Перайсьці да зьместу

Каталін Новак

Зьвесткі зь Вікіпэдыі — вольнай энцыкляпэдыі
Каталін Новак
8 красавіка 2018 — 1 траўня 2022
1 кастрычніка 2020 — 31 сьнежня 2021
15 чэрвеня 2014 — 17 траўня 2018
22 траўня 2018 — 30 верасьня 2020
10 траўня 2022 — 26 лютага 2024
Папярэднік Янаш Адэр
Наступнік Ласла Кёвер
Асабістыя зьвесткі
Нарадзілася: 6 верасьня 1977(1977-09-06)[1] (46 гадоў)
Партыя:
Адукацыя:
Узнагароды:
кавалер ордэна Ганаровага Легіёну ланцуг ордэна Заслуг Commander of the Cross of the Order of Merit of the Republic of Poland Grand Collar of the Order of Prince Henry ордэн сьвятога Стэфана Вугорскага

Ка́талін Е́ва Ве́рэшне-Но́вак (па-вугорску: eresné Novák Katalin Éva; нар. 6 верасьня 1977, Сэгед) — вугорская палітычная і дзяржаўная дзяячка. Прэзыдэнт Вугоршчыны з 10 траўня 2022 году (першая жанчына ў краіне на гэтай пасадзе).

Каталін Новак — сябра партыі Фідэс. Дэпутат Нацыянальнага сходу Вугоршчыны з 2018 году. У мінулым-дзяржаўны сакратар (міністар без партфэлю) па справах сям’і і моладзі (2014—2020), міністар па справах сям’і (2020—2021). Кавалер Ордэну Ганаровага легіёну (2019). Камандор ордэну Заслуг перад Рэспублікай Польшча (2019 год).

У 1996—2001 гадах навучалася на эканамічным факультэце Унівэрсытэту Корвіна, атрымала ступень бакаляўру эканомікі. У 2001—2004 гадах вучылася на юрыдычным факультэце Сэгедзкага ўнівэрсытэту і вывучала права ва Парыска-Нантэрскім ўнівэрсытэце. Таксама прайшла навучаньне ў Інстытуце палітычных дасьледаваньняў у Парыжы.

Была рэдактарам часопісаў The Family-Friendly Turn (2010—2018) і Family-Friendly Decade (2010—2020). Аўтар больш за 50 артыкулаў пра сям’ю.

У 2017—2021 гадах была віцэ-старшынёй партыі Фідэс, якую ўзначальвае Віктар Орбан. Па выніках парлямэнцкіх выбараў 8 красавіка 2018 году абраная дэпутатам Нацыянальнага сходу Вугоршчыны.

21 сьнежня 2021 году вылучана кандыдатам ад кіруючай партыі на прэзыдэнцкіх выбарах. Нацыянальны сход Вугоршчыны 10 сакавіка 2022 году выбраў Каталін Новак прэзыдэнтам Вугоршчыны[3]. Яна атрымала 137 з 193 галасоў дэпутатаў. Стала першай жанчынай у гісторыі, якая заняла пасаду прэзыдэнта Вугоршчыны. 10 траўня заступіла на пасаду, зьмяніўшы Янаша Адэра.

Замужам за Іштванам Верашам (Veeresh István Attila), супрацоўнікам вугорскага Нацыянальнага банку. Мае трох дзяцей: дачка Кату (Kata, 2008) і сыноў Адама (Ádám, 2004) і Томаша (Tamás, 2006).

Вонкавыя спасылкі

[рэдагаваць | рэдагаваць крыніцу]