Максімілян Арнольд
| Максімілян Арнольд | ||
_2014-10-24_Maximilian_Arnold.jpg)
| ||
| Пэрсанальная інфармацыя | ||
|---|---|---|
| Нарадзіўся | 27 траўня 1994[1][2] (30 гадоў) | |
| Рост | 184 см[3] | |
| Вага | 74 кг | |
| Пазыцыя | паўабаронца | |
| Клюбная інфармацыя | ||
| Клюб | Вольфсбург | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2012— | Вольфсбург | 354 (42) |
| Зборныя | ||
| 2021— | Нямеччына | 3 (0) |
|
¹ Колькасьць гульняў і галоў за прафэсійны клюб лічыцца толькі | ||
Максімілян Арнольд (па-нямецку: Maximilian Arnold; нарадзіўся 27 траўня 1994 году, Рыза, Нямеччына) — нямецкі футбаліст, які выступае за нямецкі клюб «Вольфсбург» і юнацкую зборную Нямеччыны на пазыцыі паўабаронцы.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачынаў у клюбе «Strehla» й «Рыза», у 2006 годзе пераехаў у «Дынама» Дрэздэн, дзе яго вельмі жадаў бачыць трэнэр дрэздэнцаў. У 2009 годзе пераходзіць у клюб Бундэсьлігі «Вольфсбург». Прадстаўляў юнацкія каманды «Вольфсбурга» да 17 гадоў і да 19 гадоў. У складзе каманды «Вольфсбург» (да 19 гадоў) у 2011 годзе выйграў юнацкі чэмпіянат Нямеччыны. Усяго правёў за юнацкія каманды 55 матчаў і забіў у іх 21 гол.
26 лістапада 2011 году ва ўзросьце 17 гадоў і 5 месяцаў Максімілян Арнольд дэбютуе за каманду «Вольфсбург» і ў прафэсійным футболе наогул у матчы супраць «Аўсбургу» й становіцца самым маладым гульцом «ваўкоў» за ўсю гісторыю[4]. 5 траўня 2012 году прымае ўдзел у матчы са «Штутгартам». 18 жніўня 2012 году Максімілян Арнольд гуляе за «Вольфсбург» у матчы першага раўнда Кубка Нямеччыны супраць клюбу «Шонбэрг 95», на поле Арнольд правёў 20 хвілін, а «Вольфсбург» упэўнена перамог зь лікам 5:0
9 сакавіка 2013 году Максімілян Арнольд дэбютаваў у сэзоне 2012—2013 гадоў Бундэсьлігі матчам супраць «Фрайбургу», у якім «ваўкі» разграмілі суперніка зь лікам 2:5. Наступны матч адбыўся 6 красавіка 2013 году з «Баерам». 13 красавіка 2013 году ўжо ў сваім трэцім матчы сэзона ў Бундэсьлізе з «Гофэнгаймам» Арнольд забіў свой першы гол[5]. 20 красавіка 2013 году ў матчы супраць «Вэрдэра» Арнольд зноў забівае. 27 красавіка 2013 году Максімілян упершыню праводзіць увесь матч цалкам у сустрэчы з «Барусіяй» Мёнхэнглядбах і зноў забівае ў трэцім матчы запар. 5 траўня 2013 году прымае ўдзел у матчы з «Гамбургам». Пасьля гэтага працягнуў свой кантракт з «ваўкамі» да 30 чэрвеня 2017 году[6]. Пасьля падаўжэньня кантракту Максімілян Арнольд сказаў:
«Гэта ўсё яшчэ трохі, як сон. З самага раньняга веку ў мяне было жаданьне стаць прафэсіяналам. Я вельмі рады й задаволены тым, як далёка зайшоў у «Вольфсбурзе», і я вельмі ўдзячны за гэта. Цяпер я не супакоюся, а буду кожны дзень зацята працаваць, каб разьвіваць сябе й крок за крокам ісьці ўперад[7].»
Кумірам Максіміляна зьяўляецца Зынэдын Зыдан[8]. А ўзорам для перайманьня зьяўляецца Марыё Гёцэ[9].
Максімілян Арнольд — тэхнічны, здольны й таленавіты паўабаронца, якога ў «Вольфсбурзе» бачаць будучым бела-зялёных. Дастаткова сказаць, што на момант дэбюту ў Бундэсьлізе яму было ўсяго 17 гадоў, усяго ў сэзоне 2012—2013 гадоў Максімілян правёў 6 матчаў, прычым забіў у кожным другім зь іх.
Міжнарожная
[рэдагаваць | рэдагаваць крыніцу]Максімілян гуляў за зборныя Нямеччыны розных узростаў. На дадзены момант прадстаўляе юнацкую зборную Нямеччыны.
Дасягненьні
[рэдагаваць | рэдагаваць крыніцу]«Вольфсбург»:
- Уладальнік Кубка Нямеччыны: 2015
- Уладальнік Супэркубка Нямеччыны: 2015
Крыніцы й заўвагі
[рэдагаваць | рэдагаваць крыніцу]- ^ а б в Maximilian Arnold // Transfermarkt (мн.) — 2000.
- ^ а б в Maximilian Arnold // As (гішп.) — Madrid: PRISA, 1967. — ISSN 1888-6671
- ^ а б https://www.vfl-wolfsburg.de/teams/maenner/kader/spieler-profil/team-kader/profil/maximilian-arnold-27/
- ^ Debüt von Arnold(недаступная спасылка). www.vfl-wolfsburg.de
- ^ “Kindheitstraum in Erfüllung gegangen”(недаступная спасылка). www.vfl-wolfsburg.de
- ^ "Wie im Traum": Arnold verlängert bis 2017. www.kicker.de
- ^ Vertrag vorzeitig verlängert. www.vfl-wolfsburg.de
- ^ „Ein tolles Gefühl“(недаступная спасылка). www.vfl-wolfsburg.de
- ^ Maximilian Arnold: "Mario Götze ist ein Vorbild"(недаступная спасылка). www.dfb.de
Вонкавыя спасылкі
[рэдагаваць | рэдагаваць крыніцу]- Профіль на афіцыйным сайце «Вольфсбурга»(недаступная спасылка)
- Профіль на сайце Weltfussball.de
- Профіль на сайце Fussballdaten.de
- Профіль на сайце Kicker.de
- Профіль на сайце uefa.com