «Хімвалакно» быў трэцім. У 2003 годзе да каманды далучыўся дасьведчаны Аляксандар Гальчанюк, які стаў лідэрам каманда на наступныя гады. У прыватнасьці, дзякуючы ягонаму ўнёску «Хімвалакно» чарговым разам здабыло бронзавыя мэдалі. Важную ролю выконваў украінскі нападнік Алег Шафарэнка.

Пагаршэньне вынікаў

У сэзоне 2004—2005 гадоў «Хімвалакно» здабыла бронзавыя мэдалі. У 2006 годзе найлепшым бамбардзірам клюбу стаў Аляксандар Мацярухін, а сам клюб быў чацьвертым. У сэзоне 2006—2007 гадоў каманда спатыкнулася аб наваполацкі «Хімік»-СКА ў чвэрцьфінале. Па сэзоне Ваўчкоў сышоў з клюбу, гэтак жа як і шэраг стрыжневых гульцоў. Каманда пераважна гуртавалася вакол маладых гульцоў, трэнаваць якіх стаў Сяргей Вусанаў. Перад плэй-оф магілёўцы яшчэ страцілі Аляксандра Бараўкова. У выніку «Хімвалакно» саступіла ў чвэрцьфінале менскаму «Дынама». На новы сэзон каманда практычна захавала свой склад, яшчэ ўмацаваўшыся абаронцамі Паўлам Мікульчыкам і Яўгенам Летавым, які вярнуўся ў Магілёў. «Хімвалакно» замыкнула першую чацьвёрку ў рэгулярным сэзоне. У паўфінале магілёўцы перамаглі «Віцебск», а закінутая шайба Івана Сахарава сталася ня толькі вывела каманду ў паўфінале, але і была 100-й для гульца ў колерах дружыны. Тым ня менш, ва ўпартай барацьбе квіток у фінал здабыло «Юнацтва». У наступным розыгрышы «Хімвалакно» ў чвэрцьфінале сустрэлася з кіеўскім «Сокалам», саступіўшы паводле вынікаў пяці гульняў зь лікам 2:3.

У 2010 годзе каманда моцна зьмянілася. Галоўны спонсар адмовіўся ад падтрымкі каманды, праз што клюб быў перайменаваны ў «Магілёў», а вядучыя хакеісты сышлі з дружыны. У выніку калектыў фінішаваў на 10 радку, упершыню ня трапіўшы ў вырашальны раўнд. Не зважаючы на страту свайго бамбардзіра Арцём Бажко, які далучыўся да «Нёману», клюб на наступны год здолеў зачапіцца за 8 месца. Аднак, у чвэрцьфінале адразу саступіў «Мэталюргу». У міжсэзоньне «ільвы» зноў страцілі лідэраў, пераарыентаваўшыся на моладзь^[1]. У выніку каманда чатыры сэзоны запар займала апошняе месца. За гэты час папрацавалі з камандай Юры Чух і Міхаіл Клімін. У сэзоне 2016—2017 гадоў «Магілёў», нарэшце, не замкнуў турнірнай табліцы, скончыўшы сэзон на 10 месцы. Такі ж вынік паўтарыўся праз год, калі каманду ачольваў Дзьмітры Ралькоў. Перад пачаткам сэзону 2018—2019 гадоў Экстраліга была рэфармаваная, і магілёўцы трапілі ў другі дывізіён. Не зважаючы на страту нападніка Івана Каташэнкі^[2], «ільвы» з улікам паніжэньня канкурэнцыі выбіліся да ліку лідэраў турніру. Паводле вынікаў рэгулярнага сэзону аршанскі «Лякаматыў», які стаў пераможцам, і «Магілёў» далёка адарваліся ад сваіх канкурэнтаў. Абодва клюбы ўзялі ўдзел у пераходным турніры з прадстаўнікамі Экстралігі А — «Лідай» і жлобінскім «Мэталюргам». Аднак прадстаўнікі другога дывізіёну занялі апошнія месцы і не атрымалі права на ўдзел у элітным дывізіёне. Тым ня менш, перад пачаткам новага сэзону Фэдэрацыя хакею Беларусі пастанавіла перавесьці каманду моладзевай зборнай Беларусь U20 у дывізіён ніжэй. У адваротным кірунку рушыў «Магілёў», які атрымаў месца толькі праз наяўнасьць фарм-клюбу ў сваёй структуры, бо «Лякаматыў» такой каманды бракавала^[3].

Да дружыны вярнуўся Каташэнка^[4], а таксама шыхты клюбу ўзмацнілі Аляксандар Кудраўцаў^[5], Віктар Андрушчанка^[6] і Ягор Ягораў^[7]. Зважаючы на ўзмацненьні, каманда праз высокую канкурэнцыю фінішавала сёмай, але ўпершыню за доўгі час прабілася ў турнір плэй-оф, дзе саступіла «Нёману». У наступным сэзоне «Магілёў» быў апошнім у Экстралізе А, а ў матчах плэй-ін саступіў наваполацкаму «Хіміку». У 2021 годзе Экстраліга вярнулася да звыклага фармату, а дружыну ачоліў Аляксандар Мацярухін. Вынікі клюбу зноў пагоршыліся.

Склад

Паводле стану на 1 лютага 2026 году

Брамнікі
27	Аляксандар Восіпаў	2004	31	Дзьмітры Крапова	1999
52	Расьціслаў Зіновенка	2001
Абаронцы
9	Глеб Шаборшын	2001	14	Кірыл Вараб’ёў	2008
16	Максім Прахарэнка	2002	22	Уладзіслаў Арбузаў	1995
24	Ягор Арбузаў	2001	34	Уладзіслаў Рагаўцоў	2003
39	Аляксандар Шурыгін	1997	43	Вадзім Сушко	1986
55	Сяргей Мажаеў	2002	85	Канстанцін Татарэнка	2001
Нападнікі
8	Дзяніс Сяргушкін	1996	12	Аляксандар Папкоў	2000
17	Антон Елісеенка	1991	19	Міхаіл Бякін	1997
23	Дзьмітры Авечкін	1999	26	Арцём Шапіра	2000
32	Ягор Сямёнаў	2004	37	Ільля Шапіра	2001
42	Арсень Матлахаў	2006	44	Аляксандар Ярмоленка	2005
47	Арцём Ляўша	1992	49	Арсень Малючэнка	2004
73	Аляксандар Козінаў	1998	78	Кірыл Нікулін	1989
89	Канстанцін Калінін	1998	—	Іван Мурашоў	2002

Крыніцы

↑ Сергей Усанов: Будем работать с молодежью. Беларускі хакей.
↑ ЧБ: «Могилев» покинул один из лучших бомбардиров клуба. Беларускі хакей.
↑ Глава ФХРБ объяснил, почему «Могилев» сыграет в Экстралиге «А». Беларускі хакей.
↑ Экстралига А: Лучший бомбардир «Локомотива» продолжит карьеру в «Могилеве». Беларускі хакей.
↑ Экстралига А: Защитник оршанского «Локомотива» вернулся в «Могилев». Беларускі хакей.
↑ Экстралига А: Форвард, с опытом игры в КХЛ, перебрался в «Могилев». Беларускі хакей.
↑ Экстралига А: Харьковчанин с белорусским паспортом перешёл в «Могилев». Беларускі хакей.

Вонкавыя спасылкі

Афіцыйны сайт

[1] Сергей Усанов: Будем работать с молодежью. Беларускі хакей.

[2] ЧБ: «Могилев» покинул один из лучших бомбардиров клуба. Беларускі хакей.

[3] Глава ФХРБ объяснил, почему «Могилев» сыграет в Экстралиге «А». Беларускі хакей.

[4] Экстралига А: Лучший бомбардир «Локомотива» продолжит карьеру в «Могилеве». Беларускі хакей.

[5] Экстралига А: Защитник оршанского «Локомотива» вернулся в «Могилев». Беларускі хакей.

[6] Экстралига А: Форвард, с опытом игры в КХЛ, перебрался в «Могилев». Беларускі хакей.

[7] Экстралига А: Харьковчанин с белорусским паспортом перешёл в «Могилев». Беларускі хакей.

[1]

[2]

[3]

[4]

[5]

[6]

[7]